9月17日(星期二..Day 1)~下午到達Krabi..先去酒店check in
因為lunch無食野~所以係房休息一陣..就早少少出去食晚餐
依晚揀去"Kruathara"..食店係Ao Nang Beach最盡頭位置
餐廳以本地人幫襯居多~同樣亦有少量遊客幫襯
先點"啤酒(x3)"..消消熱呢
"辣椒膏炒蜆"
醬汁帶辣少甜..好惹味~唔會太稀水狀
蜆肉好鮮嫩~依個炒得好味
海鮮價錢好平~不過依日無龍蝦..如果唔係會叫囉
揀左隻black crab(500g)..整法要"黑胡椒炒蟹"
肉質爽彈..非常新鮮~而且煮得好入味
伴炒配料足~黑胡椒味好突出..爆得好香+惹味
醬汁濃稠度都ok~味道同樣好好
"BBQ螄蛤"
都幾大隻+啖啖肉~燒得剛剛好..以泰汁伴食好味
"青芒果沙律"
即叫即整~食材好新鮮
不過味道偏甜及份量比預期少
最後.."蒜茸包"
蒜味夠香又有牛油味~麵包外脆內半軟
整體食物有水準~服務好有禮貌(總消費:945THB)
食完飯..放低架車返酒店~再閒逛夜街
"喀比"未算係非常熱門既遊客區~加上9月淡季
所以明顯比較少遊客~街道都較為冷清清
行下行下..去Center Point飲Happy Hour
"Boogie Bar"超抵飲..買一送一(360THB/draught)
因為想食"薯條"..服務生幫我過隔離舖order(總消費:$480THB)
酒吧有LIVE BAND~仲有個黑人拉小提琴..琴技非常了得
BAND隊伴唱既soft music~帶動場內氣氛好輕鬆
Happy Hour完..係大街Free Walk搵間按摩院做Massage
價格有平有貴~大家一致認同..要搵間望落乾淨既先入去做呢
Oil+Shoulder+Header..300THB/1hr(總消費:600THB)~做完食宵夜
老闆講明今次要勁食Local湯麵..好味!! (總消費:100THB)
食完Walk返酒店..準備休息lu
(待續)
喀比 ( 即是甲米 ) , 上年九月先去完 , 睇返啲相好懷念
回覆刪除就係知你去完..去咁密就唔好玩了! 依家回味下幾好
刪除笠笠笠 ~~ 早呀 食咩早餐呀 ?!
回覆刪除lunch 無食 所以早小小食晚餐 ~ 我唔得架 我要一日三餐架 嘩哈 ~
飲酒都飲飽啦 妳第 1 杯啤酒夠我飲一晚 係咪好勁 ?!
泰國食海鮮真係好平 但我無食過呀 下次我要食咖哩蟹 ~
螄蛤真係唔敢試 因為我聽人講話好腥 ~
青芒果沙律真係好細噃 不過其實泰國 d 份量係咁細 佢地小食多餐嘛 ~
我好怕食青芒果沙律係帶甜 雖然芒果係酸 但食完都好反胃咁 係甜令到反胃 唔係酸喎 唔知點解 ~
local 湯粉麵必食啦 夠地道 ~
按摩地方真係最緊要乾淨 同埋感覺夠安全 上次喺 JJ Mall 按摩話好舒服 瞓埋添 我就唔敢瞓啦
因為個袋放咗喺地下 驚囉 比人偷咗就大鑊喇 我係咪好偉大呀笠 ?!
GREEN MONDAY笠..早呀! 今日未食野呀? 未知食咩好
刪除哈哈! 知你啦..假期仲日食足4餐添!
我覺得泰國煮咖喱蟹普遍個汁都好水~可能慣食個汁要濃厚
螄蛤唔腥架~味道都好好..不過貝類其實都唔好食太多
係啦..個青芒果好少咋~仲以為起碼有double份量
太甜我都唔得啦~同你一樣..反胃想嘔+有d想暈架
正呀! local麵勁好味~今次都食左好多碗..哈
係啦~按摩地方真係要乾淨~貴d都唔緊要..不過再去泰國
應該主力做spa~連阿喂都咁講~佢都like spa多d
笠..有幾偉大??! 真係feel唔到! 嘩哈哈
依餐一句請完，平靚正。
回覆刪除我覺得依間整得最好味又平
刪除網誌管理員已經移除這則留言。
回覆刪除