[甜橙滋潤沐浴露。用後感 ]
上篇DIY既"沐浴露"~用左11日..想再分享下用後感
開頭沐浴露比較水狀~大約第5日..開始見到凝固
由於椰子油皂既關係~天氣凍..都有影響凝固效果
係老闆發現凝固呢~因為有水份..凝固後質感變gel狀
之前提住老闆泡沫唔會太多~但用起上黎..又比預期多
甜橙香味..真係好fresh好舒服~用後皮膚潔淨又不拉緊
但下次再整..會試下減少水份比例~睇下加快凝固效果
(估唔到老闆真係有用心去用，仲會同我講返點點點呢^^)
* * * * * * * * * *
今次DIY另一款..又係日日會用既"Body Butter"
每次沖完涼..抹乾身體後~待仲有水份..即時搽潤膚用品
有效鎖水補濕及滋潤皮膚~令皮膚唔會出現痕癢/乾燥情況
皮膚除左補水..其實補油都好緊要~要讓身體水份/油脂平均
皮膚自然有亮澤飽滿感~當然夏天/冬天所用既成份唔同
夏天要用較輕油感既潤膚用品~冬天就要重油一點呢
依款"Body Butter"..簡單用4種材料就攪掂
12月12日(星期一)~時間剛好..等屋企樽沐浴露
差不多..用埋最後2次~可以準備DIY試整新用品
原本諗住星期日整~不過星期六..同老闆同事BBQ
瘋狂一夜之後..我又昏迷左一日一夜(依日終於回復精神 :p)
今次整個"Sweet Orange Moisturising Body Wash"
其實想DIY日用品好耐~上網hea睇過下..又無左件事
好早前見美容網站~勁hit教整"flower jelly lipstick"
成品係靚..不過男士用唔著囉~加上想成份再天然d
所以決定搵d用蜂蠟整既"潤唇膏"~咁就男女都岩用呢
* * * * * * * * * *
上個月咪話姨媽全家+細舅母..係加拿大返左黎既
姨媽一家人會留成個月~中途再去日本+Bali旅行
就係依個時間~諗起jelly lipstick..好想整d聖誕小禮物
送比家人,表姐弟妹,好朋友~最好表弟返加國之前完成
順便拎比外國住既表弟妹~於是急急上網搵最好既製法
買好材料..早一星期整定潤唇膏~final..等訂做既label貼紙
oh! 可惜表弟上機果日先到貨(趕唔切lu)~唯有寄比佢地囉
香港親戚比較易見~等遲下有聚會..先整最新鮮既送比佢地
11月15日(星期二)~知道老闆like食中式甜品
早排佢提過"芝麻卷"~本身我唔鐘意食芝麻類甜品/包
普遍覺得超甜~同埋..係街有時promote"即磨芝麻醬"
每次聞到..都覺得好臭好難頂~但原粒芝麻就食囉
無糖黑芝麻粉都會沖飲~總之唔like..好甜味芝麻食物
既然老闆講過想食~屋企又有無糖黑芝麻粉
今日有閒情又動動工~整個"懷舊芝麻卷"
10月20日(星期四)~近依2年都無買粉類整野食
整真係唔係問題..要食果下先慘~密密整變左要密密食
雖然我好鐘意食澱粉質食物~但依家盡量要減食囉
年紀大..越來越難修身(哈哈)~不過屋企仲有其他粉類
都想快d清~正好! 材料可以整老闆like食既中式甜品
簡單買罐即食紅豆粒~已經可以整到"砵仔糕"呢
9月17日 - 9月22日 (6D4N 馬爾代夫之旅)
終於黎到最後一篇.."我們在途上"
出發前諗定叫老闆幫我影既相~全部無影到/影唔滿意
因為佢無時無刻掛住玩手機~根本無心機幫我影(十級憤怒)
由其係沙灘..已經又曬又熱~等佢影一張相..隨時變化石
我要快+自然ma~最終寧願set機..玩自拍好過等佢囉
反而幫佢影左好多私相~其實一直想幫佢影pose相既
佢又怕怕羞羞~本身唔慣影相呢..動作又生硬+唔自然
加上..今次要說服老闆影破格之作~我話..要夠膽影之外
都要睇返個人適唔適合影~型格相..未必人人handle到
=有d人影到陽光氣息相~未必影到頹廢滄桑味既相(除非刻意造型)
估唔到老闆ok喎! 今次d私相..好多都唔錯~我覺得幾有美態
之前係專頁出過2張~其他太大頭..所以未經佢同意唔會出呢
好! 睇下我地今次旅程影左d乜先?
* * * * * * * * * *
老闆影李小龍~即刻諗起..佢line用果套李小龍公仔(哈哈)
9月17日 - 9月22日 (6D4N 馬爾代夫之旅)
OBLU..除左All Inclusive餐飲外~仲有3個免費活動
為客人提供耍樂(sunset fishing/village visit/non-motor water sporting)
Sunset Fishing日日有團~其餘2個..每星期指定2日活動
老闆話想試下釣魚~之前見同事成日釣..所以想試下喎
我有提佢..釣魚要好有耐性架(我估佢玩完~應該唔太感興趣~哈)
我無玩釣魚~唔想將自己既快樂..寄生於d魚痛苦身上
所以同老闆講..真係純粹陪佢去(唔好又話我咩都唔參與..活在孤獨村)
Sunset Fishing都好full~星期日報名..要join星期二果團
16:45大地集合~點埋名..等齊人~可以上船
9月17日 - 9月22日 (6D4N 馬爾代夫之旅)
次次去"陽光與海灘"~老闆會玩野話..每日要浮潛10個鐘(哈)
我唔係唔鐘意玩浮潛~但唔想最曬果陣去浮囉..好易曬黑
就算著防曬衣~我都唔想曬到d手手腳腳(老闆會笑人鳳瓜架..衰)
不過去到咁靚既水域~唔浮又對唔住自己..點都要豁出去囉
同埋..最主要唔想老闆自己浮咁lonely~我都想陪伴佢左右呢
* * * * * * * * * *
有日係碼頭落水~真係太大浪..完全失去自控能力
隨浪不停四圍撞來撞去~攪到周身傷..唔太enjoy到
加上老闆叫我負責影相~是是但但..無對焦都係咁影
玩完上水睇下..好多都唔知影咩? 好在有少少ok咋
起碼相中會見到有魚囉(哈哈)
9月17日 - 9月22日 (6D4N 馬爾代夫之旅)
OBLU Resort唔算大~不過有日我地睇返health app紀錄
估唔到大半日係島遊蕩~來來回回步行都over 10 km
運動量都ok喎~蕩下又影下相..10 km真係唔多覺囉
環島遊都影左少少相~依篇介紹下環島設施及風景呢
入島落船..第一個接觸既地方"Lobby - Reception"
9月17日 - 9月22日 (6D4N 馬爾代夫之旅)
上篇介紹左"Oblu - The Spice"餐廳環境~依篇介紹食物
自助餐形式..食物選擇算幾ok~但都睇自己岩唔岩食
好似有時推出係羊,牛~變相我地已經有2款唔會食
甜品我又無食~加上本身無乜食力..每餐其實食好少
可以綜合一篇..睇下我地食左d咩呢? 老闆必選"湯品"
9月17日 - 9月22日 (6D4N 馬爾代夫之旅)
"The Spice"..OBLU全包餐既主要餐廳~早午晚以自助餐為主
有室外及室內座~室內地下舖上幼沙粒..感覺更有沙灘氣息
由大門通往餐廳
9月17日 - 9月22日 (6D4N 馬爾代夫之旅)
OBLU既All Inclusive~除左全包餐外..仲包埋酒水
早午晚餐..同樣可以隨意叫酒類/汽水/果汁/咖啡/茶等
餐飲以外時間..可以去Helen's Bar享用(開放時間:09:00am - 01:00am)
Helen's Bar分成兩邊有蓋..另外仲有outside~範圍都幾大
9月17日- 9月22日 (6D4N 馬爾代夫之旅)
決定去馬爾代夫..就開始揀酒店~見好多新開幕Villa
部份價錢..相對平價左~我地同樣先篩選All Inclusive
當中最緊要..包埋酒水~因為唔包酒..當地飲酒好貴
由其我地飲酒多過食飯~渡假唔飲酒..真係比死更難受(哈哈)
其次篩選..房間要白色為主+可以直接由房間行落海域
今次揀"OBLU By Atmosphere at Helengeli (6D4N Package)"
Resort係2015年11月1日開幕~感覺新d..價錢都好抵玩
整體屬悠閒渡假性質~同住"Adaaran Prestige Vadoo"唔同
簡單比較兩者分別 :
[Transfer交通]
Vadoo : Speedboat (15 mins)
Oblu : Speedboat (1 hr)
[環境]
Vadoo : 圍島沙灘及有腰果形白淺灘，多魚群，風平浪靜，氣氛浪漫
Oblu : 圍島沙灘，大浪，有不同種類魚..但唔多，氣氛悠閒輕鬆渡假
[房間]
Vadoo : Water Pool Villa (91 sqm，wifi..空間感大，以木材設計為主，觀景一流)
Oblu : Lagoon Pool Villa (77 sqm，wifi..洗手間空間感比房間大，設計清雅，觀景一流)
[餐飲]
Vadoo : 全包自選餐，每日不同款式，講究食物水準及精心擺設，有專屬服務員照顧
Oblu : 全包自助餐，每餐有部份食物會轉款式，食物水準都ok
[服務]
Vadoo : 有管家服務，及專人帶領介紹全島環境及設施
(服務員..貼心，細心，溫馨，有禮貌，有笑容，為客人製造驚喜)
Oblu : 無管家服務，同一般酒店服務一樣
(服務員..有禮貌，有笑容)
* * * * * * * * * *
房種..揀入住"Lagoon Villa with Pool"
好鐘意外圍雪白..好簡潔清麗~旁邊有植物佈置
感覺好園林..清新..大自然~好舒服!
9月17日- 9月22日 (6D4N 馬爾代夫之旅)
上半年..無事忙又多左追劇~完全無時間做research
所以同老闆講..秋遊要去d唔駛諗+唔駛plan既地方
其實今年都同自己講左好多次~想再去"馬爾代夫"
上次實在太hea..環境舒服又放鬆~最緊要唔駛諗ma
所以7月初..經Travel Channel訂套票~同樣都係揀直航
雖然CX有直航，但flight time都係Mega Airlines好好多
早機(11:00am)出發..去到當地(14:30)~相對d時間仲好用
落完訂之後~一星期左右..收到Mega通知取消當日航班
咁試下轉日子..盡量夾到有航班先出發(點都想坐Mega囉)
終於揀岩日子..Resort都confirmed~諗住安心等出發呢
8月中又收到通知~商業理由取消當日航班..安排轉坐CX
因為酒店confirmed..無得再轉~所以焗住來回程要坐CX
當刻心情真係有影響架~但好在..今次同樣坐speedboat
如果揀水上飛機..仲麻煩! 因為記得水上飛機..有限飛時間
上次聽agent講..16:30後停飛~要係馬里住一晚(依家唔知有無改)
所以突然轉左CX~去到當地時間係夜晚20:45(時差 -3hrs)
打算去"馬爾代夫"的話~要留意Mega航班及transfer交通呢
* * * * * * * * * *
早48小時前..17:30已經即刻做online check in
真係超勁誇張到..得返2個孖位~其他係單丁位
無奈! 唯有諗上天安排一定有原因~online check in完
收埋個QR code boardingpass~當日去機場寄行李
9月25日(星期日)~老闆聽日生日..原本諗住
等佢收工直接去食生日飯~不過佢話唔想食完太夜
星期二又要早返工~咁是但囉! 提早一日同佢慶祝
去旅行前..其實已經搵定間餐廳~見食評好唔錯又有情調
好! 就決定同老闆去"銅鑼灣 - E Molto Buono"慶生吧
* * * * * * * * * *
餐廳環境幽靜~安坐後..侍應先逐項為我地講解食物款式
待我地決定後..再為我地落order~服務非常細心+貼心
開心既日子..開支酒慶祝下吧~侍應問問我地要求
介紹左一款..試飲後不錯~就直接點支"Double Bay"($368)
8月16日(星期二)~之前同小奧+Baby笠去佐敦食火鍋
前菜送來"酸木瓜"~好開胃! 諗住得閒都可以整喎
岩岩遇著剛剛..老闆話想食"酸薑"~咁整開又整埋佢囉
同"鮮檸酸梅薑"醃料製法一樣~整左個"酸木瓜"
8月16日(星期二)~上星期日..同老闆去開街市買餸
佢見到子薑~因為佢好鐘意食"酸薑"..早幾年整過佢食
咁我又懶+整野食又睇mood~有時知佢想食又唔想整
會係醬料舖..買少少現成"酸薑"~滿足下佢就算架啦 :p
今次佢見到又叫我整比佢食~咁是但啦! 反正咁耐無整
昨日買材料~整定個"鮮檸酸梅薑"等佢隨時有得食呢
6月24日(Happy Friday)~依幾日心情非常一般
迷你倉大火~不幸有2個消防員殉職..真係好難過
雖然話係受訓既專業人士~但始終都係人命囉
再諗埋佢家人~真係好心酸心痛..眼淚都在心裡流
經過4日4夜..終於火勢算受控~但建築物有倒塌危機
希望事情快d完結~所有消防員都平安回家(跪求上天)
* * * * * * * * * *
講返個甜品~近排天氣十級熱..係時候整d凍甜品比老闆消暑
就當年..許x山出左個撈野之後~一試便愛上個椰汁冰底
早2年都整過"紅豆抹茶雪糕椰汁冰"~味道都好唔錯
今次仲簡單..整個"芒果玫瑰花(伴椰汁冰)"~下午茶先獨享 :p
6月8日(星期三)~買左"桃膠"..諗住得閒煲糖水比老闆潤下
前一晚拎幾粒浸~因為要浸過夜..依早出去買埋其他材料
返到屋企..就煲個"鮮淮山南瓜桃膠糖水"(下午茶自己先品嚐)
5月26日(星期四)~今年一月..去完"清萊+清邁8天之旅"
一直念念不忘~Imagine Resort果份..親自為客人煮既早餐
當中既"蕉葉飯"..真係一試難忘~一直想搵日自己整黎食
反正冬天剩落仲有2杯糯米~又剛好接近端午節
好吧! 襯有時間..就整個"泰式蕉葉糭"提早應應節吧
分別整左有鹹味 & 甜味..兩款選擇
5月24日(星期二)~老闆拗柴..貼身照顧左佢8日
忙到無停手~依日終於返工..我有返d私人時間用
昨日買埋餸..可以係屋企hea下~近排夜香花當造
前一晚..用一半份量煮左個"節瓜夜香花魚肉湯"
知老闆like食魚羹~依晚清清地整個"夜香花魚蓉羹"
5月10日(星期二)~老闆欽點食白粥..叫我整d"涼拌"伴吃
之前整過大豆芽..佢超鐘意食~所以再欽點"麻辣大豆芽"
咁再諗多三款小吃送白粥~感覺多d選擇又多d野夾下呢
見好耐無食豆腐乾~就整個"欖菜五香豆乾片"
5月8日(星期日)~坐左2 hrs又車又船..終於入到"塔門"
係"新惠和"食完lunch~我地就開始環島遊..漫步"塔門"
落船係碼頭影定張地圖~以備不時之需又可以確認位置
沿路指示牌好清楚~路徑好靚..非常適合任何人士悠閒散步
5月1日(星期日)~老闆講左好耐..同我去"靈隱寺"食齋
因為佢之前食過..話好味~咁食完順便可以行山喎
之前多數由"東涌>大澳"~如果食素lunch..要倒轉行
咁都好! 因為次次係大澳走..其實等車都幾辛苦
一來已經攰..仲要勁多人等車出東涌+車程要1hr
次次回程都暈車浪~所以今次試下咁行都唔錯呢
* * * * * * * * * *
前一晚大家講定..唔較鬧鐘~瞓到自然醒..夠精神先行
因為行山都要睇狀態~是但一個覺得攰..都會取消唔行
同埋11:30要去到"靈隱寺"~瞓過龍都唔趕去(一切順其自然吧)
依早老闆好早起身~我就瞓到08:30先醒~大家ok..時間又ok
收拾行裝..09:15出發~坐車去東涌..再轉11號巴士入大澳
晨早已經勁多人~我地等左3班車~要坐10:30果班入去
4月9日(星期六)~早2日老闆搵定行山徑..話假期行山
開個網頁比我睇條路線ok唔ok? 需時4hrs..難度屬2星
沿途有石屎路..泥路..石路~感覺幾多變化+風景都靚
是但啦! 反正之前未行過依段路~有新鮮感又行下囉
未出發..佢已經講幾次~頭段石屎路上斜要行45mins
石屎路上斜..真係無難度喎~叫佢唔駛擔心呢
* * * * * * * * * *
瞓夠..攪掂! 食完早餐..坐車去"馬鞍山(耀安邨站)"
3月9日 - 3月13日 (吉隆坡5日4夜。生活旅遊)
今次係吉隆坡唔係買左好多野~都係以飲品為主
老闆手信.."Papparich Coffee"(Rm12.9/包 x6)
有原味有糖&無糖~買6包送12小包..每包有12小包
因為未必人人like無糖~加上送比人..都係有糖穩陣d
試果陣..阿姐話當中糖份係用"甜菊葉"(草本植物提取既天然甜味劑)
但返黎上網睇睇~依款packing無標籤"甜菊葉"既?!
3月9日- 3月13日 (吉隆坡5日4夜。生活旅遊)
3月13日(星期日..Day 5)~行程最後一日..夜機返香港
仲有半日時間..同大馬好友相聚~同樣8點幾起左身
梳洗完..泡茶飲+慢慢收拾行李~晏d先通知大馬好友
因為前一日長車程又夜瞓~想等佢地瞓晏少少先起身呢
接近11點通知完大馬好友~我地就check out係lobby等
之後出發去食lunch@益群海鮮樓(位置:Batang Kali)
3月9日 - 3月13日 (吉隆坡 5日4夜。生活旅遊)
3月12日(星期六..Day 4)~黃昏時份..離開Bagan Lalang沙灘
途經"紅火龍果檔"..買d火龍果+食冰條後~直接揸車返市區
回程2hrs..到市區已經19:30~晚餐@順利蝦麵(位置: Ipoh Road)
老闆出發前話想食蝦麵&炒粿條類~梗係好懷念"檳城"美食
所以大馬好友..都特別安排一餐滿足下佢~蝦麵(x2)
3月9日 - 3月13日 (吉隆坡 5日4夜。生活旅遊)
3月12日(星期六..Day 4)~食完飲完..行完買夠特產手信
中午時份..再去Bagan Lalang~係沙灘野餐消遣下
之前見大馬好友..間中會去hea~依日終於親身感受
正值潮退~好遠好遠處..見到藍藍海水
3月9日- 3月13日 (吉隆坡 5日4夜。生活旅遊)
3月12日(星期六..Day 4)~"Tanjung Sepat & Bagan Lalang(一日遊)"
除左海鮮肉骨茶..沙梨汁&紅火龍果汁..榴槤雪糕外
仲有其他活動~參觀"裕發咖啡貿易(Joo Fa Trading)"
3月9日- 3月13日 (吉隆坡5日4夜。生活旅遊)
3月12日(星期六..Day 4)~小寶day off..一行4人出發遊玩
之前老闆講過想食大馬"肉骨茶"~原本去"吧生"食既
不過"海鮮肉骨茶"..大家又未試過~感覺幾特別
反正上次係"吧生"食過~今次一齊試下"海鮮肉骨茶"呢
是日細表安排.."Tanjung Sepat & Bagan Lalang(一日遊)"
由於車程要over 2小時~所以出發時間要早一點
較定鬧鐘..07:15am起身~8點左右係Apt接我地出發
好攰! 昨晚大家都飲得太暢快~依早都未太回魂
好在小寶夠精神揸車..我地就閉目養神(真係辛苦晒)
* * * * * * * * * *
10:00am趕緊去到Tanjung Sepat~早餐@裕記海鮮肉骨茶
3月9日- 3月13日 (吉隆坡5日4夜。生活旅遊)
3月11日(Happy Friday..Day 3)~中午係Thai Tuk Tuk食完lunch
去"Publika - B.I.G."上d貨~再去Aeon(位置:甲洞)買咖啡手信
原本想睇下Aeon有無餸買到~但貨源真係無B.I.G咁多咁新鮮
所以又再返B.I.G買餸~買完..細表先送我地返Apt休息下
佢接小寶收工..再買點外賣~直接上黎Apt..準備食晚餐
新鮮熱辣辣~食左外賣先.."鹹蛋魷魚"
3月9日 - 3月13日 (吉隆坡5日4夜。生活旅遊)
3月11日(Happy Friday..Day 3)~假期係屋企
都係8點左右起身~所以去旅行(無時差)都係差不多
起身梳洗完..泡茶飲先~因為朝早習慣要飲好多水
之後再食野~飲到10點幾..食埋昨日買既"紅火龍果"
就可以出發食lunch~原本可以早半個鐘會合細表既
老闆又論論盡盡~跌左片紅火龍果..落條褲道
仲..哎呀! 問我點算? 我話..即刻除出黎洗啦!
3月9日 - 3月13日 (吉隆坡5日4夜。生活旅遊)
出發前..老闆除左欽點要食"肉骨茶 & 蝦麵"外
仲話搵2日係Apt自煮晚餐~同大馬好友當home聚
外地自煮..我絕對鐘意~旅遊玩法又唔同+有新鮮感
但估唔到~老闆愛火鍋程度..會愛到係吉隆坡進行
我同大馬好友打個突..45度食火鍋? (老闆話..有冷氣)
* * * * * * * * * *
3月10日(星期四..Day 2)~飲完咖啡..返酒店轉房先
再同大馬好友係"Publika - B.I.G."買火鍋料再返Apt
因為食火鍋..都要麻煩大馬好友拎唔少廚具過黎用
女士們洗洗切切..滾埋個火鍋湯底~原來已經8點
男士們都餓啦! 食左2個外賣飯先~翻蒸"雞飯"(Rm6)
有味飯帶淡香~點雞醬好開胃惹味..雞件都ok唔錯
當然翻蒸..始終無堂食咁好味既 :)
3月9日 - 3月13日 (吉隆坡5日4夜。生活旅遊)
3月10日(星期四..Day 2)~上年細表黎香港..買左咖啡比我試
獨立包裝..掛杯式咖啡好方便~味道同機器泡既一樣咁香濃
所以打算買d做手信~同鐘意飲咖啡既志同道合分享 :)
Coffee Time@Aku Cafe & Gallery(亞穀咖啡文化廊)(位置:茨廠街)
