遊記終於來到最後一篇~今個旅程真係超hea好好玩^^
而且做research又好輕鬆~因為Langkawi之前去過ma
今次目的地想去Koh Lipe~又可以由Langkawi過境直達
感覺好似預早為我安排~先去Langkawi一趟..熟習下環境
之後再安排今年去Koh Lipe咁呢~而整個旅程又好好天
食住玩都好好~感恩..真係好好既安排而且一切都好順利
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
玩既時間真係特別快過~話咁快..8日行程就完結lu
完結=新開始~期待下一個開心精彩幸運之旅..快來臨呢
好明顯..阿喂近得我多~依家同樣非常極之有潔癖(good^^)
第一日係Langkawi租完車~佢話完全接受唔到架車勁污漕
不過又真係好dirty囉..由其個軚盤好笠~我都唔敢四圍摸=.="
隨即返酒店~睇下有無水..係咁易沖沖架車+消毒軚盤先再出發
Koh Lipe..來往各沙灘區既交通工具"taxi boat"
Koh Lipe..島上隨處都可以見到超多狗狗^^
有2日係沙灘影日出ma~咁早晨真係一個人影都無
記得第一日我好專心踎低影相~突然..有野篤我個膊頭
自然反應即刻望~原來係隻狗用個咀篤我膊頭叫我(差d仲同佢kiss)
本能反應嚇一嚇~仲同隻狗講"想嚇死我咩"(哈哈..諗起都好笑)
但隻狗又望住我同佢講野喎~之後..佢就一直坐係我身旁
陪我睇日出呢~而另一日..見阿喂醒左~叫佢一齊睇日出
點知..影影下有1x隻狗走黎圍住我~阿喂本身好驚狗
我見佢嚇到面都青埋~咪叫佢自己返房先囉..我繼續影相
不過島上既狗完全無惡意~仲鐘意痴人..同埋個樣好傻氣呢
第一日由Langkawi坐船去Koh Lipe~攝於海中心轉Taxi Boat情景
前篇講過..今次係Koh Lipe睇到2次日出^^
天時..地利..人和既配合~欣賞到既日出又完全唔一樣
前篇"Sunrise(1)"~天空一片縷煙般雲層+無窮色彩幻變
感覺充滿希望及熱衷既一天~而依篇既景況..剛巧遇上退潮
而雲層厚厚的..感覺又帶點滄桑味道^^
今次整個旅程真係好感恩..遇上好好既天氣^^
由其係"浮羅交怡"~聽agent講已經持續暴雨左成個幾星期
而我地係當地既4日~上天賦予我地好好既天氣去享受假期
直到離開Langkawi坐船去Koh Lipe~再聽返新識既大馬朋友講
正正離開後一日..整個Langkawi持續暴雨左1x個鐘至水浸
(真係無限感恩!! 我覺得真係超幸運..超強Power Up呢^^)
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
而Koh Lipe既天氣~猛烈既陽光..尤如熱鬧歡迎我地一樣^^
感恩..只係有一朝早落過一場大雨~而其餘時間都放晴
甚至只係留係我地入睡既時間~先再度落雨(無限感恩^^)
係Koh Lipe既旅程~慶幸揀選入住寧靜既sunrise beach
而sunrise beach..亦代表可以欣賞日出既好地方
不過我只係諗..隨緣吧~唔會好刻意較鬧鐘起身影囉
加上大自然既天氣變化~只可以話"可遇不可求"
但同樣感恩..今次旅程會欣賞到2次日出美景呢^^
前篇有Idyllic Concept Resort房間既內部環境.."I-Sky"
依篇介紹Resort既outside~我地既房間同沙灘距離超近
過左草地及小石路..已經係沙灘位置^^
記得第一日去到Koh Lipe既Sunrise Beach
沙灘有個人跑過黎迎接我地~第一秒..真係比唔到反應佢
因為佢著便服~跑到衝埋黎咁..完全唔知咩來歷~後來知道
原來係Idyllic Concept Resort既高級管理階層人員
之後由服務員為我地搬行李去resort~再做check in手續
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
去到Idyllic既第一感係唔少遊客~同埋比較多小朋友
整體resort既服務算好貼心~職員既職責好明確
"PR"負責每日同客人傾談~有咩資料需要可以搵佢
"服務員"就負責客戶服務上所有工作~另外仲有..
"服務員"中..屬勞動既一群~負責搬運及跟船等工作
而且會好關注客人舉動及需要~感覺如同貴賓式照顧呢
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
Idyllic Concept Resort..我地揀住I-Sky
揀選去Koh Lipe既最大原因~就係比佢既玻璃海水吸引
網上亦有唔少去過既人..都稱"Koh Lipe"為泰國既馬代
當我親身感受過後~我好認同佢既水質可以媲美馬代
但島上既環境..相對感覺較為擠迫~而且已經開發好成熟
好在..我地揀住Sunrise beach~環境較為整潔+寧靜
人流亦無Pattaya beach咁擠擁~但水質真係一絕(除左sunset beach)
"Langkawi + Koh Lipe 8天遊記"..已經順利完成
緊接篇幅..會係旅程中既剪影部份~先回顧Langkawi
完全放鬆心情~享受了一個美麗又平靜的日落(無限感恩!!) 
3月10日(星期六..Day 8)~昨晚因為遇上泰國巨強
心慌慌..成晚瞓得唔好~連半夜想去洗手間都唔敢(oh no!!)
2點幾, 4點幾都醒過~最終眼光光hea到5:30am起身
梳洗完..收拾好行李~就去食早餐~依日係最後一日行程
食完早餐..我地就要check out離開~依朝見水退得好緊要
好在8點多就潮漲返d..可以坐到taxi boat~如果唔係呢
就要坐陸路的士~過去Pattaya Beach做出境手續lu
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
Check out完..叫resort職員安排taxi boat~仲有一個跟船
依早船程超恐怖~因為海中心好大浪..隻船拋得好緊要
拋到有離心力..隻船左搖右擺~大浪到d海水潑晒入船
加上連續幾日..係resort消閒睇左discovery channel
講d漁魚出海捕蟹既驚險實況~風浪好大又凍又危險
攪到我今次坐船..真係有d驚~全程都捉實阿喂囉@.@"
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
9點終於安全去到Pattaya Beach~我地坐10:30am船
同樣要1.5hrs前check in~先同職員報到..之後就等上船lu
依早仲撞返前幾日新識既2個大馬朋友~可以傾下計笑下
臨走仲交換左聯絡方法~佢叫我再去大馬記得要搵佢^^
佢黎香港都會搵我聚下喎~傾下講下..好快就夠鐘上船
我地亦正式離開Koh Lipe返Langkawi~再轉機返香港lu(今次隻船得3台摩打~去程果隻有4台~所以真係比較登+船上有人暈浪..回程仲全船滿座呢)
3月9日(Happy Friday..Day 7)~黃昏時份..係沙灘hea飲完啤酒
之後我地就去做Thai Massage~做完先再去食晚餐^^
下午搵定依間"La Luna"既位置先~話明全pizza日ma(Yes!)
所以晚餐阿喂都要繼續陪我食意菜~食店環境好乾淨
老闆服務好好~伸延對面仲開左間麵包店..d麵包好新鮮呢
3月9日(Happy Friday..Day 7)~下午同阿喂做完Thai Massage
之後返resort玩浮潛+浸水~不過想講返少少個Thai Massage
我個人唔建議做skin foot~原本以為係好似之前做過既方法
先用中藥材暖水/暖水浸軟腳皮~慢慢磨死皮..再做磨砂
洗淨再搽cream就完成~不過lipe既skin foot做法好差囉
佢會用軟膚水濕潤棉花..敷住軟化腳皮~但軟膚水帶刺激性
因為佢唔小心開蓋果陣失手~成支倒左去我隻腳..有刺痛感覺
不出3分鐘d皮已經軟晒..再用類似尺既物件刮已經甩晒皮
之後做個簡單磨砂+清洗..最後搽cream就完成(過程20分鐘左右)
做完腳部仲不時覺得赤痕~我覺得d化學藥水好傷皮膚囉
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
下午係resort玩完水..黃昏時份又去walking street^^
搵返之前見到果個pizza檔口~買左塊pizza即場食
3月9日(Happy Friday..Day 7)~話咁快行程去到第7日
依日好好天..同阿喂食完早餐~就各自各自由活動lu
佢去浮潛..我係沙灘行下影下相~之後換泳裝去泳池浸水
hea到中午再去walking street搵食~前一日已經講明ma
因為就左阿喂咁多餐~依日全日要陪我食pizza(嘩哈哈)
是日午餐..我揀左去"Spidermonkey"
3月8日(星期四..Day 6)~食完pancake又做完Thai Massage
我地就準備食晚餐~依晚行去Pattaya Beach沙灘區搵食
阿喂又話要食BBQ海鮮ma..最終揀去"Bundhaya Resort"
因為見佢d冰鮮海鮮算最新鮮..同埋好多選擇~所以又試下呢
3月8日(星期四..Day 6)~食完lunch..同阿喂徒步環島遊
天氣真係超爆曬+爆熱~好在上齊架撐又做足防曬措施
唔係誇囉..lipe既陽光真係超猛~我有用uv遮+上身披圍巾
另外..再用房間提供既草帽~下身再用佢條圍巾包裹當裙
加埋防曬用品..都曬到對腳紅晒~阿喂仲曬到d皮膚紅腫
好在我每次去"陽光與海灘"~都一定帶支after sun蘆薈gel
依晚幫阿喂搽完~加埋after sun body lotion先舒緩返晒囉
~ ~ ~ ~ ~ ~ ~ ~ ~ ~ ~ ~ ~ ~ ~ ~
離開"Mountain Resort"(<~click)..我地行去Sunset Beach
3月8日(星期四..Day 6)~Happy Anniversary!!
