自駕遊。布吉之旅(2)

9月20日(Happy Friday..Day 4)~由喀比返到布吉

我地直接去"Bang Pae Seafood"食lunch~之後準備返酒店

沿途去Lemongrass House~睇定要買既handmade products

因為出完外島返黎當日..會即刻去買野~睇完就直接返酒店lu

布吉我地揀住"Novotel Vintage Park Resort - Pool Access Room"


洗手間分別有企缸+浴缸



房間空間感都大~窗口位置..可以直出露台游泳池







環境好正..幾晚食完飯返房都有出黎浸水

朝早/下午都有爭取時間..好好享用泳池設施

老闆仲話好鐘意今次揀既Pool Access房種安排^^



酒店本身個泳池好大~我企係天橋位置既背面都係泳池範圍



下午係房游完水hea夠~就free walk出去行街





係網上見好多人推介~Fresh Market食野好抵又話好味

原本安排最尾果日黎食~依日早d同老闆望望個環境先

佢本身鐘意買海鮮去食店煮~所以依個形式好岩佢feel



基本上..同香港既街市一樣



順便行下海鮮區~當時未有認真計算價錢平定貴



之後..上二樓food court望望環境~都幾乾淨整潔

而每檔都見有遊客用中文留言推介..講到好好味

不過可以講比大家知~試完根本唔係果回事(勁失望)



free walk完..去埋超市買定d飲品+野食

就揸車出去食晚飯~依晚揀去"Duck Spicy"



食店主要推介Spicy Duck~所以特別黎試試

現場有live唱歌~當地人仲會間中上台唱K呢



"Spicy Duck"..係用香料香葉炒鴨肉

食法同生菜包一樣~不過正宗食法係一啖肉

再吃伴菜~而唔係將肉包係蔬菜入面一齊食

鴨肉少辣帶香葉香料芳香~肉質鬆軟..入味又香口



伴吃蔬菜..有香葉, 青瓜, 椰菜

一口濃香鴨肉..再一口清新蔬菜(好正既配搭)



另一個推介.."Duck Mouth"

以炸既方式~好香脆入味..同樣好好味



老闆又encore.."BBQ螄蛤"



最後有"泰式生蝦"~醬汁非常辣..夠酸夠味~好正

整體食物好味~食物感覺較特別..服務都好友善(總消費:470THB)

食完飯..揸車返酒店hea+休息lu^^



(待續)