吉隆坡(生活旅遊) 。返尋味魚頭米 & BBQ Thai

3月9日 - 3月13日 (吉隆坡5日4夜。生活旅遊)

接近出發前~大馬好友每日親身感受熱度..報告當地天氣

wow!! 45度+乾爽~真係好難想像有幾熱~直至..到達當地

大馬好友依然不停問住我地熱唔熱? 驚唔慣咁熱既天氣

其實熱之中乾爽~比起香港又濕又焗熱..真係好得多啦!

起碼身體唔會長期濕笠笠又熱~乾爽熱..完全接受到囉

由上機 > 全日活動完畢~我都著住薄長袖衫..完全唔覺熱

老闆怕熱都話好ok~只係有一日..真係熱到會出汗呢 :)

而乾燥天氣比預期嚴重~已經飲好多水..我個咀仔唔止結焦

仲乾燥到出鼻血(大馬好友都話..好少會乾燥到連佢個咀仔都結焦架)

* * * * * * * * * *

3月9日(星期三..Day 1)~中午到達KLIA..會合大馬好友後

隨即駕車出發食Lunch~因為佢地知我地食量..好似雀仔肚

所以第一餐..同我地輕食~盡量等我地留肚..晚餐可以食多d

午餐@返尋味魚頭米(Restoran Fan Cam Mei)(位置:Menjalara)



自家製辣椒醬~味道香辣中帶點fresh..好開胃惹味



今次去"吉隆坡"造反啦!! 飲左好多凍野(哈)

我要"青瓜檸檬" & 老闆必點"桔仔酸梅"

落機胃口唔太好~想飲d酸檸檬又想要青瓜補水份

兩款材料味道好平均~清爽又唔會太甜

老闆既"桔仔酸梅"好開胃~甜度又好ok



米粉有三種湯底選擇(特色酸辣湯底/清湯/清湯加奶)

同時標榜無味精~湯底係用魚骨淆製而成

魚湯味好清甜..而且帶有酒香~分別點上4款

炸石斑米粉(+奶), 炸松魚米粉(+奶), 香脆魚片米粉, 魚滑米粉



老闆既"魚滑米線(清湯)"

魚滑軟軟帶點彈牙感~魚肉有鮮魚味



我要"香脆魚片米粉"

每塊魚片約0.5mm厚度..非常薄切~炸得金黃香脆

魚肉好新鮮~非常香口脆卜卜~而米粉可選擇粗/幼

所謂粗米粉..其實好似香港既米線~加上太易飽肚

所以要米粉..口感好滑帶淡米香~湯底帶有薄身酒香



小寶既"炸石斑米粉(加奶)"

石斑魚件..份量好足+厚身大件~魚肉又係非常新鮮

炸後保持外脆內嫩~啖啖魚肉比炸魚片口感更豐富



細表既"炸松魚米粉(酸辣湯底+奶)"

湯底好突出有酸度~加奶後..比清湯濃郁豐厚

酒味亦較清湯突出(感覺加奶有點鎖住酒香)~酸酸地又好開胃

炸松魚肉質比石斑微實~魚肉同樣新鮮香口(總消費:Rm 60)(約:$116)



Welcome Lunch後..去Tesco上貨(買啤酒+飲用水)

再返酒店check in~一齊係房hea陣+傾下計

等過左塞車時間..又出發食Welcome Dinner

晚餐@BBQ Thai(Old Klang Road)



環境好有特色~用印有logo既膠桶作燈箱(部份係紫燈..影唔到效果)

兩旁分別有小屋設計既餐廳房間~亦有透明玻璃餐廳房間

而中間就係露天座~同埋..蓋上鐵皮既露天室內座

oh..第一日狀態不太好~咁好既環境..都無點影到相添



老闆極速點上"啤酒(x4)"(Rm20/支)



4個酒精人聚埋~唔駛講野..飲酒啦! Cheers!



依餐睇d食物~就知道..就緊邊位人兄

"燒螄蛤"(Rm12)



雖然比泰國燒得熟透~但肉質ok既



泰汁顏色比平時食既唔同~味道都夠酸辣fresh感



"燒魚"(Rm40)

用馬來西亞既"金鳳魚"..又可以稱"非洲魚"(屬淡水魚)



燒得剛好熟+好靚~入面仲帶有肉汁

魚肉味清淡甜..口感嫩~伴泰汁開胃惹味



"燒蝦"(Rm50)



時價..當日來貨得依款叫大隻..有隻仲細(所以點依款)

燒既時間過左火..肉質比較粗鞋~新鮮度ok



"酸辣魷魚"(Rm38)



湯底好開胃~有酸有辣..香茅+青檸好清新出味

魷魚份量好多~肉質嫩+啖啖肉口感



"鹹魚炒芥蘭"(Rm15)

芥蘭熟度剛好帶脆~夠鹹香惹味



"青木瓜沙律"(Rm15)



食材新鮮豐富..爽口清新~但醬汁酸辣度..唔夠突出惹味



"泰式臭豆炒蝦球"(Rm25)

蝦仁爽口~臭豆好扁瘦..唔夠熟有陣臭青味

整體食物好唔錯~環境舒適..服務都ok(總消費:Rm321)(約$623)

食完飯..大馬好友直接送我地返酒店休息lu~聽日見!!



(待續)

參考資料 :

BBQ Thai - http://bbqthai.com.my/