2013年12月16日 星期一

食譜。雪耳百合燉南瓜糖水


11月29日(Happy Friday)~依排d天氣超dry又勁凍

早兩日已經整左個"雪耳百合燉椰青水"滋潤下

反正仲用剩d百合+雪耳~依日買1/4個日本南瓜

下午返屋企..就整個"雪耳百合燉南瓜"做下午茶


2013年12月12日 星期四

食譜。雪耳百合燉椰青水


11月27日(星期三)~早2日拍攝完食譜

部份道具食材留唔到下星期用~所以編輯J小姐話唔好浪費

叫我物盡其用左佢~其中兩個椰皇..已經即場開左比佢地飲

剩返個椰青..真係R頭~因為我未開過椰青..買都會叫人開

但每次入廚房..望到個椰青呢~硬係覺得有d野未做完咁(哈哈)

原本想開左佢直接飲~後尾記得早2日..買左pack新鮮百合

唔食又係等爛~所以最終整左個"雪耳百合燉椰青水"


2013年11月13日 星期三

食譜。泰式炆豬肉


10月25日(Happy Friday)~自從老闆係布吉既風味茅屋

品嚐過當地既"炆豬肉"之後~返到香港都經常提起

仲叫我得閒整比佢食~回港後..真係一直都好忙

不過每日都有煮飯..簡餐多囉~依日終於得閒d

就買兩小舊"有骨豬腩"~整個"泰式炆豬肉"過佢食呢^^


2013年10月30日 星期三

泰南。我們在途上


泰南11天之旅既遊記..終於寫完晒lu

最後一篇..係我同老闆在途上既渡假生活

今次影左好少相~因為實在太hea+太enjoy

同埋..通常我影老闆多過佢影我~所以每次返黎睇相

佢都問點解全部係佢~我話..因為你無主動影我囉(哈哈)

我又唔會叫佢影~想佢發自內心咁先會影得開心呢

第一日出發..係機場做check in手續^^


2013年10月29日 星期二

自駕遊。布吉之旅(7)


9月26日(星期四)~上午由Koh Raya返出布吉後

沿途食完個local thai noodle~就去Super Cheap買手信+醬料

之後再去埋Lemongrass House買用品~就返酒店check in

依日係老闆生日~其實訂package既時候~已經通知酒店

依日入住有客人生日~而係23/9 check out既時候

再同manageress講過~佢話26/9會送蛋糕比我地

依日4點半去到check in~個manageress off~由其他同事跟

我話5點前要送到入房~因為我地要出去~終於等到5:45pm

出去同佢地講..浪費左我好多時間~個蛋糕都無送黎

服務員好緊張~即刻call廚部..話直接送入房間~回來會有呢

終於食完晚餐都無~我無再嘈..因為已經11pm~加上費事加料

不過對依間酒店既服務~就留下一個好壞既印象囉


2013年10月28日 星期一

自駕遊。布吉之旅(6)


9月26日(星期四..Day 10)~依日準備離開Koh Raya

返"布吉"完成餘下既行程~朝早食完早餐..仲有時間係房浸下水

玩完收拾好行李..11點check out~雖然Speedboat book左12點

但要30分鐘前check in上船~仲要預時間坐車返去碼頭呢


2013年10月25日 星期五

自駕遊。Koh Raya(8)


9月25日(星期三..Day9)~Oh!! 話咁快聽日就要返"布吉"

"Koh Raya 4日3夜之旅"又接近尾聲lu~真係有d唔捨得

因為實在好悠閒~所以要爭取時間..再出去四圍行下




2013年10月24日 星期四

自駕遊。Koh Raya(7)


9月25日(星期三..Day 9)~前篇有整合"Koh Raya"既外圍環境

其實係陸上既感覺..都比較沙漠感~因為行既都係沙泥路

加上暴曬既天氣~爆熱之中就算有風..都感覺比較Dry

依篇上去view point睇全海景~wow!! 山上超大風

全海景既感覺超正~海水仲非常清澈乾淨..超靚呢^^


2013年10月23日 星期三

自駕遊。Koh Raya(6)


9月24日(星期二..Day 8)~天氣日日都超好+爆曬

太陽既猛烈程度..想像到日落一定好靚+壯觀

所以見差不多黃昏時間~自己出去沙灘位置影日落

睇完先再同老闆出去食晚餐呢(好寫意既自由活動空間^^)



2013年10月22日 星期二

自駕遊。Koh Raya(5)


9月24日(星期二..Day 8)~前篇有整合幾日既早餐

依篇就整合睇下小島"Koh Raya"..Resort以外既環境

我個人真係好鐘意依個島既環境~因為好綠林feel

而且有巨蜥蝪四圍遊蕩~感覺更加有原始大自然既氣息

感恩!! 幾日係外島既天氣都超好~非常好陽光+爆曬

通常食完早餐..都會留係房hea浸水+睇下戲




2013年10月21日 星期一

自駕遊。Koh Raya(4)


9月24日(星期二..Day 8)~Resort既床好舒服

每晚又係可以一覺瞓到天光~而且瞓得非常安心

每早8點多會自然醒~陽光普照..走出露台吸口新鮮空氣

夾雜淡淡海風氣息~真係令人份外醒神! 有叉足電既感覺

依篇整合係Resort幾日既早餐~餐廳環境舒服..有室內外座

食物款式好ok..而每日都有部份轉款~感覺上又無咁悶膩

服務都非常好~服務生既PR手法..令人有份好親切既感覺^^



2013年10月18日 星期五

自駕遊。Koh Raya(3)


9月23日(星期一..Day 7)~第一日係Resort無咩活動^^

因為實在太享受房間既設施~hea下hea下..咁就hea左大半日

入島前係Wine Connection買左酒ma~留返夜晚係房慢慢飲



2013年10月17日 星期四

自駕遊。Koh Raya(2)


9月23日(星期一..Day 7)~依日正式入島渡假

係島既四日生活..真係好hea~每日瞓到8點多就自然醒

攪掂出去食早餐~食完就自由活動~太曬我都唔多出去架

有時寧願係房浸水..睇電影..灘抖下..沖熱茶飲+食snacks

老闆又係浸水..係房hea..借單車踩(不過佢都話太曬..踩一陣都曬黑左)

等到4點左右..就出去四圍行下+影相~另外都有係海灘游水

因為好大浪~所以借Body Board玩下衝浪(超花氣力..但好好玩^^)

~ ~ ~ ~ ~ ~ ~ ~ ~ ~ ~ ~ ~ ~ ~

房間設備好完善~全部用品都包裝上自家Logo

依舊皂係Lemongrass出品~淡淡薑味..好香呢


2013年10月16日 星期三

自駕遊。Koh Raya(1)


"Koh Raya"又叫"Racha Island"~中文稱之為"皇帝島"

好多人會係布吉join tour出外島玩~其一就係去依個島

不過我真係ma ma地鐘意join tour~由其走幾個島太頻撲

當初亦因為見"Raya"好靚~所以吸引我plan埋去布吉+喀比

整個行程..最期待就係去"Raya" hea玩~感覺實在好悠閒呢

出發前..睇過"The Racha"及"Sawadee.com"既房間介紹+價錢

Resort訂房+Speedboat要另收(++)~反而Sawadee.com唔駛

所以直接經Sawadee.com訂房+Speedboat~回覆非常快速

而且服務仲好好~除左package外..都好樂意解答其他問題

因為我地要泊車係碼頭4日~send過email問碼頭遊客服務中心

等幾日都無人覆~所以試下問Sawadee職員~好快已經覆返我

果刻真係好開心囉~起碼解決左當務泊車之急既問題

如果要淨訂泰國酒店~推介可以考慮Sawadee.com

訂當地酒店既價錢~會比Agoda.com平少少呢

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

9月23日(星期一..Day 7)~"布吉4日3夜之旅"..又告一段落

依日準備出外島"Koh Raya"~10:30am係Resort check out

揸車去Chalong Pier泊底架車先(40THB/day..總消費:120THB)

依個係往接駁船既石橋~要另外坐車出去呢



2013年10月15日 星期二

自駕遊。布吉之旅(5)


9月22日(星期日..Day 6)~話咁快黎到第6日啦

依日食完早餐..攪掂晒~10:00am出發準備去做Spa

出發前已經online訂定Spa Package~所以預留半日去做

係泰國做Spa真係超抵~記得第一次同老闆一齊去做

估唔到佢會覺得尷尬~我反而只係怕搓到個肚會即刻爆笑

其他已經豁出去~不過往後去做..佢都開始習慣話好舒服

今次做完仲話唔夠喉~有機會再去泰國最少要安排做2次喎(哈哈)

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

依日Book左10:30開始做~10:15am已經去到"So Thai Spa"

店內環境好乾淨整齊~而且充滿清雅香薰氣味..令人好舒服

我地揀左個"So Thai Luxury Package(4hrs)"

另揀選個人喜愛既香薰油~隨後服務員引領我地入房呢



2013年10月14日 星期一

自駕遊。布吉之旅(4)


出發前..原本老闆話想安排係布吉睇show(FantaSea Show/人妖歌舞Show)
 
不過時間真係有限~加上最主要..我對依類show興趣不大
 
慶幸..解釋比老闆聽之後~最終佢都接受話唔睇喎
 
加上今次再踏足布吉~感覺同N年前去..已經變化好大
 
由其Patong區非常商業化~酒吧街既感覺仲好污煙脹氣
 
所以盡可能+無必要~我地都盡量唔想經過果條街呢
 
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

9月21日(星期六)~整合幾日係酒店影左少少早餐相

其實食物都可以~只係朝早我唔慣食野(唔食都無問題)

但就一定要飲好多水~所以簡單介紹下就算呢

而酒店外觀都唔錯~酒店範圍好大..內堂佈置好泰feel



2013年10月11日 星期五

自駕遊。布吉之旅(3)


9月21日(星期六..Day 5)~依早係酒店食完早餐+游水

大約10出發route check~為未來幾日出發外島作準備

由酒店揸車去Chalong Pier~check下全程要幾耐時間

同埋..主要睇下朝早會唔會塞車~最終車程比預期暢順

而時間上只係30分鐘(非常方便)~route check完..遊車河

下一站Rawai Beach~beachside晏d會有好多海鮮檔口

好多人會係依個地方買海鮮~再過對面餐廳煮理

依日太早..仲未開檔~不過行程無打算安排係道進食

只係隨便行下~除左beachside..近街尾仲有好多檔口

感覺上比大街食店更為local~而且環抱全海景


2013年10月10日 星期四

自駕遊。布吉之旅(2)


9月20日(Happy Friday..Day 4)~由喀比返到布吉

我地直接去"Bang Pae Seafood"食lunch~之後準備返酒店

沿途去Lemongrass House~睇定要買既handmade products

因為出完外島返黎當日..會即刻去買野~睇完就直接返酒店lu

布吉我地揀住"Novotel Vintage Park Resort - Pool Access Room"


2013年10月9日 星期三

自駕遊。布吉之旅(1)


9月20日(Happy Friday..Day 4)~"4日3夜(喀比之旅)"完結lu

依日準備返"布吉"繼續行程~前一晚臨瞓開始落長命雨

朝早涼左好多..同埋好好陽光~泰國9月都屬於雨季

幸運地..係喀比幾日都好天~唔太熱又比較乾爽(感恩)

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

起身攪掂梳洗完..出去食早餐~心思思又去搵"穆斯林媽媽"

因為佢個湯麵真係好味~所以離開"喀比"前..都想再品嚐一碗

加上未來日子應該未必再踏足喀比~所以更加要回味一下呢^^

我點個"雞肉湯米粉(走牛肉)"..另外隔離檔買左幾件"炸雞"



2013年10月8日 星期二

自駕遊。喀比之旅(5)


9月19日(星期四..Day 3)~前一晚又係瞓得非常好

半夢半醒之間..以為自己係屋企起身~可想而知..

張床褥+環境真係瞓得好安心~依早8點幾就醒啦

嚴格黎講..計埋時差~香港時間已經9點幾(好少咁晏起身^^)

梳洗攪掂完~是日行程繼續"生態遊"~出發前去大街對面

搵Muslim Mama食個早餐先~因為老闆話想食湯麵喎

反正昨日食左西式早餐~而且份量真係超巨(勁呆飽!!)

所以依早食湯麵都好既..份量少d ma

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

一人點一碗"雞肉湯米粉"

外表看似平凡~但真係好味到爆!! 除左配料非常足之外

仲睇得出檔主"穆斯林媽媽"非常用心煮既一個湯米粉

仲附上幾粒牛丸~當然我送埋比老闆食(因為我唔食牛ma)

穆斯林媽媽好細心~見老闆食到出晒汗..即刻開風扇比佢

之後仲同我地傾計~可能比較少遊客幫襯~所以好好奇呢



2013年10月7日 星期一

自駕遊。喀比之旅(4)


9月18日(星期三..Day 2)~上午去完生態遊"Tha Pom"

回程同老闆食埋碗local湯麵~就返Resort hea陣

下午3點幾..再揸車去Krabi Town視察下環境


2013年10月4日 星期五

自駕遊。喀比之旅(3)


籌備行程時..問過老闆有咩想玩~原本佢想join tour出島玩浮潛

睇過大部份遊客都join"四島遊"~朝早去酒店接齊所有客再出島

每個島玩一陣..包個lunch~4點左右已經完畢! 感覺好似好頻撲

於是考慮"單島遊"(Hong Island)~沙灘真係好靚..不過又係好晏接走

本身我係鐘意"陽光與海灘"~但好唔鐘意曬黑囉(所以老闆話我怪..哈)

諗起要暴曬咁多個鐘就驚~於是又考慮坐taxi boat過隔離Railay Island

但玩完回程時~taxi boat要夠人..船家先開船~除非自己包船就即走

見d人話等左個幾鐘先開船~諗諗下!! 9月淡季咁少客..可能有排等

所以最終又假民主~問完老闆去邊..最終都唔會去(哈哈..習慣性呢)

寧願plan去"生態遊"~時間由自己安排更有彈性..同埋有樹蔭唔怕曬

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ 

9月18日(星期三..Day 2)~前一晚瞓得好好..依早未夠8點就起身

攪掂梳洗完~就出去"Smiling Dog"食西式早餐

食店唔算大..約4-5張細檯~設有室內/室外座


2013年10月3日 星期四

自駕遊。喀比之旅(2)


9月17日(星期二..Day 1)~下午到達Krabi..先去酒店check in

因為lunch無食野~所以係房休息一陣..就早少少出去食晚餐

依晚揀去"Kruathara"..食店係Ao Nang Beach最盡頭位置



2013年10月2日 星期三

自駕遊。喀比之旅(1)


今次"泰南自駕遊11天之旅"~主要既目的地係出外島渡假

以布吉為轉接站(行程原本只有8日)~不過老闆話反正去開

想順便過埋Krabi~唔駛搵次再去喎! Krabi本身我就一般般

無話特別想去/唔去~因為我最期待係外島果幾日悠閒假期

既然佢想去~行程再加4日3夜去埋喀比..當還佢一個心願呢

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

其實每次兩口子遊走~回來都有好多得著+感情關係會有增進

因為去陌生地方~比係香港更加需要互相扶持..體諒..幫助..協調

感恩!! 我同老闆都好有默契~令每次行程都好幸運順利地完成

加上大家相識時間太耐~已經好了解大家既要求+旅遊方向

感恩!! 老闆又好信任我行程上既安排~包括食/住及交通等等

至少免卻埋怨..或者不必要爭吵(佢說得出"好滿意"..其實已經足夠呢)

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

9月17日(星期二..Day 1)~前一日上航空公司做online check in

另外re-send email去喀比Miti Resort confirm booking(以防甩漏)

依早8點多去到機場T2 counter寄行李~我地乘坐"泰國航空"

TG609(HKG>HKT)..起飛時間10:25am~飛行時間3小時20分鐘


2013年8月27日 星期二

食譜。綠茶豆腐雪糕


8月12日(星期一)~近排d天氣真係熱傻人

日間盡量留係屋企避暑~因為實在太曬+熱

咁爆熱既天氣..好自然又想食d凍野呢^^

Amazing Summer..繼"菠蘿椰子雪糕"後

今次整另一款味道.."綠茶豆腐雪糕"


2013年8月19日 星期一

食譜。蟹肉薯餅


8月2日(Happy Friday)~原本晚餐諗定食咩

因為通常星期尾~要清埋剩餘未煮既新鮮食材

星期六我day off~星期日又未知煮咩~點知..

阿喂又話想食火鍋~屋企仲有個焗薯..點都要清埋佢

依晚除左食"泡菜年糕鍋"~另外..整左個"蟹肉薯餅"


2013年8月16日 星期五

食譜。菠蘿椰子雪糕


星期日..外婆既離開~整個人突然處於空白狀態

真係好頹..加上夜晚又完全瞓唔到~好掛住外婆

成日諗佢做緊咩~之後諗諗下..又會喊(喊到個人好攰)

阿喂有叫我安慰下媽咪~暗地裡..其實我都自身難保

當然傾電話無令媽咪擔心我~頹左兩日..抖左啖大氣

都問自己想點~唔可以繼續沉溺傷痛..我要搵d野攪

我要將所有時間填滿~應該可以加快復原(power up!!)
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
7月31日(星期三)~Amazing Summer又來凍甜品

不過其實我唔太鐘意食雪糕~雪葩就like好多

但依個係非一般既雪糕呢.."菠蘿椰子雪糕"


2013年8月10日 星期六

Amigo(2)


7月17日(星期三)~Amigo餐廳..除左環境幽雅

服務都好貼心~餐廳仲為每位客人送上一點心意

雖然我地個booking唔見左~但安排我地安坐後

服務生隨即為我地補回~餐廳獨有既memo pad

2013年8月9日 星期五

Amigo(1)


7月17日(星期三)~每年生日..阿喂都會攞假

陪我靜靜地渡過生日~雖然無咩特別節目

同平時假期一樣~簡簡單單渡過+出去食餐飯

好好享受二人世界~其實已經好開心+滿足^^

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

今年生日..我揀左去"Amigo"慶祝

早兩星期已經打去book檯~因為聽聞好full

所以早少少訂定~順便交代埋係慶祝生日呢

依日6點多去到餐廳~竟然搵唔到個booking

我仲講得出係幾時book~同埋因為book既時候

要留客人名~接線生聽到阿喂個英文名(反應好大)

加上..我第二次打去~佢仲即刻講到阿喂個名呢

2013年7月20日 星期六

遺體捐贈計劃


6月16日(星期一)~生有時..死有時

3月果陣..爸媽已經登記左"遺體捐贈計劃"

當時我真係完全無諗過~會唔會做捐贈者

事隔三個月後..咁岩昨晚睇"星期日檔案"

再做依個topic~可能真係timing問題

突然間自己會係道諗~既然無兒無女

老左都係無人無物~何不做點貢獻呢

我無問阿喂捐唔捐~亦無問佢同唔同意

當晚填好張form~就搵阿喂簽名做見證人


2013年7月9日 星期二

食譜。奇異果乳酪雪葩


6月2日(星期日)~上年整"芒果乳酪雪葩"果陣

阿喂已經話想試奇異果味雪葩~早排天氣好熱

整"黑莓乳酪雪葩"比阿喂食果陣~又提起奇異果

既然佢咁想食..就整個"奇異果乳酪雪葩"

等佢假期又可以消消暑呢^^


2013年7月5日 星期五

食譜。鮮檸酸薑


5月31日(Happy Friday)~早2日..阿E打比我

話子薑當造..要唔要醃返d~阿喂好鐘意食酸薑架

以前阿喂媽都成日整比我地食~不過依家無lu

所以聽見阿E咁講~前一日即刻出去買子薑

醃定d比阿喂食呢~今次用阿E既方法

用新鮮檸檬汁製成.."鮮檸酸薑"

2013年7月4日 星期四

食譜。泰式香茅豬手


5月30日(星期四)~星期初行開超市

買左pack豬手~因為屋企仲有半支白醋想清左佢

所以買定黎..早兩日整左個"泰式香茅豬手"呢^^



2013年7月2日 星期二

食譜。椰汁河粉(伴紅火龍汁)


5月26日(星期日)~近排天氣真係熱傻人

其實我都算少飲/食凍野~近排都頂唔順

食左幾次凍甜品去消暑~早兩日去開超市

見有靚既紅火龍果賣~因為唔係成日有貨

所以如果有+又大又靚既都一定會買囉

除左當生果食..最鐘意mix益力多(整沙冰飲)

真係超正又好味~今次特登等阿喂假期

整個夏日甜品齊齊消暑.."椰汁河粉(伴紅火龍汁)"

2013年6月17日 星期一

食譜。黑莓乳酪雪葩


5月15日(星期三)~依日特登叫阿喂off

原本講定是日節目~睇完戲..出去影鴨仔

影完行街+食埋飯就返屋企(安排得好似..好完美既假期)

最主要諗住等影巨鴨既熱潮..無咁多人先去

依類娛樂都有興趣睇~但唔會第一時間要去囉

唔急同人迫~由其襯熱鬧+多人既地方都唔岩我

點知..好景不常~巨鴨扁了..暫時無緣同佢見一面

再者..阿喂原本聽日既飯局~臨時又改期依晚去

計劃都打消啦~好在..都睇到我最想睇既Iron Man

~ ~ ~ ~ ~ ~ ~ ~ ~ ~ ~ ~ 

近排天氣真係好熱~前一日買左盒"黑莓"

諗住襯阿喂off..整定個"黑莓乳酪雪葩"

依日可以齊齊消消暑^^

2013年4月29日 星期一

我們。馬爾代夫


來到最後一篇.."馬爾代夫遊記"

有我地係當地既生活片段~今次發現..

原來好多人去Maldives會帶好多靚衫去影相

之前講過..有兩個香港女仔同我地住同一villa

果幾日..見佢地起碼換左十套雪紡晚裝去影相

日日唔同裝+妝..由早到晚不停影~回程係機場

見部份台灣人都係~最後一日仲會著埋上機呢
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
馬爾代夫本身給人感覺~係好浪漫寫意既地方

所以我都好認同~唔同場景..配襯唔同服飾

加埋拍攝主體既型格~出黎既效果會更貼切

第一日落機我影相~阿喂就去counter報到


2013年4月27日 星期六

Relaxing。馬爾代夫(15)


3月12日(星期二)~前一日未夠六點就醒左

係villa hea到6:30pm先坐speedboat出機場

坐21:50夜機返香港~差不多六小時機程完全瞓唔到

好在隔離個男仔成日起身四圍行~我地都可以伸展下

瞓唔著唯有睇戲..食candy..聽歌去消磨時間呢^^


2013年4月26日 星期五

Relaxing。馬爾代夫(14)


3月11日(星期一)~管家約定我地6:30pm

坐speedboat出機場~食完lunch..仲有成4個鐘

出面咁熱..唔想四圍行~所以我地去main bar坐

因為已經check out~all inclusive唔再包飲料

如果要飲野就要自費~我地房仲有支大蒸餾水

管家叫我地拎埋去~可以唔駛特別再點飲品呢^^

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

出發前dl左好多戲~4個鐘涼住冷氣hea睇

差不多6點..準備日落~同阿喂出去行+舒展下

順便又可以影埋..在馬爾代夫最後的日落


2013年4月25日 星期四

Relaxing。馬爾代夫(13)


3月11日(星期一)~話咁快就Day 5啦

最後一日係villa~夜晚準備坐夜機返香港lu

早幾日都瞓到近8點先起身~太陽都出來了^^

所以諗住隨緣影日出~唔想刻意起身去影囉

出奇..依早未夠6點就醒左~仲係完全清醒狀態

去完洗手間..出露台昅昅~wow..剛好準備日出喎


2013年4月24日 星期三

Relaxing。馬爾代夫(12)


3月10日(星期日)~管家話七點有cocktail party

睇完日落..我地就返房hea陣先~夠鐘先出去囉

前一日咁岩見到~有對外國人係villa舉行婚禮

以為係為佢地見證or慶祝ma~點知原來唔係喎

純粹係villa攪既聯誼活動~依個白衫職員識講國語

不過係villa佢主打服務大陸人~同我地完全無接觸過


2013年4月23日 星期二

Relaxing。馬爾代夫(11)


3月10日(星期日)~黎到Day 4

每日既活動其實都一樣..唔係食就係瞓

一係浮潛..浸水..飲野..影相..睇星星..睇魚^^

唯一唔同就係餐飲~唔講咁多..睇下有咩食先

早餐"鮮榨菠蘿汁"~唔係日日有..服務生要入廚房問呢


2013年4月22日 星期一

Relaxing。馬爾代夫(10)


3月9日(星期六)~係島享受假期..除左食玩瞓

最正係安排好晒~定時定候去用餐又無人騷擾

我見有d Resort會安排好多function叫客人玩

之前分別有兩對fd去完馬爾代夫~又係好多活動

講真..我唔鐘意囉~阿喂反而熱衷依類群體活動
(細個就會..依家我唔易同人混熟~人越大..仲更加內歛~阿喂就好易識到人囉)

所以假期我都係鐘意自己享樂多d呢^^
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
每日d時間..真係過得好快~無耐..又夠鐘食lunch


2013年4月19日 星期五

Relaxing。馬爾代夫(9)


3月9日(星期六)~話咁快就Day 3

係馬爾代夫咁多日~陽光好猛..超爆曬但好大風

依日好早起身..懶洋洋hea到9點先出去食早餐

朝早見水流比較急~我無去浮潛..阿喂自己去玩囉

返黎佢話好吃力~佢浮浮下..飄左出餐廳果邊水域

好難先遊返黎~我話囉..係果邊上岸行返黎呀ma

阿喂有時就係咁..有得玩唔會理當時環境狀況

可能自細爸爸會教我地~玩時玩..要有安全意識

所以之後佢再自己浮~我要佢係我視線範圍內囉
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
等阿喂梳洗完..就出去食早餐

先點個"鮮榨橙汁"


2013年4月18日 星期四

Relaxing。馬爾代夫(8)


3月8日(Happy Friday)~係main bar睇完日落^^

準備去食晚餐~order完食物..先黎個小吃"煎三文魚"


2013年4月17日 星期三

Relaxing。馬爾代夫(7)


3月8日(Happy Friday)~行完一圈..準備去食lunch

Lunch都好多元化(包括有Starts, Soup, Pasta, Main, Snacks, Desserts)

每餐依個人喜好點份量~外國人通常全點每人一份

但我好多都點一個..甚至無要~因為同阿喂share食

所以通常服務生都會奇怪~甚至問幾次去confirm(哈哈)

本身我食量細..好多都試唔到~每日又轉餐牌仲更加添

不過唔想勉強食~因為已經飽..再食根本食唔到好味道

同埋~我可以餓..唔可以食得太飽(會嘔..唔想糟蹋左d食物呢)
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
我地先點飲品..白酒及Gin酒


2013年4月16日 星期二

Relaxing。馬爾代夫(6)


3月8日(Happy Friday)~中午瞓醒覺..成個人精神晒

阿喂話已經返過黎幾次~好瞓到完全唔知囉(哈哈)

話咁快又到lunch time~同阿喂出去行完先再食飯

依個係返房必經既長長長木橋^^


2013年4月15日 星期一

Relaxing。馬爾代夫(5)


3月8日(Happy Friday)~結婚13週年+相識紀念日

我同阿喂好細個就識~之後拍左好多年拖先結婚

我特登揀返同一日~諗住可以double慶祝+好記

其實阿喂對特別日子~真係比我更加上心架

有時失驚無神會問我.."知唔知今日咩日子"

講真..好多日子我已經唔會刻意記~我覺得人生

最緊要日日生活得開心..及時行樂+珍惜眼前人

已經超越所有野呢(所以佢成日話我份人好冷漠~其實我在心中囉)

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

馬爾代夫除左honeynoon..結婚週年都有offer

所以訂packages時~同旅行社講埋慶祝"結婚週年"

Agent(阿Vic)就幫我地訂房果陣..remarks通知酒店

昨日係房已經見有支香檳~管家都有交代係送既

所以阿喂話留返依日下午飲呢^^


2013年4月12日 星期五

Relaxing。馬爾代夫(4)


3月7日(星期四)~All Inculsive..顧名思義全包餐

包括酒水..早午晚餐都會包埋~不過係指定餐廳

因為villas仲有間日本餐廳(自費)~去幫襯既人唔多
而餐廳用餐都有講究..餐桌禮儀/用具/食物質素

由站在餐廳門口開始~為客人拉門..拉椅子放上餐巾

每張檯會由一個服務生負責~就算叫其他服務生

都會轉達返負責既一位跟進~每道菜預備唔同餐具

餐牌以外既菜式~都會詳細話比客人知係咩食物

食完一道菜..又會問問客人~味道如何等等

而場內仲有個PR~負責同每檯客人輕談一下

整體氣氛..如同係高級餐廳用餐一樣呢

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

第一日晚餐..我地先點兩杯白酒

每晚既餐牌都唔同~有新鮮感而且選擇足夠

晚餐以四道菜為主..頭盤/湯/主菜/甜品


2013年4月11日 星期四

Relaxing。馬爾代夫(3)


3月7日(星期四)~管家介紹完房間設施

離開後..我地正式享受假期+陽光與海灘(YES!!)

坐完六個鐘頭機..其實都幾攰~所以無出去行

反正仲有幾日時間~下午留係房hea+影下相

阿喂就好心急..自己去浮潛~開始各自各自由活動呢^^


2013年4月9日 星期二

Relaxing。馬爾代夫(2)


今次揀選All Inclusive既Adaaran Prestige Vadoo

其實係五間All Inclusive之中~算排第二選擇

第一選擇其實想住Lily~因為transfer係水上飛機

同樣..先前因為擔心航班delay~所以最終放棄選擇

不過經過今次實際經驗~擔憂可以話解除左

如果再去馬爾代夫~我地會考慮試坐水上飛機呢^^
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
3月7日(星期四)~管家(Deepu)介紹完villas環境及設施

我地坐club car返房~再為我地介紹房間內外設施