3月1日 - 3月11日 (斐濟自駕遊11天之旅)
Matamanoa Island Resort包早餐..每日仲有個超簡下午茶
有日係沙灘浮潛完~去泳池hea..剛好tea time食過一次下午茶
純粹得1款清蛋糕+飲品好似同早餐一樣(因為老闆拎..所以我無留意)
其餘..午餐+晚餐自費(記帳check out才找數)
另外..麥片+牛奶,生果,hams,番茄,青瓜,沙律菜
飲品..咖啡/茶包/果汁
有日大家話..想試試自費早餐質素~係好味!
但份量比預期多~之後都唔叫自費早餐(勁呆飽)
"奄列蛋早餐"..食材豐富~用3隻農場蛋整成
老闆個"英式早餐"
打後幾日早餐~主力飲果汁/熱茶+食生果(哈哈)
入島第一日..留肚食午餐~之後幾日無食lunch
本身係香港..日食兩餐~加上晚餐份量又比較大
午餐選擇有starter(x4),mains(x6),desserts(x7)
我地點starter(x1)+mains(x1) share食~"Kokoda"
斐濟地道食物~出發前睇介紹..其實一般有興趣想試
因為見奶椰感覺好濃好漏~但黎到..點都要試一次既
食材切得好幼細..以蔬果為主~魚柳粒肉質新鮮
淡淡椰奶夾雜豐富青檸汁~味道好開胃..原來好味呢
"Fish & Chips"
老闆入島開始喉嚨唔舒服~所以唔要炸魚柳..揀grill
整體午餐質素都好味~份量足
晚餐有Starter(soup),Entrees(x4),Mains(x4),Sides(x3)
(Day 3)Friday Dinner..我揀個"Garlic Chicken"
份量多+2隻大雞腿比較肉膩感~味道唔錯..薯角好味
老闆既"Honey Pork"..可配飯/意粉~醬汁偏鹹左
同埋..mains(4款)選擇中~有2款都唔岩我地食(牛/羊)
所以通常得2款選擇~甚至大家會揀同一款
(Day 4)Saturday Dinner..我揀個"Ika Ni Moli"
燒魚柳伴蝦..以檸檬牛油汁作調味
魚柳肉質不過不失~但部份有皮位置好腥
薯蓉好味..軟綿綿~伴上少少蔬果較為清新感
老闆揀個"Chicken Cordon Bleu"
火腿+芝士..再用雞肉卷上炸成~炸層似吉列..味道普通
(Day 5)Sunday Dinner..大家揀同一款"Tum Tum"
海鮮為主..青口,扇貝,蝦,八爪魚仔,魚柳~無肉類咁漏
醬汁一般都係牛油,蒜汁,青檸汁~萬變不離其中
伴菜清清地..最好味
(Day 6)Monday Dinner..最後一晚係外島晚餐
我都係揀食海鮮無咁漏.."Sa Salu"
基本食材同前一晚一樣~只係煮法有少少唔同
老闆揀個"Pork Chops"
根本係一塊豬腩肉~伴上蘋果粒蓉醬汁
唔係老闆想要既豬扒~所以唔係咁岩食
整體晚餐食物普普通通 (5D4N餐飲總消費 - FJD554.5:HK$2162.5)
每晚晚餐時段..除左有3位結他手為客人唱歌
第一晚(歡迎)及最後一晚(歡送)~會特別去客人檯前
獻唱一曲~同時..大型歡迎/歡送每晚都會進行
會特別讀出歡迎/歡送客人名字及來自哪個國家
祝福一番後..獻唱fijian farewell song(音調慢而淒美)
5D4N..外島遊完結~準備返Nadi繼續旅程
(待續)
BULA BULA YANOMI 嘩哈哈哈哈哈哈哈哈~~~~
回覆刪除早餐好少選擇噃 不過都預咗咁呢 食飽就算 因為主力係玩水嘛~
奄列已經飽 仲加埋芝士流心 哈
果次去新加坡 奄列加芝士 漏鬼到呢 之後怕咗~
好在我地同妳一樣 一聽椰奶真係有d抗拒
但真係黎到又係要試下 食材真係切得好幼細呀
妳唔講 以為妳"北"緊雪糕 哈哈~
"Fish & Chips" 見一次 流口水一次
Honey Pork 正啊 真係好鍾意深色嘢 哈哈~
Chicken Cordon Bleu" 炸層似吉列 咳仲夠膽食炸嘢?!
要是我喉嚨唔舒服 小奧一定唔比架 就算發哂脾氣都唔比呢~
係呀 次次食西餐 覺得d伴菜清清地..特別好味咁架 哈哈~
Pork Chops 根本係一塊豬腩肉~伴上蘋果粒蓉醬汁<-妳咁形容 都唔方好嘢
即諗起呀喂個樣 哈哈 最後有無食哂?! 定迫妳食啊?! 呵呵~
嘩 獻唱 fijian farewell song(音調慢而淒美) 我一定會喊
我跟團咁多次 有3次唔捨得個導遊而喊呀 死未 哈哈~
磨THEM YANOMI~~~~
BULA BULA BUBULA笠..回埋準備出去買餸(YES!)
刪除係啦~早餐我無想像咁少~第一諗又係為搵錢果隻
不過講真..早餐食2件PANCAKE我都夠飽到晚餐先食
哈哈哈哈! 1010..你都試過奄列芝士~堅漏呀
榔奶又係啦~好怕好重果D味..雖然我好鐘意椰子
但有D真係+奶就好頂唔住囉~估唔到佢依個好好食呀
魚柳正呀~唔好講..我都想食~衰..炸野係特別好食囉
吉列皮果個唔吸引呀~無架! 我依家唔理得阿喝咁多
只係講最多..自己都照顧唔到自己~點照顧老婆
一講都話我煩! 咁你要病唔通唔比你病咩(哈..佢仲話我黑心)
所以小奧真係好鍚你~因為你都係唔會好好照顧自己既人..哈
依幾日食西餐都夠晒皮~伴菜真係甘露..夠晒清淡
哈哈哈哈..又喊?! 你又係誇D..對幾日都咁感情豐富
唔怪得阿喂成日話我冷血冷漠啦!
佢D餐真係好大份喎,而且望落質素好高!
回覆刪除係啦..份量係正宗外國size~其實睇見都飽左一半(哈哈)
刪除