大嶼山。靈隱寺(素食午餐)

5月1日(星期日)~老闆講左好耐..同我去"靈隱寺"食齋

因為佢之前食過..話好味~咁食完順便可以行山喎

之前多數由"東涌>大澳"~如果食素lunch..要倒轉行

咁都好! 因為次次係大澳走..其實等車都幾辛苦

一來已經攰..仲要勁多人等車出東涌+車程要1hr

次次回程都暈車浪~所以今次試下咁行都唔錯呢

* * * * * * * * * *

前一晚大家講定..唔較鬧鐘~瞓到自然醒..夠精神先行

因為行山都要睇狀態~是但一個覺得攰..都會取消唔行

同埋11:30要去到"靈隱寺"~瞓過龍都唔趕去(一切順其自然吧)

依早老闆好早起身~我就瞓到08:30先醒~大家ok..時間又ok

收拾行裝..09:15出發~坐車去東涌..再轉11號巴士入大澳

晨早已經勁多人~我地等左3班車~要坐10:30果班入去

中途"靈隱寺"站落車~車尾方向行..過對馬路見"靈隱寺"牌

過左馬路..行大約7分鐘就到"靈隱寺"

環境超正~好綠林..有與世隔絕feel

環境有d熟悉~感覺好似黎過..但又好似唔係同老闆

後尾晚餐阿E講先知~原來細個同我地去過(唔怪之得呢)

素lunch($80/位)

素湯..好香豆味+好濃郁~真係好好飲(encore)

2位素餐..4個小菜~食ing見隔離檯有春卷,有d有芋頭魚

食完問阿姐~佢話師傅新鮮煮起咩就會派咩..但都可以點

oh! 下次知道要點春卷/芋頭魚~我超勁鐘意食炸野

豆腐實淨又滑口..無粗鞋感~醬油入到味..豆腐好味

"蓮藕炆冬菇"..又係好夠味好入味~4款中最like依個

依款夠鹹夠味~無以往食齋果種清淡無味感

"羅漢齋"..食材多款式~但比較油膩

素湯&白飯可以任添~最緊要食得晒..唔好浪費食物

自助茶水

食完飯..去櫃檯八下~有售賣花生, 電話繩&佛珠手鍊等飾物

當做善事..買左4包花生~之後師太請我食糖..話誦過經

拎左一粒之後~師太話比粒佢食..放入佢口~我望望老闆

佢又唔係望住我地喎~心諗..師太唔係見到d咩呀ma?

原來佢話我件衫果個女仔打開左個口..放粒比佢食(哈哈)

嚇得我..以為師太見到有咩同我一齊? (之後同返老闆講..笑死佢)

食完飯抖陣..行返去巴士站~沿路行去大澳~開始行山!

Updated 20181201。靈隱寺(用心過生活FB)