銅鑼灣。E Molto Buono

9月25日(星期日)~老闆聽日生日..原本諗住

等佢收工直接去食生日飯~不過佢話唔想食完太夜

星期二又要早返工~咁是但囉! 提早一日同佢慶祝

去旅行前..其實已經搵定間餐廳~見食評好唔錯又有情調

好! 就決定同老闆去"銅鑼灣 - E Molto Buono"慶生吧

* * * * * * * * * *

餐廳環境幽靜~安坐後..侍應先逐項為我地講解食物款式

待我地決定後..再為我地落order~服務非常細心+貼心

開心既日子..開支酒慶祝下吧~侍應問問我地要求

介紹左一款..試飲後不錯~就直接點支"Double Bay"($368)

入口清爽..唔會太甜~有果香又唔dry(好飲)

即焗麵包(三款)~"墨汁芝麻包"外微脆內軟綿..面層芝麻粒好香

中間果款"香草包"..比前款脆身~香草味突出

最尾係"芝士脆片"~鹹香芝士味..非常香脆可口

實在太好味! 連老闆一般like麵包..都encore多一客

Starter(三款)~其中一款係牛肉..所以揀其餘二款試試

"輕煎日本北海道帶子。柚子乳酪凍配法國黑魚子"

每款食物上檯後~侍應都會再講解一次..同時建議食法

先品嚐半粒"柚子乳酪"..開開胃

濃厚乳酪味~質感有彈性~微酸微甜..好開胃

輕煎帶子..熟度剛好~焦香帶鮮甜味~肉質豐厚

底層有塊脆餅~夾雜其他食材同吃

魚子好鹹香~配搭溫室豆苗及車厘茄..好夾


最尾食埋半粒乳酪..又再次開開胃

"挪威煙三文魚。香芒合桃青瓜卷配血橙薄荷汁"

伴碟醬汁都非常講究~有不同層次芥末醬味道

餐廳會依唔同季節製作菜單~依家仲係夏天主題

所以食材除左Green~食物都會比較清新感覺

中間血橙薄荷汁好開胃~甜甜地又帶點薄荷香

青瓜片好薄身~卷物配搭薄荷汁/芥末醬有唔同感覺

但味道一致..都係非常清新好味

Soup(二款)..分別有凍湯/熱湯

老闆聽介紹時..已經鎖定要飲熱湯

"法國夏季黑松露。配鮮雜菌清湯"

送上檯後..侍應再倒入熱湯

有中式清燉感覺~清湯中菇菌味都濃香

碟邊灑上松露粉~讓客人隨個人喜好..加入清湯同飲

屋企唔會有凍湯出現~所以我要個凍湯

"蟹肉牛油果青豆凍湯"

顏色好靚..質感豐厚~青豆茸濃郁..湯內夾雜牛油果粒粒

蟹肉份量好多~湯算係室溫冷少少..蟹肉就好凍感

味道同樣清新~依個湯都好快飽肚~伴上脆捧好香好味

Entree(二款)..我地唔食鵝肝~所以大家選擇同一款

"焗釀美國蠔肉配西班牙辣肉腸忌廉酥皮盒"

酥皮盒內有2隻蠔肉..用辣肉腸煮忌廉做醬汁

皮層酥鬆..唔油膩~忌廉汁帶鹹香又有甜洋蔥味

酥皮盒份量都好大~食完其實真係已經飽晒

有蠔鮮味..但口感係粉蠔

未食主菜已經好飽~侍應送上"番石榴雪葩"(再開開胃+消滯)

番石榴味好出好香甜~微酸帶甜又冰凍..好開胃

杯邊繞上果醬..美美的~伴雪葩吃還多份果甜味

Main Course(五款)..有牛(x2), 羊(x1)~所以得2個選擇

"香煎波士頓龍蝦。配龍蝦湯嫩菠菜意大利飯"($660)

肉質有彈性..有鮮味~蚶都細心去埋殼..方便易食

飯粒脹卜卜有咬口~醬汁濃郁..龍蝦汁味濃

我覺得鹹左少少~老闆就話ok

"開心果仁麵包糠配牛油果醬。焗鱈魚"($660)

份量都好大..魚件夠厚身~蔬菜料豐富

魚肉好新鮮~皮層焦香脆口..肉質非常嫩滑有肉汁

我食左依舊..已經食唔落~反正老闆like食魚..由他慢慢吃吧

食完主菜..侍應送上"茉莉玫瑰花茶"~好香..飲完好舒服

訂檯既時候~同餐廳交代..甜品寫上字句

侍應送黎既時候~估唔到仲唱生日歌

見老闆笑得好含蓄~好似好怕羞又尷尬咁(哈哈)

之後再為我地影張即影即有..送為紀念

面層係蛋黃吉士醬..下層係拿破崙脆片~外型整到好似粟米

其實味道唔錯~好香蛋黃味..質感滑~不過我唔like食吉士醬

所以試左少少..其他無食~底層脆片又係好酥鬆脆口

"法式燉蛋配柚子醬"

燉蛋質感軟滑..奶味重唔太甜~整體餐廳環境好舒服

播放輕音樂令人好放鬆~慢吃3小時的一頓晚餐好寫意

服務非常有禮貌..細心又貼心~食物水準好好(總消費:$1857)

昨日餐廳whatsapp我~希望晚餐令到我地enjoy+滿意

傾左幾句~覺得好少餐廳..事後會做依d窩心動作(不錯啊)

依間既菜式~感覺幾似上年同老闆慶祝生日食既"FINDS"

老闆飲個清湯時即刻話好似~但食個雪葩又諗起"Amigo"