自駕遊。喀比之旅(5)

9月19日(星期四..Day 3)~前一晚又係瞓得非常好

半夢半醒之間..以為自己係屋企起身~可想而知..

張床褥+環境真係瞓得好安心~依早8點幾就醒啦

嚴格黎講..計埋時差~香港時間已經9點幾(好少咁晏起身^^)

梳洗攪掂完~是日行程繼續"生態遊"~出發前去大街對面

搵Muslim Mama食個早餐先~因為老闆話想食湯麵喎

反正昨日食左西式早餐~而且份量真係超巨(勁呆飽!!)

所以依早食湯麵都好既..份量少d ma

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

一人點一碗"雞肉湯米粉"

外表看似平凡~但真係好味到爆!! 除左配料非常足之外

仲睇得出檔主"穆斯林媽媽"非常用心煮既一個湯米粉

仲附上幾粒牛丸~當然我送埋比老闆食(因為我唔食牛ma)

穆斯林媽媽好細心~見老闆食到出晒汗..即刻開風扇比佢

之後仲同我地傾計~可能比較少遊客幫襯~所以好好奇呢




飲品"熱咖啡"..另送上一壺熱水(總消費:120THB)



食完早餐..去油站入油~因為去程好遠..加上2日已經用左好多油



係油站發現有"鮮椰子雪糕"(50THB)~同蘇梅既一樣喎..不過同樣好甜



是日生態遊 - "Emerald Pool"

Parking(20THB)..外國遊客入場費(200THB)..本地人免費



同樣規劃得好好~地方非常乾淨+整潔



指示路牌都非常清晰



我地沿路去Blue Pool睇左先~之後先再返落黎浸水

依道d屋感覺幾荒涼~經過時..感覺上都有d唔自然



行完少段石屎路~要穿越森林地帶

我本身好鐘意巨樹~因為起碼過百年歲數(好難得)

生長得又大又高又粗壯~回看自己係地球上..真係好渺少呢



同埋..我好鐘意欣賞巨樹既樹根部~好有生命力



步行千多米..好快去到Blue Pool~依個湖只能遠觀

地理上..四面環樹~當拍手既時候~回蕩力會令湖底發出bubble(好得意)





睇完Blue Pool..回程返落去Emerald Pool玩浸水

d水都半冷~雖然行完有d熱..但浸左無耐都覺凍要上水休息

依道都有tour帶遊客黎玩~同埋..好多local(越晏會越多人呢)



知道鄰近有個"Hot Steam"~原本無興趣plan去

不過老闆話反正黎到..入去睇下喎~Parking(20THB)..入場費(90THB/人)





除左依個Hot Steam~行入森林區..仲有個好大型既天然池

2個都浸過~果個比較多人浸~天然流落黎既熱水..浸一陣都幾舒服

但浸得耐我都唔得~同係日本浸溫泉一樣..會出現呼吸不暢順

所以浸左無耐就走lu~濕住個身揸車返Resort..真係超凍!!

去返Ao Nang Beach附近既地道排檔~即刻食返d熱野保暖

又凍又餓無影相~但d local food幾好味(位置近PK Mart/上Hilltop對面)



食完野即刻返Resort沖個滾水涼~即刻舒服晒

出左去成日..係Resort休息下~食晚餐前再去做Massage

因為Haven booking full晒~所以free walk去Beach附近

入左間"Sawadee Massage"做Thai Massage(總消費:600THB)

做完去"E-San Seafood"食晚餐~先點個"泰式生蝦"



個泰汁好勁辣~但味道唔錯..蝦都新鮮



"辣椒膏炒蜆"..個辣椒膏味夠濃帶少辣少甜



"咖喱炒蟹"



依間既蟹價都平~味道偏鹹..而咖喱汁較為稀

都係Day 1果間Kruathara..平+整得好食



最後有"蒜茸包"~整體食物偏鹹左d..服務ok(總消費:840THB)

玩左成日又行左咁多路~食完飯..直接返Resort休息lu^^



(待續)