斐濟自駕遊。Nadi Town / Supermarket

3月1日 - 3月11日 (斐濟自駕遊11天之旅)

老闆好鐘意睇旅遊節目~我都會睇..但唔會好上心

"斐濟"係佢早幾年睇完之後~一直好想去既地方

今年佢再提..好! 就去吧!(當然..旅遊節目只會將當地美化介紹呢)

做research期間~開始發現..其實"斐濟"除左旅遊區

其他地方(Nadi/Suva)都比較窮~當地官網仲提醒小心治安

原本諗住一次性..斐濟遊去埋Suva~但治安比Nadi仲差

所以最終決定放棄Suva(去旅行無謂冒險..有咩事真係得不償失)

而一般外國遊客評價都有提及~係Town部份人好滋擾

手法係會先同你搭訕扮fd~再說你去佢地店舖睇野

結果..都唔駛多講! 所以出發前..好強調同老闆講

旅遊區..唔同Nadi/Suva~旅遊區既當地人對遊客最好

個個會Bula前Bula後+好笑容~但係Town完全唔一樣

唔好隨便搭訕/交談~有人想拉你去店舖..要即刻No!

講完之後..老闆好似唔多入耳~覺得我講得太誇張

因為佢心目中既斐濟~完全唔係我口中講既咁ma

好! 尾果幾日..一齊親身感受吧

* * * * * * * * *

3月7日(星期二..Day 7)~離開外島..我地接洽左租車

直接返Ratsun Apartment check in~休息陣..再去Nadi Town

Town記得泊車後要入標~一泊底架車..

即刻有個"好人"走黎同我地講~唔駛入標話壞機

我唔信! 見前面有架車泊ing..想等佢落車再問~同一時間

"好人"同老闆開始交談..問邊樹黎? 又做到好welcome咁

跟住叫佢去店舖..有好貨品介紹(老闆完全唔記得左我講咩?!)

我好快拉佢入超市..再提佢一次~順便係超市等車主落車

我睇佢都無入標..衝出去問要唔要入標? 佢話..唔駛
(感恩! 之後閒逛時~遇到有關抄牌既專員~即上前問問..話整個星期係free)

又同一時間..另一個"好人"又出現搭訕~女車主暗做手勢

提示我地唔好理依d人(感恩! 我地都算幸運遇上真正好人呢)

TAPPOO/PROUDS/JACK'S..係當地Duty Free/大型商場

Day 1係機場Vodafone出咭~八下職員邊間換錢最抵

佢介紹UAE..話得Nadi Town有~所以去開又八下個價

去到睇睇..最好都係Ratsun Apartment對面既Lotus

Town治安唔好~老闆將背囊揹前面

我就夾實個大袋(全程用手機..隨意影下算了)

人來人往..車又多~加上學生又放學..town好繁忙咁

Town都無乜野睇~原本想搵UGG

但見老闆嚴肅戒備中~知佢都行得唔enjoy

老闆行行下同我講.."同Port Denarau/外島~真係天與地"
(突然諗..我叫佢去Town係咪錯左? 令佢心目中既斐濟..完全幻滅! 哈哈)

即係咁..係Town最緊要唔好搭訕~小心自己財物..係ok既

Nadi Market..外遊我最鐘意行當地market

 

行完諗住去"盛泰"食晚餐~老闆話唔想(知佢想盡快離開Nadi Town)

去Port Denarau食泰菜..好無? 佢話好! 攞車果陣遇到個華人

佢話見我上車開門動作好危險~好容易被人從後搶手袋

話治安好差..驚我地會再去town~所以提提我地要好小心

仲話..佢咁講都驚會嚇親我地~但治安的確係好差喎
(之後自我介紹..佢係盛泰老闆)

多謝佢提示後..我地開車去Port Denarau食晚餐lu

* * * * * * * * * *
另外..當地超市都令我好意外~一直以為近澳洲

應該都似coles/woolsworth~估唔到係咁既

無乜好野賣~我仲帶定3支李萬山過去..諗住日日食生蠔

超市連蠔豉都無隻~好既食材..全部送晒去酒店/高級食店

所以..其實一般平民生活都算幾窮

New World算係行過咁多間超市..比較好既一間

除左New World..比較多行就係Apartment樓下Shop n Save

oh no! 接受唔到

(待續)