星期日..外婆既離開~整個人突然處於空白狀態
真係好頹..加上夜晚又完全瞓唔到~好掛住外婆
成日諗佢做緊咩~之後諗諗下..又會喊(喊到個人好攰)
阿喂有叫我安慰下媽咪~暗地裡..其實我都自身難保
當然傾電話無令媽咪擔心我~頹左兩日..抖左啖大氣
都問自己想點~唔可以繼續沉溺傷痛..我要搵d野攪
我要將所有時間填滿~應該可以加快復原(power up!!)
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
7月31日(星期三)~Amazing Summer又來凍甜品
不過其實我唔太鐘意食雪糕~雪葩就like好多
但依個係非一般既雪糕呢.."菠蘿椰子雪糕"
上網睇過唔同食譜~主要材料用蛋黃..忌廉..鮮奶..粟膠等
仲有雪糕機~我唔會為整一樣野~去買只可以整一樣野既機器
所以用返先前整"雪葩"既方法~去整依個雪糕
依個雪糕有幾非一般呢~就係完全改良食材
只有"新鮮菠蘿..椰漿..果凍粉..煉奶"製作而成
所以試用做代替品..材料攪拌後~濃稠度同樣好糊狀
而凝固既感覺..似半溶雪糕cream狀
叉鬆3次後再凝固..已經完成
如果雪過夜~臨食前回軟一陣就可以呢
另外..利用果凍粉~主要係幫助凝固作用
1. 菠蘿-半個 2. 椰汁-1罐(細) 3. 果凍粉-60g 4. 煉奶-1.5湯匙
1. 菠蘿去芯切粒~放入攪拌器完全拌勻..倒入密實盒內(備用)
2. 椰汁+煉奶煮熱~關火..放入蒟蒻粉完全拌勻無粒狀
3. 倒入菠蘿茸中..完全拌勻~放冰箱雪3小時~取出用叉叉鬆
4. 放回冰箱~每隔2小時取出用叉叉鬆
5. 重覆以上步驟~直至雪糕不黏叉..有黏合效果即成
6. 配搭個人喜歡既生果及脆餅伴吃即可
P.S.
1. 因應各雪櫃既冷凍速度~可自行調配重覆步驟次數~我一共叉鬆左3次已經ok
2. 甜度可因應個人口味調配~因為冷凍後甜度會減低
