上年11月已經開始籌備..今次既週年之旅
因為無太多時間做research~所以同阿喂講
直接揀d純粹係Resort hea玩既地方(咁就唔駛煩)
反正見大家早前講過會想去"馬爾代夫"
就決定去依個地方~當慶祝我地既週年日吧^^
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
今次我地經"Travel Channel"訂Packages
旅行社有成50個.."馬爾代夫packages"
選擇又多又齊(HB/FB/All Inclusive)~真係花多眼亂
加上當地係回教國家(禁酒+禁豬肉)~阿喂話明要飲酒所以直接上去問~去到agent(阿Vic)問我地有咩要求
要飲酒最好揀All Inclusive~咁就篩剩得5間選擇
原本我想坐水上飛機~但同時又要考慮直航/轉機
我唔想轉機..唔想係Male住一晚~想直接入島住
但水上飛機4點後停飛~而直航delay又唔會負責
(因為之前問過其他旅行社~上年3月試過臨時cancelled航班又有嚴重delay =.=")
所以阿Vic建議如果坐直航~揀speedboat穩陣好多
最終我都揀直航~Packages 12月confirmed(等出發..go!!)
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
Package係6日4夜~Mega航空每星期得一班機
由1月開始..已經check住個flight time準誠度
基本上可以接受~通常delay 15-30mins就離港呢
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
3月7日(星期四)~7:30am去到機場D區做check in
指示唔清楚~櫃檯上既電視又無航班資料顯示
要問地勤先確定到位置~到好後期就有show返囉
雖然有四個counter~但真係超勁多人+手腳好慢
由HK > Male(5M137)~起飛時間9:50am..航程6小時
時差方面..Male慢香港3小時
出發前幾日..阿喂已經講定要去飲茶
check in完就去"潮樓"囉~埋單原來有7折喎
航班有九成係大陸人~訂packages時..
我地有特別要求~揀間少大陸人住既Villas
機艙內分兩邊座位~一行三人座
機身比預期寬敞舒適+乾淨(因為出發前好多人彈到不堪)
我地request窗口座位~去回程都安排很好(很前位置)
比原定起飛時間遲15分鐘..全機爆滿
純粹填肚既飛機餐
阿喂要牛肉飯..我要雞肉長通粉
中段仲有小吃
仲有雪糕..不過唔係派架
係咁岩去完洗手間~空姐個廚房放住..可以攞囉
wow..6小時機程差不多到啦
機艙突然播"江南Style"..空姐帶我地做伸展運動
當地時間13:40到達~機場面積好細呢
出到機場..已經好多職員舉名字牌接客人
我地又話有..但搵唔到囉~於是直接去counter報到
連埋我同阿喂~共有6個人住同一間villas
當中有兩個香港女仔及一對外籍夫婦
等齊人..由職員帶我地坐speedboat
船程10分鐘..我地就到達"Adaaran Prestige Vadoo"
職員帶我地去main bar安坐~送上welcome drink
再為我地做check in手續~完成後..將我地交托管家照顧了
管家(Deepu)先帶我地環島一周..介紹Villas環境及設施
然後連同行李..一齊就坐club car返房啦^^
(待續)
沒有留言:
張貼留言