行山郊遊。馬鞍山 > 西貢

4月9日(星期六)~早2日老闆搵定行山徑..話假期行山

開個網頁比我睇條路線ok唔ok? 需時4hrs..難度屬2星

沿途有石屎路..泥路..石路~感覺幾多變化+風景都靚

是但啦! 反正之前未行過依段路~有新鮮感又行下囉

未出發..佢已經講幾次~頭段石屎路上斜要行45mins

石屎路上斜..真係無難度喎~叫佢唔駛擔心呢

* * * * * * * * * *

瞓夠..攪掂! 食完早餐..坐車去"馬鞍山(耀安邨站)"

落車向後行~過馬路..再轉落右邊單車徑

單車徑穿出..有個大迴旋處~過馬路就開始上山

頭段45 mins上斜路

環境好好..好舒服~最鐘意多樹木+聽到雀仔聲

尾段..鎖匙圈直入

有車上"馬鞍山郊野公園"~不過話明行山..唔會坐車上去

除非諗住BBQ~拎好多野..就真係要車上了

 繼續上山

"馬鞍山郊野公園"~地方好大好乾淨

有燒烤設施..仲有餘廚回收筒~小息一陣..繼續出發

老闆戒牛後~惹蚊情況的確少左..係郊區少不免惹蚊d

之前新聞訪問d人~郊徑舖晒石屎路~無晒原有大自然+挑戰

我個人就兩睇既~石屎徑..除左可以當悠閒散步外

仲可以顧及體力無咁好既人使用~如病癒/老人家/家庭樂

又想行山做輕運動+吸新鮮空氣~石屎路會比較方便囉

沿途跟指示牌走

跟"昂平"方向上山

開始轉泥路~環境又係好好..樹木好密茂

輪到上山石級路~環境好特別..少少似熱帶雨林中行山

石頭長有青苔~地面泥濘/石級濕濕..地理環境夠濕潤度

中場休息..再跟"大水井"

 泥石路

到達"昂平"view point

超勁好風~行到上黎..再take a break

抖夠繼續上路~分叉路口"企嶺山/茅坪" & "大水井"

跟"大水井"..需時30 mins~但用左1hr先完成

個view好靚~影完收起手機..開始落斜石泥路

近坡邊既泥路比較易行~所以要收起手機

以防有咩E郁跣腳~雙手都可以抓到野(哈哈)

落完一段石泥路..有段平路

依個view勁正好鐘意~感覺又有點蒼涼感

網頁話尾段係石路~但影出黎好似平路咁

單係落山石路..再夾雜部份樹林既濕潤石路

落山落到開始膝頭痛(不禁爆左句.."你老闆呀! 邊個揀架條路?")

之後聽到老闆笑~話無諗到尾後係咁長落山石路

佢都覺得有d吃力..唔止2星~依張係行完影返上去

繼續落斜..中途見到一家四口外國人停低抖緊

經過say hi~個女人問我地..上山頂仲有幾耐路途

我地話45 mins..多石幾吃力(個女人抖左下氣..望望佢老公! 哈)

之後又問有無蛇~我話無蛇..再強調多石要小心+幾吃力

佢地繼續抖..我地走lu~由西貢>馬鞍山..仲更加吃力

左望右望..好多山墳=好快到啦

雖然分叉路~但尾段會接合返

沿路行返落村口..過對面馬路

見到天主堂~直去轉左係"滿記甜品"位置

馬鞍山 > 西貢..3h30m完成

之後行下西貢

因為佢對養貓狗無興趣~我又接受唔到離別傷痛

唔養之中..但又想間中睇下人地d寵物(已經好開心呢)

主人見架車好得意..放佢上車~幾醒目等影相(哈哈)

依日都有領養活動~好想抱! 不過驚抱完唔捨得放手

有隻無瞓覺..不停惹人玩~比人抱來抱去..好鬼嗲

希望所有動物都有平等生存空間~免受人類傷害

得到更多更多愛心人士照顧呢~行完出旺角食飯lu