3月9日(Happy Friday..Day 7)~下午同阿喂做完Thai Massage
之後返resort玩浮潛+浸水~不過想講返少少個Thai Massage
我個人唔建議做skin foot~原本以為係好似之前做過既方法
先用中藥材暖水/暖水浸軟腳皮~慢慢磨死皮..再做磨砂
洗淨再搽cream就完成~不過lipe既skin foot做法好差囉
佢會用軟膚水濕潤棉花..敷住軟化腳皮~但軟膚水帶刺激性
因為佢唔小心開蓋果陣失手~成支倒左去我隻腳..有刺痛感覺
不出3分鐘d皮已經軟晒..再用類似尺既物件刮已經甩晒皮
之後做個簡單磨砂+清洗..最後搽cream就完成(過程20分鐘左右)
做完腳部仲不時覺得赤痕~我覺得d化學藥水好傷皮膚囉
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
下午係resort玩完水..黃昏時份又去walking street^^
搵返之前見到果個pizza檔口~買左塊pizza即場食
依個pizza都係現場即整即焗..雖然放涼左無太脆口感
但材料配搭既味道都好唔錯~一塊都好超巨呢(總消費:100THB)
行行下又發現有正野食..再掃左隻炸雞翼~好好味
沿walking street行到去沙灘區~黃昏超熱鬧同埋好好氣氛
我最like坐依d hea住食飯or飲野~格局真係好似蘇梅^^
於是同阿喂坐低飲杯野..順便欣賞晚霞
其實可以去sunset beach~欣賞最美既日落
不過我唔太鐘意個環境+無預定刻意想走去影
所以隨緣囉..見到既就見到~隨心隨緣呢^^
無預期去影日落晚霞~隨手用DC..攝下當刻既感覺
hea飲+欣賞完晚霞..同阿喂再做Thai Massage(反正下午賺回250THB)
去返最好果間~再做按摩(總消費:600THB)~做完就去食晚餐lu^^
(待續)
沒有留言:
張貼留言