吉隆坡(生活旅遊)。順利蝦麵 & Steven's Corner

3月9日 - 3月13日 (吉隆坡 5日4夜。生活旅遊)

3月12日(星期六..Day 4)~黃昏時份..離開Bagan Lalang沙灘

途經"紅火龍果檔"..買d火龍果+食冰條後~直接揸車返市區

回程2hrs..到市區已經19:30~晚餐@順利蝦麵(位置: Ipoh Road)

老闆出發前話想食蝦麵&炒粿條類~梗係好懷念"檳城"美食

所以大馬好友..都特別安排一餐滿足下佢~蝦麵(x2)




蝦麵有魚片,肉片,蝦乾,蛋,菜等~湯底蝦味濃郁好好味

麵底有米粉+麵~有兩款粉麵口感..無咁單調

餸料+配料都非常豐富



細表果碗走肉片





"炒粿條"(x2)



非常夠鑊氣~乾身帶焦香~粿條口感軟滑

餸料又係好豐富~炒得非常香口惹味..好正



伴辣醬食好提味~味道唔辣..混合麵食好香好惹味



依幾日乾燥中又熱氣~我飲"清補涼"..老闆要"酸梅桔仔冰"



香濃草本味~同香港既清補涼完全唔同..依個有d涼粉草味

開頭以為仲有南棗/棗類~有濃濃棗香..但細表話無喎?!

飲完無耐..感覺真係無咁熱氣~整體蝦麵&炒粿條好好食

飲品都非常正(總消費:Rm30)(約$58)



下半場宵夜..去我最愛既Steven's Corner(位置:Pandan Indah)



Limau Ais(青檸冰)..Air Sirap(玫瑰水)..仲有2杯應該係冰茶:p

老闆好勁..認得有個侍應~相隔5年..個樣都無變喎

但另一個好鬼馬+記性又好..數學又勁既就走左lu



必吃.."Cheese Naan"



超多芝士..勁正~同之前食既有d唔同~芝士味仲更加鹹香

口感就完全一樣~食完一件..細表問我仲要唔要點多件?

我話..唔啦! 要保留住果種回味感..雖然食多件都仲得(哈哈)

但唔想食到漏左驚左~都係少食多滋味..下次encore



"Sotong Goreng Kunyit"(黃薑炒魷魚)

依個又係必食~好香黃薑味..無上次表面咁炸脆

但味道依然香口惹味..好好味



"Roti Kosong"

口感鬆鬆..唔油膩~整得非常有水準



伴吃"咖哩醬"~後者較好..前煮香料味較重

整體食物依舊好味~依舊好旺場(總消費:Rm27)(約$52)



最後一晚..原本都想同大馬好友傾夜d

不過老闆倦意..完全表露無遺! 坐到11點多走lu

話咁快..聽日最後一日行程~準備回港lu



(待續)