3月8日(Happy Friday)~係main bar睇完日落^^
準備去食晚餐~order完食物..先黎個小吃"煎三文魚"
通常都附上餐包..不過之後既餐
反正留肚食其他野~所以叫服務生唔駛送上
但其實佢地既麵包..真係好好食呢
湯皇阿喂飲左兩款湯.."胡蘿蔔橙湯"
"香辣竹筍魚湯"..味道帶酸辣+香茅味
我要.."Beet Salad"
上層有青蘋果絲+feta cheese
主菜..個名唔記得
係中東/印度既角餅類~唔油膩..好清淡唔錯
下層既蔬菜粒..切得好粒粒+細緻
依日特別留肚食甜品..整得好精緻呢
最緊要係唔會好甜
雪糕下層係焦糖脆脆..帶點拖肥味道
下午管家送"小吃"黎房間既時候
同我地講..依晚main bar有show睇
所以食完飯去睇下~主要係唱+跳民族舞
表演時間大約半個鐘~睇完出去又見到管家
佢問我地係咪返房..我地話係~之後就say bye lu
返到房..感覺好怪怪~出去果陣已經執好房ma
但感覺係有人再入過黎~最明顯隻窗明明關左
返到去係開左~個心有d寒! 跟住阿喂就大叫啦
(=係屋企阿喂郁過我d野都一定知~因為我放既物件全部有個人記認架..嘩哈)
哦..! 原來管家襯我地出去~攪d心思慶祝"週年日"
本來好寒..突然變得好開心~不禁從心笑左出黎(好窩心^^)
原本下午諗住問管家攞冰~座凍支香檳飲
不過hea下玩下..完全唔記得左開黎飲
管家仲整左朵花花係入面~即刻氣氛唔同晒^^
哎Yo..仲放定水整個泡泡浴
雖然管家唔係成日現身+唔會騷擾我地
但其實感覺到..佢每日都暗地裡睇住我地行蹤呢
(待續)
沒有留言:
張貼留言