自駕遊。喀比之旅(3)

籌備行程時..問過老闆有咩想玩~原本佢想join tour出島玩浮潛

睇過大部份遊客都join"四島遊"~朝早去酒店接齊所有客再出島

每個島玩一陣..包個lunch~4點左右已經完畢! 感覺好似好頻撲

於是考慮"單島遊"(Hong Island)~沙灘真係好靚..不過又係好晏接走

本身我係鐘意"陽光與海灘"~但好唔鐘意曬黑囉(所以老闆話我怪..哈)

諗起要暴曬咁多個鐘就驚~於是又考慮坐taxi boat過隔離Railay Island

但玩完回程時~taxi boat要夠人..船家先開船~除非自己包船就即走

見d人話等左個幾鐘先開船~諗諗下!! 9月淡季咁少客..可能有排等

所以最終又假民主~問完老闆去邊..最終都唔會去(哈哈..習慣性呢)

寧願plan去"生態遊"~時間由自己安排更有彈性..同埋有樹蔭唔怕曬

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ 

9月18日(星期三..Day 2)~前一晚瞓得好好..依早未夠8點就起身

攪掂梳洗完~就出去"Smiling Dog"食西式早餐

食店唔算大..約4-5張細檯~設有室內/室外座


依間好出名食Crepes..所以我都點個試試



揀個清清地"Forest Crepe"..用蘑菇+芝士做餡料

溶化芝士超正~配搭蘑菇..清新中帶芝士淡淡鹹味

而薄餅層好薄好軟身又有彈性~份量都好巨呢



老闆要個"腸仔蛋奄列"



煎得好似好硬身~但入口蛋層好嫩滑~份量同樣好巨



另點飲品.."Mocha(Iced)" & "Hazelnut Latte(Hot)"

整體食物好味而且份量好巨~服務有禮貌(總消費:316THB)



食完早餐..開始上午生態遊 - "Tha Pom"

Parking(20THB)..入場費(成人:50THB/小童:30THB)



用木板整成路徑..環境乾淨又規劃得好好+好靚



之前睇相..見好多泰國人浸係水hea玩

依日入場..工作人員同我地講唔可以落去游水



d水真係好清透..好深..好靚~另外..有木板橋可以落水浸腳

水溫冰冰地..仲有好多魚~每棵樹既根部範圍好廣+好粗壯







樹林既雀鳥聲..如同surround sound~邊行邊深呼吸

好清新既草木味..好清香~風景又怡人





OH! 行完發生左件驚險事~令大家都猶有餘季

事緣行完..等老闆去埋洗手間~佢無啦啦話搵車匙

其實仲有一段路..出去再搵都未遲~好在我快手搵比佢

開始行返出去..突然聽到沙沙聲~不出2秒.."boom"一聲

原來跌左個椰子落黎~如果行慢3步..老闆應該中頭獎

果刻真係好驚~衝力實在太勁..中左一定會客死異鄉

當刻我諗..真係寧願我中~都唔想佢有事(之後大家不停感恩)

生態遊完..返Resort附近食local湯麵+飲椰青(老闆話要飲椰青報仇喎..哈哈)



(待續)