3月1日- 3月11日 (斐濟自駕遊11天之旅)
離開外島..繼續係Nadi留多5D4N~酒店方面..原先有考慮揀
Sanasana既Intercontinental Fiji Hotel~但最尾一日早機
即係要再轉酒店~加上..我地打算租車四圍去(早出晏歸)
住Intercontinental有d浪費~同埋..最主要地點距離好遠
公路無街燈..出入較危險~如果純係酒店hea會比較適合囉
同埋..依家鐘意揀Apartment~有廚房+洗衣機就比較方便
最終決定住Nadi Airport區"Ratsun Nadi Airport Apartment"
check in手續快捷~內堂有電梯服務(通往房間樓層/basement/超市)
酒店大門口隔離
樓層設計係口字型~另一邊同樣有lift
"One Bedroom"..有廚房設備及洗衣機+乾衣機
大門旁係洗手間..中間係睡房~間格都好ok
廳同房分別有獨立分體冷氣~超夠凍
旅程中..洗衣機對我地都好重要~可以唔駛帶咁多衫
+有得洗下衫~感覺乾淨好多~仲有埋乾衣..好方便呢
用品係三間酒店中~最好用既一間
0308結婚週年日..原本出去食~不過回程太遠+無街燈
老闆叫我煮~不過斐濟..好既食材都去晒酒店區(超市好野有限)
極其量買左2隻龍蝦..先整個"番茄什菜龍蝦湯"
"龍蝦伴炒什菜"
"羅勒炒蜆肉"
有日食完個late lunch..係超市見到有"蟹"(咁多日第一次見有蟹)
老闆即刻話買..結構好似"麵包蟹"~但鉗就一大一細
預先叫超市職員~幫我地打碎個鉗先
"蒸蟹 & 生果雙拼"
蟹蓋多膏..甘甘香香~但肉質唔太得(可能急凍關係)
"百香果拼布冧"
我揀"百香果"想消滯..果然夠晒酸
老闆揀"迷你布冧"~細細粒好甜身
有日晚餐食"韓國菜"~食剩好多..所以打包第2日做早餐
將d炸雞起肉+泡菜辣豬肉一齊炒~又幾好味喎(哈哈)
感恩! 又係夜晚先黎落黑雨..有晚雷雨好大
參考資料 :
1. Ratsun Nadi Airport Apartment Hotel - http://www.ratsunhotels.com/
BULA BULA 五星笠早呀~
回覆刪除星期六好天氣 星期六好天氣 星期六好天氣~~~~~~~~~~
公路無街燈係超級危險添啦~~
我鐘意揀 Apartment 係無咁多遊客囉 嘩 講講下又想去曼谷~~~~
呢間 Apartment 好ok呀 夠光猛 但地方係咪細過我住間 Marriott 呀?
WOO 見到個超市就興奮 好想同妳行大型超市呀
妳同過小奧一齊行啦 佢無心機架 衰 諗起佢直接答妳唔鍾意行超市都幾搞笑~
雖然呢度可能無咩嘢買 但咁鬼大地方 行下都好啦 哈哈~
再次祝妳同呀喂三八結婚週年快樂 甜甜蜜蜜 幸福生活~
呀喂先生 你有個識煮嘢嘅老婆係幾咁幸福呢
求其都煮到餐你鍾意食嘅嘢 你真係要好好珍惜呀~
相對小奧 我真係對佢有d虧欠 難食都要食 仲要比我鬧 哈哈~
笠..我反而對龍蝦嘅伴菜有興趣 係咪用黑椒炒架?! 好鬼正~
百香果夠哂酸..連妳都咁講 我估係超級酸 (一路打一路流緊口水 哈哈)
迷你布冧好特別呀 好多汁咁 正呀 想問咩口感呀? 林pat pat?!
泡菜辣豬肉一齊炒正架 妳番香港都咁炒下啦 惹味又簡單 哈哈~
韓國壽司好味呀 其實我鍾意食呢類壽司 就咁蔬菜好爽口
我超愛食太卷架 不過又唔抵食 哈 同埋成日見到塊紫菜林哂咁 睇見唔想食囉~
我都係 如果知道好快番 Apartment 就會插另一張卡喺房 但唔係間間都可以咁囉~
BULA笠 BULA豬..早呀!
刪除星期六都好順利吵~勁感恩!
係啦..無街燈真係危險~同埋..最驚D人突然走出黎
你知佢地皮膚又黑..又無反光衣~真係撞到就大鑊啦
依間細過MARRIOTT好多啦~我覺得泰國D APT真係大好多
哈哈..係呀~知小奧唔行超市~但我好想睇下佢點答
如果答無所謂~我會覺得大家交情未去到好深
佢唔好意思答最心底既答案ma~哈哈哈哈!
多謝你呀笠..希望阿喂對我比之前更加好啦
話時話~佢原來真係有睇我blog+你d留言架
果日同我講~你留好長個留言
所以要等佢睇ed我先好回..哈哈哈哈!
hey..我好羨慕你就真呀笠~小奧唔想你辛苦
同埋知道煮既人辛苦ma~又會幫你做下家務熨衫
之不過..都繼續希望佢對你更加更加好~事事以老婆為先
係呀~果個用蠔油+黑椒炒~好簡單~個百香果依家講都吞口水
酸到呢..好鬼正! 哈哈哈哈! 個布冧又係正..買果陣好淋身
入面甜到呢~一酸一甜..好似打返個和咁~哈哈
多菜壽司我都like架~但韓國壽司唔係醋飯..真係好快飽
係啦..泰國通常有2張卡比客~咁就方便好多~同埋
我覺得最主要插卡槽底只要有野壓一壓~咁就detect到電囉