Relaxing。Koh Lipe(12)

3月10日(星期六..Day 8)~昨晚因為遇上泰國巨強

心慌慌..成晚瞓得唔好~連半夜想去洗手間都唔敢(oh no!!)

2點幾, 4點幾都醒過~最終眼光光hea到5:30am起身

梳洗完..收拾好行李~就去食早餐~依日係最後一日行程

食完早餐..我地就要check out離開~依朝見水退得好緊要

好在8點多就潮漲返d..可以坐到taxi boat~如果唔係呢

就要坐陸路的士~過去Pattaya Beach做出境手續lu

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

Check out完..叫resort職員安排taxi boat~仲有一個跟船

依早船程超恐怖~因為海中心好大浪..隻船拋得好緊要

拋到有離心力..隻船左搖右擺~大浪到d海水潑晒入船

加上連續幾日..係resort消閒睇左discovery channel

講d漁魚出海捕蟹既驚險實況~風浪好大又凍又危險

攪到我今次坐船..真係有d驚~全程都捉實阿喂囉@.@"

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

9點終於安全去到Pattaya Beach~我地坐10:30am船

同樣要1.5hrs前check in~先同職員報到..之後就等上船lu

依早仲撞返前幾日新識既2個大馬朋友~可以傾下計笑下

臨走仲交換左聯絡方法~佢叫我再去大馬記得要搵佢^^

佢黎香港都會搵我聚下喎~傾下講下..好快就夠鐘上船

我地亦正式離開Koh Lipe返Langkawi~再轉機返香港lu(今次隻船得3台摩打~去程果隻有4台~所以真係比較登+船上有人暈浪..回程仲全船滿座呢)

去到Langkawi Telaga Harbour~差不多12:30pm..拎埋passport

就同2個大馬朋友坐van仔去機場~反正大家都同日坐機走

我地回程由LGK > KL(MH1455..15:40)..再轉KL > HK(MH074..18:45)

去到KLIA有2hrs等轉機~所以同阿喂去Old Town食個晚餐

阿喂要個"蝦麵"

味道好唔錯



雖然唔餓..但都要食返個"椰漿飯"滿足下自己^^

超正sambal..甜而不辣~伴飯好開胃

炸雞好脆好好味

食左半份..叫阿喂幫手食埋佢~估唔到依個飯

可以令佢對椰漿飯改觀~佢都話好好味喎^^

阿喂要"青檸冰"..我要杯"榛子白咖啡"

上次係KLIA已經叫阿喂試Old Town又唔聽

今次終於試到~整體食物有水準..阿喂都話好味(總消費:Rm32.6)

食完晚餐..剛好準備上機~阿喂仲食得落一份飛機餐喎(勁!!)

wow..半空好多星星

係機窗向下望..見到依2粒星~同阿喂估係星星or船燈(好明亮+好低位)

點知收好部相機..突然見到個月亮係機下面出現(太急住影..濛左!!)

但証明到..果2粒真係星星囉~wow..仲係月亮上方飛過^^

10點多終於返到香港lu~之前上網check過話得13度ma

我同阿喂又著左短褲出發@.@"~不過為左有足夠保暖

去到機場再換衫..著返件潛水衣打底+瞓覺長衫+jacket+頸巾

反正打的返屋企~真正接觸低溫唔多~而件潛水衣真係好保暖呢

wow..8日行程完滿結束啦~期待下一個精彩開心之旅快d來臨^^

(完)