吉隆坡(生活旅遊)。巴剎 & B.I.G Supermarket

3月9日 - 3月13日 (吉隆坡5日4夜。生活旅遊)

今次"吉隆坡之旅"..超簡單輕鬆! 訂完Package等出發

其他事項..我話唔諗啦! 簡單同細表講大約想食乜乜乜

就交晒比佢安排(真係辛苦晒^^)~佢有問..要唔要去景點?

我地話..唔駛! "吉隆坡"要去既景點~之前都去過ma

講真! 吉隆坡係生活性質城市~所以要用生活方式遊走

同埋..今次主要係友聚~我地又唔想花太多時間係車程

即係咁! 假設用2.5hrs去一個地方~我寧願用30 mins車程

餘下2 hrs..會珍惜時間坐埋傾計~不過"吉隆坡"地方太大

閒閒地去一間有水準食店..都要超過30 mins(所以香港細有細好呢)

* * * * * * * * * *

3月10日(星期四..Day 2)~細表上年黎香港..同佢去楊屋道街市

佢超like個形式..話好多選擇又新鮮~簡直係花多眼亂(哈哈)

我本身都鐘意去其他國家街市/超市~不過細表一直強調

佢地既巴剎..同香港分別好大~可能想比定個心理準備我

其實我覺得應該同泰國差不多(喜歡煮野食的..通常鐘意體驗當地街市吧)

食完印度早餐~就去巴剎(位置:Old Town@PJ)


咖哩葉..今次都買左唔少返香港


晏左去..街市都開始收檔~所以隨便行下算lu

海鮮選擇好少~同埋..比香港既海鮮又真係無咁鮮 :p



行返去第一張相位置~入面有個大型飲食中心

地方好大~右邊係華人食檔..左邊係馬拉人食檔

食檔都較為老字號~有著一份情懷..舊有味道



榮記招牌由開業流傳至今~保留懷舊氣息

而現任老闆娘(Peggy..白衫)~係一個好豪爽開心既人

閒談間..聽佢講製造甜品心得時~就完全知道

對食物好有要求+非常用心製造~著重品質..多於金錢



"玫瑰糖漿雜雪"



雪面上..加入玫瑰糖漿及淡奶

糖漿有花香清淡甜味~奶/糖比例平均~而雪層細緻綿綿



碗底仲有其他食材~夾雜一齊..就是豐富好好味



老闆娘好奇?! 點解無試..另一個招牌雜雪

因為我唔鐘意食椰糖~嫌味道好甜+椰味太濃

估唔到老闆娘一樣唔鐘意~所以佢係自製"椰糖"

叫我要試下"椰糖雜雪"~紅豆仲係用炭火熬煮的

所以真係睇得出~佢好用心去做自己既甜品呢



椰糖味道平均..有恰當椰子味又有原甘庶糖香味

用4款糖煮成~味道帶甘濃淡甜..糖漿超香好好味 

紅豆蓉粉糯..部份煮成漿狀~豆種有濃郁紅豆香甜味

兩款雜雪都好好味~玫瑰就清香..椰糖就濃甘香! 超正!



見好多人點"紅豆煎蕊雪"~老闆娘特登放低叫我快影相

細表話點一杯~老闆娘話唔駛! 同"椰糖雜雪"一樣(只係杯上)

杯上都好吸引~下次要試依款



雜雪甜品呢..老闆就唔岩食~所以四圍八下有d咩

晚餐會係apt打邊爐~老闆想食"雞飯"..所以打包一個



見到"釀豆腐"又話想食~又打包少少



回程再去"Capital"買Nasi Dagang(位置:Uptown@PJ)



下午係Cafe飲杯咖啡hea陣~先返酒店轉房

再出去"Publika - B.I.G Supermarket"買餸



細表知我好鐘意行~依類巨型外國超市

佢平時都係道買餸~款式算最多選擇又新鮮

所以同我地行下+買火鍋料



食材品種又多又新鮮~後面仲有紫色甜椒

下次可以買黎~係Apt飯聚時..整沙律食





魚類都多選擇又巨~仲可以"Grill Me"

2日自煮晚餐都有買魚~仲叫佢起肉(總之你想點切都幫到你)



醃肉又係好靚好新鮮..款式齊備



貨品整齊+貨源又多~地方乾淨光猛

難怪連老闆都好鐘意依個超市



仲有"生蠔區"



買完..可以叫超市餐廳煮理~即買即煮即開餐..超正!



家禽肉類區..除左生肉~又有一間餐廳

可想像到超市有幾巨型呢



老闆好勁..任何第一次去既超市~都好快知酒區係邊

ok ok! 由佢帶路..我地跟住尾行啦(哈哈)



第一日老闆係Tesco上貨~順便睇定想買咖啡做手信

細表介紹左一隻~但Tesco無得試..唔知岩唔岩口味

有日我想去Aeon睇下同香港有咩分別~咁岩有promotion

又咁岩..係佢想試果隻牌子~咁咁咁岩..仲要有特價(超感恩)



行完"Publika - B.I.G Supermarket"~Aeon遜色好多lu



(待續)