斐濟自駕遊。Matamanoa Island Resort (Dining)

3月1日 - 3月11日 (斐濟自駕遊11天之旅)

Matamanoa Island Resort包早餐..每日仲有個超簡下午茶

有日係沙灘浮潛完~去泳池hea..剛好tea time食過一次下午茶

純粹得1款清蛋糕+飲品好似同早餐一樣(因為老闆拎..所以我無留意)

其餘..午餐+晚餐自費(記帳check out才找數)

早餐好少選擇..方包+3款轉款食物(muffin/pancake/scones/酥皮包類)

另外..麥片+牛奶,生果,hams,番茄,青瓜,沙律菜

飲品..咖啡/茶包/果汁

除左免費早餐~仲有幾款自費即煮早餐選擇

有日大家話..想試試自費早餐質素~係好味!

但份量比預期多~之後都唔叫自費早餐(勁呆飽)

"奄列蛋早餐"..食材豐富~用3隻農場蛋整成

入面仲有流心芝士~好味..但食完呆滯左(哈哈)

老闆個"英式早餐"

打後幾日早餐~主力飲果汁/熱茶+食生果(哈哈)

入島第一日..留肚食午餐~之後幾日無食lunch

本身係香港..日食兩餐~加上晚餐份量又比較大

午餐選擇有starter(x4),mains(x6),desserts(x7)

我地點starter(x1)+mains(x1) share食~"Kokoda"

斐濟地道食物~出發前睇介紹..其實一般有興趣想試

因為見奶椰感覺好濃好漏~但黎到..點都要試一次既

食材切得好幼細..以蔬果為主~魚柳粒肉質新鮮

淡淡椰奶夾雜豐富青檸汁~味道好開胃..原來好味呢

"Fish & Chips"

老闆入島開始喉嚨唔舒服~所以唔要炸魚柳..揀grill

炸薯條外脆內粉..金黃香脆~差不多全獨享

整體午餐質素都好味~份量足

晚餐有Starter(soup),Entrees(x4),Mains(x4),Sides(x3)

(Day 3)Friday Dinner..我揀個"Garlic Chicken"

份量多+2隻大雞腿比較肉膩感~味道唔錯..薯角好味

老闆既"Honey Pork"..可配飯/意粉~醬汁偏鹹左

再叫個"Sides-蒸菜"..好大碗

前一晚預到份量~打後幾日..決定每人叫個mains夠了

同埋..mains(4款)選擇中~有2款都唔岩我地食(牛/羊)

所以通常得2款選擇~甚至大家會揀同一款

(Day 4)Saturday Dinner..我揀個"Ika Ni Moli"

燒魚柳伴蝦..以檸檬牛油汁作調味

魚柳肉質不過不失~但部份有皮位置好腥

薯蓉好味..軟綿綿~伴上少少蔬果較為清新感

老闆揀個"Chicken Cordon Bleu"

火腿+芝士..再用雞肉卷上炸成~炸層似吉列..味道普通

(Day 5)Sunday Dinner..大家揀同一款"Tum Tum"

海鮮為主..青口,扇貝,蝦,八爪魚仔,魚柳~無肉類咁漏

醬汁一般都係牛油,蒜汁,青檸汁~萬變不離其中

伴菜清清地..最好味

(Day 6)Monday Dinner..最後一晚係外島晚餐

我都係揀食海鮮無咁漏.."Sa Salu"

基本食材同前一晚一樣~只係煮法有少少唔同

老闆揀個"Pork Chops"

根本係一塊豬腩肉~伴上蘋果粒蓉醬汁

唔係老闆想要既豬扒~所以唔係咁岩食

整體晚餐食物普普通通 (5D4N餐飲總消費 - FJD554.5:HK$2162.5)

每晚晚餐時段..除左有3位結他手為客人唱歌

第一晚(歡迎)及最後一晚(歡送)~會特別去客人檯前

獻唱一曲~同時..大型歡迎/歡送每晚都會進行

會特別讀出歡迎/歡送客人名字及來自哪個國家

祝福一番後..獻唱fijian farewell song(音調慢而淒美)

5D4N..外島遊完結~準備返Nadi繼續旅程

(待續)