依家見d人既生活..都唔知變成咩生活? 周圍/通宵排隊等口罩
周圍搵消毒/清潔用品..盲搶囤積~早2日經過一間藥房門口
聽見個印巴藉女人..問一個搶緊貨既阿嬋~邊道有廁紙賣?
阿嬋答..無架啦! 周圍全部無晒貨! 我真係超憎依d人
唔係無! 部份南貨舖有米賣..部份藥房都見有廁紙/紙巾
又好似媽咪早2日講..係超市見個阿婆好開心買左2條廁紙
但大大聲同人講~屋企有6條..再有再買啦! 點解香港人變成咁?
點解唔可以多d正能量? 點解唔可以留返d貨比真正有需要既人
********
其中一樣口罩又係..點解有錢買都要好似乞求人咁..仲要暴利
所以早排自己諗..有咩辦法代替? 而貨源又隨時方便補給到?
估唔到宇宙..即時比答案我! 果日傳遞左陳醫生教整布口罩
聽佢講解完..醫生用得都好大信心! 感恩! 決定研究整布口罩
網上多教衣車縫紉/手縫~無衣車..手縫太耐時間(+針子又唔係好..哈)
最終研究到..不如整個"熨貼法"既布口罩吧
寫依篇既時候..翻查下自己舊blog~原來由2014年10月中
我就開始用清水洗頭..到依家已經接近3年(感覺非常良好)
雖然早排有報導話..清水洗頭唔乾淨~但我又唔覺喎(睇個人慣唔慣啫)
做法係..每日用清水洗頭(直至接受唔到頭笠)~就用返一次洗髮水
主要盡量減少頭髮每日接觸洗髮水物質+控制頭油過量分泌
同舊篇說法相若~洗髮水有去頭油作用..但頭皮要有油份保護
每次用完洗髮水~頭皮乾了..自然會釋出大量頭油去填補滋潤
剛好填補完..又用洗髮水清洗晒所有頭油~頭皮又要大量填補
所以開始用清水洗頭~頭皮要時間適應..調節頭油減少分泌量
依家頭油算調節ok~嚴格黎講..夏天可以隔2日用一次洗髮水
冬天可以維持約4日..用一次洗髮水~當然..都好睇唔同情況
食完重味野/重要約會前一晚..都會用洗髮水(無硬性規定..隔幾多日呢)
同埋..我個人覺得用清水洗頭~d頭髮仲滑過用洗髮水(感覺比較柔潤)
以前1星期7日..頭皮要接觸洗髮水~依家平均1星期接觸2-3次
我覺得咁樣..對頭皮/頭髮都有好處~而髮型師同媽咪都話
我d頭髮比以前強韌+無咁散斷~以前斷髮情況真係好嚴重
剛開始時我有叫媽咪試..但佢頂唔順好快笠放棄左(因為要適應ma)
後尾見我情況改善左好多~佢又開始忍耐著..試返清水洗頭
係近期我問佢..d頭髮好似多返~佢先講有用清水洗頭(哈哈)
你問我清水洗頭..個頭臭唔臭? 洗得夠乾淨..一定唔臭+無味
只係要睇..自己個人心理關口+接唔接受到呢
**********
老闆鐘意我長頭髮~所以同佢一齊..都未剪短過
7月..佢一句好期待我剪短頭髮~我就剪走10"長髮+電髮去
唔覺唔覺2個月啦! d頭髮長返好多了
2月試整既"Hand/Body Cream"~質感好薄好輕盈
加上果時仲係冬天~滋潤度唔太夠..比較適合夏天用
200ml好耐用..仲用剩約50ml~依家夏天用真係好適合呢
早排媽咪叫我..幫佢買用開既馬油面霜~反正屋企有原料
問佢有無興趣試試DIY cream~起碼用咩原料都清楚ma
加上我都想進階研究..可以令皮膚滋潤更吸收又唔太油膩既
媽咪話好! 咁就研究整個"Face Cream/Moisturizing Cream"
[Body Butter。用後感]
上次整既Body Butter..唔經唔覺都用左個幾月啦(仲未用晒)
冬天用真係好好..皮膚明顯有足夠油份滋潤~由其乾燥日子
有層薄薄油層包裹~吸收之餘..身體無之前用既要再補給
皮膚表面組織明顯靚左~由其腳部最明顯比之前用既更見效
整體皮膚細緻又多左光澤感+無因天氣乾燥而痕癢既情況
不過話明butter..要接受到似牛油感~老闆用左幾次..無心機用
同埋..佢唔鐘意cocoa butter陣味喎~我個人覺得唔錯..好用呢
* * * * * * * * * *
2月3日(Happy Friday)~是日"立春"..又係(初七)人日
先祝人人生日快樂! 話咁快就過左年..新年有拜年活動
假期過後..都回復正常生活~早排又係iHerb訂定d用品
因為我用Hand Cream好粗~之前買落既存貨差不多用晒
所以又試下自己整~除左護手..夏天仲可以當body cream
網上有唔少"DIY Hand/Body Cream"~部份用好多不同材料
部份睇上去質感又唔岩我~有d又好厚..唔岩黎緊既天氣用
最終搵到個材料少..而質感係我想要既~依款只用4種材料
主打Coconut Oil + Aloe Vera~另外serum有加強滋潤效果
而純香薰精油..可因應個人喜愛味道/唔加都可以呢
[甜橙滋潤沐浴露。用後感 ]
上篇DIY既"沐浴露"~用左11日..想再分享下用後感
開頭沐浴露比較水狀~大約第5日..開始見到凝固
由於椰子油皂既關係~天氣凍..都有影響凝固效果
係老闆發現凝固呢~因為有水份..凝固後質感變gel狀
之前提住老闆泡沫唔會太多~但用起上黎..又比預期多
甜橙香味..真係好fresh好舒服~用後皮膚潔淨又不拉緊
但下次再整..會試下減少水份比例~睇下加快凝固效果
(估唔到老闆真係有用心去用，仲會同我講返點點點呢^^)
* * * * * * * * * *
今次DIY另一款..又係日日會用既"Body Butter"
每次沖完涼..抹乾身體後~待仲有水份..即時搽潤膚用品
有效鎖水補濕及滋潤皮膚~令皮膚唔會出現痕癢/乾燥情況
皮膚除左補水..其實補油都好緊要~要讓身體水份/油脂平均
皮膚自然有亮澤飽滿感~當然夏天/冬天所用既成份唔同
夏天要用較輕油感既潤膚用品~冬天就要重油一點呢
依款"Body Butter"..簡單用4種材料就攪掂
12月12日(星期一)~時間剛好..等屋企樽沐浴露
差不多..用埋最後2次~可以準備DIY試整新用品
原本諗住星期日整~不過星期六..同老闆同事BBQ
瘋狂一夜之後..我又昏迷左一日一夜(依日終於回復精神 :p)
今次整個"Sweet Orange Moisturising Body Wash"
其實想DIY日用品好耐~上網hea睇過下..又無左件事
好早前見美容網站~勁hit教整"flower jelly lipstick"
成品係靚..不過男士用唔著囉~加上想成份再天然d
所以決定搵d用蜂蠟整既"潤唇膏"~咁就男女都岩用呢
* * * * * * * * * *
上個月咪話姨媽全家+細舅母..係加拿大返左黎既
姨媽一家人會留成個月~中途再去日本+Bali旅行
就係依個時間~諗起jelly lipstick..好想整d聖誕小禮物
送比家人,表姐弟妹,好朋友~最好表弟返加國之前完成
順便拎比外國住既表弟妹~於是急急上網搵最好既製法
買好材料..早一星期整定潤唇膏~final..等訂做既label貼紙
oh! 可惜表弟上機果日先到貨(趕唔切lu)~唯有寄比佢地囉
香港親戚比較易見~等遲下有聚會..先整最新鮮既送比佢地
