3月1日 - 3月11日 (斐濟自駕遊11天之旅)
老闆講左幾年話想去"斐濟"..咁今年還佢心願先啦
今次同樣經Expedia訂套票及所有酒店~訂好晒之後
約一星期..我習慣再直接上航空公司check自己資料ma
原本回程係12號~上去睇睇..why回程係13號架?(嚇得我呀)
第一諗自己/expedia出錯? 再睇原來航空公司取消左12號班機
暫改13號回程..等我地confirm~即刻打去expedia問+插囉
雖然航空公司取消航班唔關佢地事~但都插佢地唔即時通知我
我咁岩上網睇到先知咋~唔睇唔會知(不過可能岩岩取消..未咁快通知卦)
但點都好..用expedia咁多次~今次第一次..接觸客戶服務人員
服務好好又有效率+有禮貌~我無理插插插都好耐心聽(sorry! 哈哈)
真心覺得跟得好足+有效率(絕無賣廣告成份)~同埋..因為改左回程
連帶影響已訂既酒店~好在..最尾果間可以方便更改日子
如果改唔到..就真係麻煩~最終決定提早一日(11號)回程
已付酒店費..以當日計算退回Visa(預訂可網上攪..但任何更改要call上熱線)
* * * * * * * * * *
3月1日(星期三..Day 1)~我地乘坐FIJI Airways(24h online check in)
直航由HKG>NAN(FJ 392)..航班時間16:55-07:10(+1)
飛行時間10h15m~來回程準時起飛..起飛/降落好穩定順暢
由於減省營運開支~依家好多航空公司都會聯營
基本上..座位比較爆~4座位想擺橫瞓覺..好難了
入境斐濟..要填入境紙~入境好多野唔帶得/要申報
但冇澳洲咁嚴~但取行李後..每個喼都要打開檢查
與香港時差(+4)~11月起有2個月夏令時間(+5)
11月-4月屬溫濕季(多雨)..5月-12月屬乾涼爽
實地感受3月天氣~濕熱+無風..約30度(全年平均溫度為22-32度)
出發前同老闆講.."fiji time唔駛急,最緊要慢"(佢好驚訝話"吓?!")
最鬼怕佢成日催人送餐/做野/乜乜乜(平時我就係比佢催到呢 @_@)
Yes! 旅程準備開始~Enjoy the Fiji Time! Let's GO!
取行李後~臨出大門..每個喼都要打開檢查
有個日本女仔好誇張~成個喼都係零食..唔係原包裝
係拆散晒..即攞即食得果D(仲要零食中間..無啦啦有個爸爸)
老闆話..想像唔到日本女仔個喼係咁亂(美好都幻滅了..奸笑)
佢都有HKD係牌板..但用美金比較抵用~USD:FJD($100:$194)
最重要..搵返網上訂既租車公司+了解還車位置
因為離境果日要凌晨還車~唔想到時臨急先搵
今次揀Bula Car Rentals~網上deal好晒..攞車當日先比錢
遠望NADI(紅字)位置..係離境大堂
但為免有任何閃失~有日叫老闆由酒店>機場一轉預時間
離境大堂..之前NADI(紅字)位置
離境當日..離境大堂
check in counter
做左online check in..可以係counter 33 (Bag Drop)
係認可免稅店購物滿FJD500~可以申請退稅15%(keep收據)
直航由NAN>HKG(FJ 391)..航班時間08:20-14:50
飛行時間為10h30m~同日14:30..平安抵港
租車方面..係"Bula Car Rental"揀租左架"KIA(Rio)"
因為會出外島渡假~所以安排由Port Denarau取車
職員遲到左10分鐘~落船見唔到有人同我地接洽
好在..係車場見到架租車公司名~先同佢會合
之前用email deal好晒~send埋driving licence(copy)
所以去到check好車+過數..好快攪掂!
租車公司個logo印左係車身~我覺得唔係咁好囉
太顯眼比當地人知道係遊客~如果遇著壞心腸既人
分分鐘特登撞你再R錢/有其他唔好既目的
今次租4日..共行左283km
參考資料 :
1. Expedia - https://www.expedia.com.hk/
2. FIJI Airways - https://www.fijiairways.com/
3. Bula Car Rental - http://www.bulacarrentals.com.fj/
4. Airport Shuttle Fiji - http://www.airportshuttlefiji.com/
5. FIJI Airport - http://airportsfiji.com/
6. Simcard(info)- http://prepaid-data-sim-card.wikia.com/wiki/Fiji
二請難送笠 哈哈哈哈~
回覆刪除等我~~~~
二送難請笠..寫完依篇有D虛脫
刪除快D同我人工呼吸!! 哈哈哈哈
嘩!mi
回覆刪除fiji 銀紙好靓
早知叫妳有全新幫小寶收集啦
依個地方有排都未會去啊 呵呵 太遠啦 ~~~~~
1010 我都唔鍾意有租車公司名係車啊
lets go 唔駛急最緊要慢 哈哈 啟程啦 ~~
HELLO細表..早呀
刪除100果張好恐怖架~係昆蟲來(哈哈)
係啦~d車唔好有logo比較好~外地唔係個個好人ma
ok..let's go! 蝸速..哈哈哈哈
一齊笠午安好啦..突然好頭痛呀我
回覆刪除唔知係咪作感 因為打左20個乞痴 (唔係妳掛住我嘛~~)
又無咗個留言..我都唔記得回到邊 哈哈~
係咪講到要申報呀?! 樣樣要申報 我最驚 填漏嘢就煩~
怕咩喎 叫呀喂按個牌咪得囉 哈哈~
重點來喇 -->>>>>> 機場Duty Free買酒最平 卡都未買就買酒 嘩哈哈哈哈哈~
仲要零食中間..無啦啦有個爸爸-> 我初初快睇 以為佢爸爸無啦啦企咗喺度呀 哈 原來係果d爸爸~~~~
妳辦事 我就十級放心啦~
如果我地4個去旅行 諗起都爽 我指我同阿喂 嘩哈哈哈哈~
老實講..我地想做 但妳地就一定唔放心比我地做架啦
咁妳地做哂最好 唔駛擔心多樣嘢 嘩哈哈哈哈~
我都唔鍾意車身有公司logo囉 一睇就知係遊客
好似去到邊就比人劏到邊咁~
黃色張銀紙最特別 但原來係虫虫來 唔怪得妳擺咁開啦 哈~~
三拾笠..唔好成日拾下拾下呀
刪除天氣咋暖還寒~真係要小心身體呀你
今日好d未呢? 未就等我過黎..同你搓心口啦(哈哈)
有呀~個留言作c..依家咁長都無事~梗係知衰定啦
重點重點..重你個頭咩?! 哈哈哈哈(衰)
係囉! 果個日本女仔..真係唔知點收拾行李
勁誇張..打開全部係散裝零食~爸爸又係中間先怪
哈哈..爸爸企係喼度就恐怖啦~虧你諗得到
(得啦..知啦! 又話我寫得衰誤導你呀ma)
笠..你都唔知~去一個地方我真係要100%準備
就算唔sure都要做定幾手~話晒唔係自己地方
唔想攪到自己心慌慌..準備寧願做足d心安好多
衰喂話..今次旅程全部都好順利~=上船交通/酒店安排
我咪話佢囉~順利係因為我做足功課~讚下我會蝕咩?
係咪咁講呀! 所以你話佢幾衰..永遠對其他人最好架
係啦~d人一睇到架車logo..即刻有動機囉
依樣真係最唔好~身份太易暴露~張100勁恐怖呀(哈哈)