Relaxing。馬爾代夫(15)

3月12日(星期二)~前一日未夠六點就醒左

係villa hea到6:30pm先坐speedboat出機場

坐21:50夜機返香港~差不多六小時機程完全瞓唔到

好在隔離個男仔成日起身四圍行~我地都可以伸展下

瞓唔著唯有睇戲..食candy..聽歌去消磨時間呢^^


回顧今次既旅程~可以好好享受大自然(真係好舒服+relax)

因為已經買少見少~所以會更珍惜~當刻短暫既擁抱

至於食宿都好好~其實以我自己黎計..唔揀All Inclusive

Half Board都已經好足夠(因為每日食足三餐~我覺得太full)

不過主打想包飲野~阿喂一定會揀All Inclusive

至於package方面..馬爾代夫都有淡旺季之分

淡季要留意雨水會較多~但相對價錢就低d呢



6日4夜之旅正式完滿結束~從天堂島回到現實世界

再見啦..馬爾代夫~我地會再來啊^^


~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
另外..仲有d相片



日日係海灘都見到佢地~生活優閒..好自由自在



三隻都唔同架..之後仲見過BB添喎



間中仲會飛去villa hea~有日去左浮潛

返黎見到有隻企係我地個pool邊~好似睇住我地浮潛
(阿喂都話好得意..依張原來係有日我瞓左晏覺..佢影隔離villa架^^)



夜景又給人另一種感覺..超正^^

係main bar影honeymoon villa

無光污染..真係超勁多星星~好靚呢



幾晚dinner後..會同阿喂睇星星(估唔到佢都好like)



夜晚沙灘仲有蟹出沒(都幾多架..不過係暗位)



因為有餵魚活動~每晚都會有好多巨魚游黎食野

每條有半個人咁長~唔小心跌落去呢..應該上唔返黎(哈哈)



除左巨魚..仲有魔鬼魚+baby shark

不過d baby shark唔太baby都好大條

所以可以對比到~其他大魚有幾巨(起碼有3呎)



因為d魚游得好快..都好難影

所以拍左段片~仲見到魔鬼魚

魚身都有2x2呎size~留意條尾既長度(對比巨魚size)
(按play後..在video的"設定"change quality揀"HD"會清好多)