3月8日(Happy Friday)~結婚13週年+相識紀念日
我同阿喂好細個就識~之後拍左好多年拖先結婚
我特登揀返同一日~諗住可以double慶祝+好記
其實阿喂對特別日子~真係比我更加上心架
有時失驚無神會問我.."知唔知今日咩日子"
講真..好多日子我已經唔會刻意記~我覺得人生
最緊要日日生活得開心..及時行樂+珍惜眼前人
已經超越所有野呢(所以佢成日話我份人好冷漠~其實我在心中囉)
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
馬爾代夫除左honeynoon..結婚週年都有offer
所以訂packages時~同旅行社講埋慶祝"結婚週年"
Agent(阿Vic)就幫我地訂房果陣..remarks通知酒店
昨日係房已經見有支香檳~管家都有交代係送既
所以阿喂話留返依日下午飲呢^^
villa張床好舒服~前一晚瞓到無郁過..一覺到天光(哈)
瞓醒攪掂..就出去食早餐~早餐都係自選形式
同樣餐牌有唔同選擇~但早餐就日日都一樣
另外..可以叫管家安排order早餐係villa食
不過阿喂話~鐘意出去餐廳食+順便行下
安坐後..服務生會先介紹當日既鮮榨果汁
我地點左兩杯"mixed fruit juice"
order完食物..服務生送上果醬及牛油
再親自拎麵包籃黎~隨便揀想食既麵包
服務生推介我試既.."芝士炒蛋伴魚柳"
每樣食物係獨立散叫~然後組合成一碟
個蛋炒得好滑~芝士份量ok..所以唔覺漏
實肉魚柳就比較鞋
阿喂要個"奄列伴牛扒"
整得好靚..味道都好好
另外..點個waffle
伴醬有幾款選擇~我要朱古力醬
waffle好好味..內軟外微脆
依道d咖啡都唔錯
檸檬茶..茶底清澈有茶香
食完早餐..就返房自由活動~我實在太攰
所以翻瞓到中午先起身~阿喂就自己去玩浮潛呢
(待續)
沒有留言:
張貼留言