馬爾代夫(Maldives)。我們在途上

9月17日 - 9月22日 (6D4N 馬爾代夫之旅)

終於黎到最後一篇.."我們在途上"

出發前諗定叫老闆幫我影既相~全部無影到/影唔滿意

因為佢無時無刻掛住玩手機~根本無心機幫我影(十級憤怒)

由其係沙灘..已經又曬又熱~等佢影一張相..隨時變化石

我要快+自然ma~最終寧願set機..玩自拍好過等佢囉

反而幫佢影左好多私相~其實一直想幫佢影pose相既

佢又怕怕羞羞~本身唔慣影相呢..動作又生硬+唔自然

加上..今次要說服老闆影破格之作~我話..要夠膽影之外

都要睇返個人適唔適合影~型格相..未必人人handle到

=有d人影到陽光氣息相~未必影到頹廢滄桑味既相(除非刻意造型)

估唔到老闆ok喎! 今次d私相..好多都唔錯~我覺得幾有美態

之前係專頁出過2張~其他太大頭..所以未經佢同意唔會出呢

好! 睇下我地今次旅程影左d乜先? 

* * * * * * * * * *

老闆影李小龍~即刻諗起..佢line用果套李小龍公仔(哈哈)

好喜歡的一段路@The Spice

不分日夜..老闆愛篤波@Helen's Bar

好鐘意碼頭位置~其實好想黃昏日落時間

叫老闆幫我影d瑜伽pose相~可惜.....(提起又憤怒了)

 埋怨左佢好多次~佢次次都話..下次囉~下次囉! 
(我想講~有d野錯過左..就係錯過左~機會唔等人架! 同埋..要學懂珍惜囉)

浮潛果日..就係依道落水

因為房間海域..唔係安全區~所以每日幾攰

幾想瞓晏覺都好~都寧願昅住老闆玩浮潛

以防有咩事..可以即刻出動

特登帶左2個充氣墊去玩..水陸兩用架(哈哈)

好似劫後餘生..大海中浮沉

沙灘玩自拍..運動量好大~不過好好玩

碼頭影唔到(扮)玩瑜伽相~唯有係房影囉

我無玩開瑜伽~老闆話.."影還影~唔好扭親"

我話..放心! 我放唔到隻腳上頭架(哈哈)

簡單動作..還可以應付(哈哈)

玩左陣..勁攰! 問老闆影完未? 要抖陣先(哈哈)

有日我問老闆..係馬爾代夫係咪有"過度活躍症"?

佢真係無時停~要幫佢放電..所以叫佢玩跳水

 之後話..唔夠好! 要再黎多多多多多個

我就舒舒服服..灘係露天sofa幫佢影(哈哈)

 來吧! 盡情跳吧(哈哈)

之後再話..唔夠型! 耍套泰拳跳水

影完之後..佢話要幫佢影d正面

一跳落水..d水花攪到我全身濕晒(擺明玩野)

今個旅程雖然唔長~出發前仲有少少阻滯

但感恩整個旅程非常順利..開心..好玩又放鬆

食玩瞓hea都算滿意~期待下一個旅程~好快又來臨^^

(完)