吉隆坡(生活旅遊)。Thai Tuk Tuk

3月9日 - 3月13日 (吉隆坡5日4夜。生活旅遊)

3月11日(Happy Friday..Day 3)~假期係屋企

都係8點左右起身~所以去旅行(無時差)都係差不多

起身梳洗完..泡茶飲先~因為朝早習慣要飲好多水

之後再食野~飲到10點幾..食埋昨日買既"紅火龍果"

就可以出發食lunch~原本可以早半個鐘會合細表既

老闆又論論盡盡~跌左片紅火龍果..落條褲道

仲..哎呀! 問我點算? 我話..即刻除出黎洗啦! 


是日午餐..細表泰飯堂@Thai Tuk Tuk (位置:Solaris Dutamas)

食店環境好colorful~侍應仲以泰國人為主



餐牌分類..好仔細~會分成唔同泰國區域性

如布吉, 清邁, 合艾, 曼谷等食物選擇^^



飲品..青檸水,檸檬水,香茅水(@Rm9.5)

隻杯好有泰特色~夠冰凍夠原味..甜度好ok



"Mango Salad"(Rm15.9)



份量比較少~青芒果甜身脆口

食材新鮮~醬汁酸辣度突出..好開胃



"Pad MAMA Seafood"(Rm18.9)



份量幾多..海鮮料有蝦&鮮魚片再夾雜蔬菜

炒得有鑊氣感~同泰國食既非常接近



麵條軟軟又爽滑..整體味道好惹味



去泰國絕少食Pad Thai~因為覺得太甜

細表話依間整得無咁甜~所以又點個試試

"Pad Thai Noodle with Prawn"(Rm15.9)



炒得好靚~食材豐富..甜度比泰國食既少甜得多



豐富醬汁混合麵條帶有黏度~伴勻花生碎粒同吃

甜甜地..又有花生香脆味~加上爽脆芽菜&韭菜

三重口感..幾種層次味道~依個好開胃..好食



細表叫侍應攞"Sambal醬"~話好味! 想等我地試下

個醬好得意~一半Sambal味..一半泰汁味(好平均)

伴麵食更加提味..香辣又惹味醒胃~真係好好味

即刻問細表..有無支裝外賣? 佢又問問侍應話..無!

再解釋話..我地係外國黎~覺得好食..所以想買呢

後尾老闆娘送左一細盒比我地take away!(超感恩)



"Tom Yum Goong(King Prawn)"(Rm33.9/細)



湯底濃郁..味道夠突出~又酸又辣好開胃

椰奶味唔多..岩我地~整體環境舒適+服務好好

食物水準比第一間"BBQ Thai"晚餐仲要好味

好接近泰國煮既味道(總消費:Rm115)(約$223)



老闆係屋企食飯~從來唔會同我講"壓來"(=好味)

但係泰國/泰菜館/泰飯堂~就不停同人講"壓來~壓來"

人地聽到"壓來"開心到笑得好甜~老闆讚完人又開心 

依日食完又同老闆娘講"壓來"~老闆娘好開心..話請佢食糖

但why?? 從來都唔同我講"壓來"架吓?!(超衰)



(待續)