[Body Butter。用後感]
上次整既Body Butter..唔經唔覺都用左個幾月啦(仲未用晒)
冬天用真係好好..皮膚明顯有足夠油份滋潤~由其乾燥日子
有層薄薄油層包裹~吸收之餘..身體無之前用既要再補給
皮膚表面組織明顯靚左~由其腳部最明顯比之前用既更見效
整體皮膚細緻又多左光澤感+無因天氣乾燥而痕癢既情況
不過話明butter..要接受到似牛油感~老闆用左幾次..無心機用
同埋..佢唔鐘意cocoa butter陣味喎~我個人覺得唔錯..好用呢
* * * * * * * * * *
2月3日(Happy Friday)~是日"立春"..又係(初七)人日
先祝人人生日快樂! 話咁快就過左年..新年有拜年活動
假期過後..都回復正常生活~早排又係iHerb訂定d用品
因為我用Hand Cream好粗~之前買落既存貨差不多用晒
所以又試下自己整~除左護手..夏天仲可以當body cream
網上有唔少"DIY Hand/Body Cream"~部份用好多不同材料
部份睇上去質感又唔岩我~有d又好厚..唔岩黎緊既天氣用
最終搵到個材料少..而質感係我想要既~依款只用4種材料
主打Coconut Oil + Aloe Vera~另外serum有加強滋潤效果
而純香薰精油..可因應個人喜愛味道/唔加都可以呢
今次用NOW既Lemongrass純香薰精油
相比都係Aura Cacia既味道好D
下次再訂香薰精油..會揀返Aura Cacia
反正以前玩烘焙..買落左d唧袋~所以用埋佢呢
所以應該會好岩..遲d春天(濕潤)/夏天(悶熱)氣候使用
用晒會分別試下~加入其他材料(如甘油/甜杏油/乳木果脂等)
慢慢研究定d..更滋潤既~今年冬天可以整比老闆用
1. 99% Aloe Vera (6oz/180ml)
2. Fractionated Coconut Oil (1.5oz/45ml)
3. Serum (20滴)
4. 純香薰精油 (10滴)
1. 將所有材料加入大碗內..打發成cream狀即成
P.S. Serum(任何精華素)及香薰精油可自由選擇加入
五花大綁再鞭打笠 爽啊 呵~
回覆刪除好攰呀 都仲未有動力回應~~
希望下星期會回復狀態啦 到時妳會見到我架喇~
唔駛掛住我 真係唔好掛住我呀下~
係咁 拜拜妳條大花尾~~~~~~
一髮千笠午安好~
刪除好攰呀 但有urgent嘢做囉
依家相眼無神 行步路都慢過人啊~~~~~~
係咁 等我do完再搵妳
妳千奇唔好等我呀下 88妳條辣豬尾~~~~
三魂唔見七魄笠..早呀!
刪除比心機做野先啦~哦?! 真係唔駛掛住你?
咁好啦~我就直接忘記你吧(哈哈哈哈哈哈)
88你條又酸又辣巨豬尾
三頭六臂笠~午安好~~
刪除頭先食司華力腸 蘸埋茄汁芥辣勁好味呀~~
頂..今日仍然忙呀..唔通我真係辛苦命?!
唉..無計啦..我確實係一個人才~~~~~~
哎呀~~妳講又酸又辣既巨豬尾 我有d想嘔感覺呀 嘩哈哈哈哈~
四季豆炒肉碎笠早啦~~~~剛忙完咋~~
刪除今朝凍咗好多 但好在唔大風囉~
我之前都買咗盒NIVEA 初初都唔慣d質地 一pat野又啜住哂咁
但搽咗之後就有妳所講嘅 "層薄薄油層包裹" 原來係叫牛油感~~~~
我覺得阿喂唔鍾意就唔鍾意 唔會比時間接受佢嘅
cocoa butter 香喎 可能男人同女人嘅口味有d唔同啦~
homemade 仲好啦 用多兩用就知到同街買既分別~
我以前唔鍾意Lemongrass味道 依家愛上咗佢喇
下次去泰國應該會入多d 香芽產品 因為香港買好鬼貴呢~~~~
係咁 又要做嘢喇 妖~~~~~~
成日掛住食笠..原來午安啦! 以為11點添..哈哈
刪除今日都凍凍地~希望快d暖d啦..唔太鐘意咁凍
係呀~有油份真係潤好多~以前都唔接受架我
但見d皮膚有明顯改善~油感都要照用囉~依家習慣lu
你講得岩呀~上次媽黎我home..我又比佢聞cocoa butter
佢話隻味都ok呀~因為知好潤囉~阿喂就no..直頭唔再用
係啦~自己整可以預到潤度..有時買都未必岩自己心水
香港入口咩都貴過人啦~所以焗住寧願係外地買
反正都會一年一次返家鄉~一次掃多d囉
上次清萊飲果隻咖啡..原來布吉都有分店
所以再去又要上貨啦! 諗起都興奮