沙巴自駕遊。三人行在途上

2018年10月23日 - 10月29日 (沙巴自駕遊7天之旅)

終於黎到遊記..最後一篇~又係我地出場既時候(哈哈)

今次旅程~最不幸係出發前..3個都感冒~媽咪仲月中開始病

佢次次感冒..手尾都好長~我就起左幾日..但都睇定醫生先

費事坐完飛機太乾..觸發嚴重左仲弊! 講真..我極少病架

除非唔小心保養..2-3年先會睇1次醫生(少少唔舒服實有..通常用瞓覺補充元氣囉)

所以今次過去~仲諗住瘋狂食辣野/濃味野/炸野..都唔得lu

今個旅程無咩景點..影好少相~加上媽咪唔舒服(我無曬mood)

好! 依家一齊睇下..我地在途上既點滴先呢

******
(Day 1)..老闆同媽咪睇咖啡@Sunny Supermarket

一去到超市~老闆就四圍8..睇定有咩手信買

最怕佢買手信..唔計總數~之前試過我買左獨享既

返到香港..先話唔夠叫我比佢~今次叫佢計清楚

總數要買幾多包~我獨享既唔會比佢架(哈哈)

沙巴自駕遊。Sabah(手信 & 用品)

2018年10月23日- 10月29日 (沙巴自駕遊7天之旅)

又黎到手信&用品篇..今次唔係買左好多野~因為3個喼(60kg)

所以住宿揀要有洗衣機..打算帶少d衫去~大機+腳架唔拎

等個喼多d位收納~但好多packing比較大~送比人..

無理由拆散包裝~所以都盡放晒入喼..唔想又hand carry

好! 即刻睇下我地買左d咩(Let's Go!)

******
老闆鐘意食肉骨茶~去大馬都會買d@Sunny Supermarket

毛山稿(Rm8.9(x2)..約$33.8), 巴生(Rm7.2(x2)..約$27.4)

A1(Rm10.9(x2)..約$41.4), 奇香(Rm8.9(x2)..約$33.8)

沙巴自駕遊。Sabah(金沙園生肉麵, Gaya Sunday Market, 黃粥記)

2018年10月23日 - 10月29日 (沙巴自駕遊7天之旅)

10月28日(星期日..Day 6)~是日行程..Gaya Sunday Market

上次都有行..但其實無乜野岩睇~諗住同媽咪去感受下

除左澳洲..又遊覽下唔同國家既Sunday Market咁呢

加上要去手信店衝刺~依日一次性..順route攪掂埋佢

******
去沙巴..難免諗起"生肉麵"~上次我地去"家香生肉麵"

老闆一試難忘..話好好味! 早幾日仲問我..邊日去食生肉麵?

反正去Gaya Sunday Market~去開town..可以試下另一間

泊好架車係Suria Mall~行去食早餐@金沙園生肉麵

沙巴自駕遊。Sabah(Nabalu,Sosodikon Hill,Desa Cattle Dairy Farm)

2018年10月23日 - 10月29日 (沙巴自駕遊7天之旅)

10月27日(星期六..Day 5)~係"Fatt Kee Seafood"(發記)食完早餐

隨即出發去"Sosodikon Hill"(車程2hrs)~中途係"Nabalu"小休

上次都有去~又係晏左..雲層同樣遮掩神山既壯麗美貌

所以plan要05:30起身出發..就係咁解呢 :p

沙巴自駕遊。Sabah(Fatt Kee Seafood發記魚雜粉專賣店)

2018年10月23日 - 10月29日 (沙巴自駕遊7天之旅)

10月27日(星期六..Day 5)~媽咪休息左2日..精神好返好多

原定計劃(Day 4)行山~要再睇媽咪依日狀態..先決定補唔補去

計劃行山的話! 其實要05:30起身(不過無同媽咪講..費事佢緊張)

所以隨心..等大家瞓到自然醒先出發~06:30又醒晒啦(哈哈)

個個精精神神..先出發去食早餐@發記魚雜粉專門店

沙巴自駕遊。Sabah(何記文昌正宗海南雞 & Dragon Palace福盈龍門)

2018年10月23日 - 10月29日 (沙巴自駕遊7天之旅)

10月26日(Happy Friday..Day 4)~依日原本plan去行山

媽咪雖然精神返好多~但為免好少少..行山又即時耗損

所以調動行程..比佢再休息一天(Day 5睇狀態..再決定吧!)

媽咪依隻旅行腳..其實好好夾~因為大家都習慣好早起身

依早又06:30醒左! 灌下水+吹下水..老闆問我有咩行程?

我話..Um! 咁早! 可以先去"豐成海產"~因為佢地開08:00

跟住去食雞飯>Giant超市>飲茶>Apartment游水+晚餐

佢地話..好呀! 咁Let's Go啦..早去早回(哈哈)

******
買完急凍海產~滿足下老闆..食個雞飯先

早餐@何記(文昌)正宗海南雞飯

沙巴自駕遊。Sabah(Gayang Seafood Restaurant佳揚海鮮樓, Gerai Sri Cahaya 2, Coconut Pudding)

2018年10月23日 - 10月29日 (沙巴自駕遊7天之旅)

10月25日(星期四..Day 3)~前一晚媽咪嚴重唔舒服

好唔容易捱過一晚~起身見佢面色好返d..我先鬆一口氣!

依日決定取消出外島~等媽咪係Apartment..多d時間休息

我同老闆可以係泳池消遣呢~是日安排..唔想媽咪太勞動

打算一齊出去一轉~買埋晚餐..直接返Apartment自由活動

******
(Day 3)午餐@Gayang Seafood Restaurant(住揚海鮮樓)

上次食過..食物水準唔錯! 不過車程較遠..約45分鐘

沙巴自駕遊。Sabah Shopping Point(Sunny Supermarket, City Grocer, Giant, 豐成海產, 手信街)

2018年10月23日 - 10月29日 (沙巴自駕遊7天之旅)

依篇綜合..今次旅程既購物點~(Day 6)係Gaya Street

仲去左間"手信店"主力上貨~遲d連同當日早餐一次過出

因為個標題..已經水蛇春咁長(哈哈)~係外地我最鐘意行local超市

平民化..價錢又平~間唔使仲會發掘到好野..可以買返屋企煮

另外..都會行packing靚d既超市/手信店~因為老闆要買手信

始終送比人既包裝要靚d呢

******
Shopping Point@Sunny Supermarket

沙巴自駕遊。Sabah(Jesselton Point)

2018年10月23日 - 10月29日 (沙巴自駕遊7天之旅)

10月24日(星期三..Day 2)~是日行程hea安排(留力Day 3 & 4出動)

朝早係"Wanwan Coffeeshop(旺旺)"食完早餐

揸車去Suria Mall..泊好架車~徒步(約7分鐘)去"Jesselton Point"

視察環境+船期~因為(Day 3)會安排出外島半日遊

依日天氣超好~曬鬼到呢..變黑人(哈哈)

沙巴自駕遊。Sabah(Wanwan Coffeeshop 旺旺 & Api Town Bak Kut Teh阿庇市肉骨茶)

2018年10月23日 - 10月29日 (沙巴自駕遊7天之旅)

10月24日(星期三..Day 2)~行程頭2日..會安排hea過

等大家有充足休息~Day 3 & 4就長車程+早起身去遠d既地方玩

昨晚都ok好瞓..係樓上拉野+行路好應聲~攪到老闆好燥爆

佢醒=我都會醒~佢半夜仲話上去..同樓上住客講叫佢地細聲d

我話..算啦! 話完特登大聲d咪仲衰(等佢仲成日叫我包容下邊個..佢都做唔到啦)

06:30大家都起身lu~吹下水+飲夠水..就出發食早餐

Day 2..早餐@Wanwan Coffeeshop(旺旺)

沙巴自駕遊。Sabah(Fish Head Noodle甜甜魚頭米粉 & Lido Square麗都廣場)

2018年10月23日 - 10月29日 (沙巴自駕遊7天之旅)

10月23日(星期二..Day 1)~今次沙巴之旅

除左超like食店會翻兜外~其他會安排..試未食過既食店

落機後..揸車去Wisma Merdeka換錢~順便泊係商場停車場

食埋lunch..就直接返Apartment~等大家可以快d休息下

Lunch近近地係(6/F)Food Court~3年前望過下都幾熱鬧

今年再去感覺好冷清~Lunch@Fish Head Noodles(甜甜魚頭米粉)

沙巴自駕遊。Sabah(Beloft Sutera Avenue)

2018年10月23日 - 10月29日 (沙巴自駕遊7天之旅)

近年旅行..住宿方面~都會揀選Apartment形式為首

最緊要有煮食廚房+洗衣機~上次去沙巴住"Sky Hotel"

形式都係Apartment Hotel~房間都夠大..但無洗衣機

同埋..每次旅行其實都想住下新地方既(除非揀唔岩囉)

今次揀新落成既"Sutera Avenue Mall"..租住私人住宅

原本我唔係想租依間~因為首選果間無曬房+無更好心水

所以先揀依間"Beloft Sutera Avenue"~因為私人出租住宿

要同屋主自行聯絡~預訂好..屋主只係問我幾多人+幾點到?

我比左好多資料佢(人數,flight time,要車位)~講埋大約15:30會到

之後一直無聯絡~出發前一星期..見仲未有交代check in安排

我唔知係self check in定要約佢~又再問+順便問下佢點稱呼?

回覆只係話..入住前一日會通知~依然唔知屋主係男/女

直到上機前一日..我等到15:45都仲未收到check in詳情

又要再追問~我唔知屋主係新手定咩? 真係完全無主動性

send完..無耐就回覆~我覺得其實self check in可以早d講囉

******
10月23日(星期二..Day 1)~落機>換錢>食埋午餐

揸車去Apartment~先搵座數(ST 24)..係mailbox取匙卡

沙巴自駕遊。Sabah(Airport, Simcard, Car Rental, Exchange)

2018年10月23日 - 10月29日 (沙巴自駕遊7天之旅)

4月去完布吉..我無打算再出遊~可能媽咪身體問題(無乜mood)

不過老闆想去~泰國今年去左..我又無幹勁花時間做research

所以佢話近近地..再去沙巴~訂機票前..老闆再問媽咪去唔去?

媽咪話..好呀! 做research既心情..即刻唔同晒(哈哈) 

訂票前..格晒所有價~都係Expedia最抵~除左積分

我仲有會員訂房優惠~而分開訂機票+酒店..仲化算

依家得亞航係直航~另揀..連寄倉行李機票(20kg/pp..不包餐飲)

今次無帶大機~因為有2日行程..拎唔到+要hand carry急凍海鮮

費事好似去澳洲咁~hand carry要複磅..過磅又麻煩

好! 講完! 闊別3年..重遊沙巴! 準備出發!

******

10月23日(星期二..Day 1)~我地乘坐亞航..直航來回 (HKG < > BKI)

去程航班(AK236) 起飛時間 09:55-12:55(航程3hrs)

14日前..online check in(來回程)~須print out boarding pass

經航空公司櫃檯print~有機會收費喎~去程轉3張boarding pass

回程就用返我之前print out既~寄完行李..我地去飲茶

所以冇另點飛機餐~機艙坐位為左(3)右(3)~去程可以3個一齊坐

食譜。梳乎厘班戟(Souffle Pancake)

10月11日(星期四)~想試整"梳乎厘班戟"好耐

但一直冇mood冇動力~近排心情ok! 昨日出開去買餸

順便買定料先~諗住今日有時間..就整比自己食

之前整過"焗梳乎厘"~預備功夫一樣..只係轉用煎焗法

是日[Brunch。梳乎厘班戟(Souffle Pancake)]

黃金海岸酒店(2D1N)。生日假期住宿計劃

今年生日唔想諗~都係叫老闆安排..兩口子靜靜地渡過

原本佢話快閃台灣一轉(4D3N)..不過我又唔太想去

再話快閃澳門(2D1N)..我知老闆想陪我生日去個小渡假

但澳門我無興趣+其實唔想離開香港~咁話黃金海岸(2D1N)呢

都好喎! 我都鐘意黃金海岸個環境~有渡假feel+舒服

上網睇到有"生日住宿假期計劃"~住宿+餐飲價錢都化算

佢想訂正日(17/7-18/7)~不過(18/7)我一早有野做..唔得

所以提早16/7-17/7(2D1N)~星期六打電話問晒所有野..即訂房

******
7月16日(星期一)~下午3點check in..朝早可以hea半日

食完lunch..坐固定班次(13:50 免費shuttle bus)去黃金海岸酒店

住客可享用Shuttle服務..包括酒店< >青衣/荃灣 & 尖沙咀

來回程無其他住客~所以同老闆包車(正!)

食譜。黑糯米椰汁糕

7月4日(星期三)~近排好懶寫blog..Baby笠都話我寫少左好多

我話..其實"遊記"都唔想寫~不過想當紀錄+比有需要既人參考
(因為寫完後1-2年..通常有唔少人會問返遊記資料~我要睇返勾起記憶..先覆到架! 哈哈)

Baby笠好大反應話..唔好呀! 唔好唔寫! 佢好鐘意睇Blog咁話喎

不過以前Yblog好玩好多~人與人之間比blogspot互動多好多呢

Anyway..好啦! 我都應承佢..間中就update下啦(哈哈)

********

之前買左包(細)黑糯米~好似食極都食唔完咁~不過仲未變既

今個星期想清埋佢~第一轉整起左..夜晚老闆食完話好好味

未黎得切..影張靚相~佢話拎返公司..同同事開心share喎

咁昨日再整多一次~反正仲有半份煮好左既黑糯米

[夏日甜品。黑糯米椰汁糕]

布吉自駕遊。我們在途上

4月22日 - 4月29日 (布吉自駕遊8天之旅)

終於又黎到最後一篇..我們在途上~今個旅程好hea

食/玩/買..其實都無點影人像相~雙人自拍更加係"零"

好! 又回顧下旅程先~第一張通常都係老闆check in+寄行李 :p

話時話..一個月咋! 佢d剷青已經無晒~前幾日叫佢好去剪髮

由其依家咁熱..叫佢再剷青d~佢好大反應話..唔~得! 盡架啦!(哈)

布吉自駕遊。手信 & 用品

4月22日 - 4月29日 (布吉自駕遊8天之旅)

布吉行程寫晒啦! 依篇到"手信&用品"

今次都買左好多野食咁~有少部份係幫Baby笠買

其他自用/自吃..少量送比想送既人咁囉^^

好! 睇下今次買左咩先?

********

我勁鐘意食"豬肉鬆"~見細細包..買左3排(x10包)(87B/1排..約$21.8)

笠要既Bento~以前我都鐘意食..不過食太多驚左(51B/13包..約$12.8)

布吉自駕遊。Condo Dining & Mor Mu Dong

4月22日 - 4月29日 (布吉自駕遊8天之旅)

今次去布吉..落機+第2日已經買左2箱啤酒(共48支)

Day 1 + Day 2都出左街食~出去食..老闆又另叫啤酒

Day 3我開始病..唔會飲啦! 所以同老闆講..一係自煮

一係外買晚餐~8日要清晒48支..一支都唔想拎返香港囉

同埋..佢成日驚唔夠飲就係咁買~我話..飲完再買都未遲ma

硬係唔聽老婆講~以後要立例..實行飲完先再買

********

4月22日(星期日..Day 1)~食完晚餐..陪老闆睇波+hea飲啤酒

布吉自駕遊。Siladon Spa & Da Puccio Restaurant

4月22日- 4月29日 (布吉自駕遊8天之旅)

4月27日(Happy Friday..Day 6)~每次去泰國..都會安排做個Spa

今次重遊布吉..都係幫襯"Siladon Spa"

布吉自駕遊。Phuket(iberry Cafe, Hokkien Noodle, Ice Cream Thaivetro Phuket, 榴槤棒)

4月22日 - 4月29日 (布吉自駕遊8天之旅)

除左正餐/晚餐..依篇綜合係"布吉"既輕量飲食

********

4月24日(星期二..Day 3)~依日去Central Festival閒逛

行到咁上下見攰~同老闆去"iberry Cafe"飲杯野hea下

布吉自駕遊。Phuket Shopping(Supercheap,Makro,Index Living Mall,Lemongrass House,Khun Mae Chu[珠媽媽])

4月22日 - 4月29日 (布吉自駕遊8天之旅)

今次去布吉..堅係為左掃貨~依篇整合今次既掃貨點

King Power唔再去lu~一來..國際品牌服飾/手袋唔駛係泰國買

其次..King Power係大陸人天地~好嘈又多人..唔岩我地去呢

而今次主打都係掃用品+手信..順便睇下有無家品岩買咁囉

********
睇開我Blog都知~Super Cheap係必去..今次仲去左3次(哈哈)

不過入去掃貨..好考EQ+能耐~唔係人人頂得住太焗熱感

布吉自駕遊。Phuket(Noodle Soup Best Ever & Wassana BBQ)

4月22日 - 4月29日 (布吉自駕遊8天之旅)

4月23日(星期一..Day 2)~知老闆like食local noodle

游完早水..揸車出去"Noodle Soup Best Ever"食早餐

布吉自駕遊。Phuket(Neko Cat Cafe)

4月22日 - 4月29日 (布吉自駕遊8天之旅)

4月23日(星期一..Day 2)~去完"G Grocery & Expo Phuket"

回程返Condotel之前~同老闆去貓cafe坐下+食個tea

講真..係香港佢肯定唔會同我去~不過係外地..就左佢咁多餐

陪返我去1次/半次..想去既地方~我覺得好應該囉(哈哈)

是日下午茶.."Neko Cat Cafe"

布吉自駕遊。Phuket(G Grocery & Expo Phuket)

4月22日 - 4月29日 (布吉自駕遊8天之旅)

4月23日(星期一..Day 2)~依日瞓到自然醒..攪掂落去泳池操水

游完水+梳洗完~就揸車出去食個"Local Noodle"

今個旅程..有d地方會指定翻炒去~但都會搵d新蒲點去下

是日行程..先去"Phuket G Grocery"

布吉自駕遊。Phuket(The Title KR Beach Condotel)

4月22日 - 4月29日 (布吉自駕遊8天之旅)

4月22日(星期日..Day 1)~因為得一個星期時間就要出發

好多想新住既酒店都已經full晒~有諗過住返"Dream Hotel"

不過同房價錢比之前貴左$700/晚(=+$5600/7晚)..咁唔考慮啦!

我地最主要揀有廚房+唔會住芭東/旺區~有車邊道都唔係問題

最終搵到間好岩心水既"The Title KR Beach Condotel"

位置係Rawai Beach(距離機場約1h15m)

布吉自駕遊。Phuket(Piang Prai Restaurant & Talay-Zeb Seafood)

4月22日 - 4月29日 (布吉自駕遊8天之旅)

4月尾老闆話有一星期假期..原本我無打算去旅行

假期有4日安排做私人野~其餘時間hea+食下tea咁既

可能老闆之前成日聽我講~如果再去布吉..要買乜乜乜+乜乜乜

咁佢話不如去一轉啦! 出發前一星期即上Expedia買Package 

搵埋有咩新點食下+hea下~話咁快! 又促成一次外遊(Let's Go!)

********

4月22日(星期日..Day 1)~今次揀乘坐"港龍航空公司"

去程 : 22/04 HKG > HKT (KA212) 08:40 - 11:10 (機程約3h30m)
回程 : 29/04 HKT > HKG (KA265) 17:30 - 22:10 (機程約3h40m)

去程準時起飛+降落~回程因為香港出發果班delay

攪到要delay 1小時..18:30先起飛~返到香港已經23:10

阿德萊德自駕遊。三人行在途上

3月13日 - 3月26日 (阿德萊德自駕遊14天之旅)

阿德萊德之旅..終於黎到最後一篇~第一次三人行..感覺良好

因為媽咪本身好就得人~好唔好玩..都唔會有任何怨言/要求

反而好多時..會企係人地立場~諗左人地先到自己(絕對唔係自私既人囉)

而今個旅程媽咪真係好幫得手~佢成日話..旅行要互相合作

好似老闆..負責每日揸車接送~我就負責..領隊導遊+導航

所以佢話要負責煮食..洗衫..洗碗依d工作~其實依d先辛苦

如果得我同老闆去..依d都係我做晒(所以今個旅程..我覺得好輕鬆)

********

當然..婚後同媽咪分開住咁耐~依14日真真正正全日相處

我地既旅遊方式+個人習慣都需要磨合~當中我都有愧疚

因為我同老闆旅行已經好夾~好多時..唔駛講野大家都知

例如:去到酒店/Apartment..佢會等我影完相先整野/開喼

有日我影緊Victor Harbor Townhouse~叫媽咪d凍野/食材

唔駛放入雪櫃..等我一次過影晒先(因為我都係快影1,2張)

佢話驚變~其實全程唔駛5分鐘~終於第3次我好悔氣咁話

得啦! 都話影埋先咯! 講完..媽咪唔駛1秒即刻走開左

哎! 我知自己態度好差~所以之後提住自己要留意態度囉

整體旅程好開心..影左好多相~依家抽部份同大家分享下呢

********

(Day 2)..Central Market~媽咪睇緊有咩手信岩送比朋友

阿德萊德自駕遊。用品&手信

3月13日 - 3月26日 (阿德萊德自駕遊14天之旅)

出發前..我已經預留1/2個喼去裝貨~1/4預留比媽咪對UGG

加上有洗衣機~可以帶少d衫..留多d位拎貨~不過每次買野呢

媽咪實講句..唔好買啦! 冇位擺又咁重~我咪同媽咪講囉

放心啦! 我係一級收納員~你要買咩..我一定幫你收納到

加上..其實我用手抽下個喼~就知道仲可以裝幾重貨嘛

不過唔知老闆係咪聽得多~4月去布吉又係成日講媽咪句野(哈哈)

好! 即刻睇下我買左d咩返黎先? 

********

係德國村買左對同我同款..但新色既UGG比媽咪

得一款鞋底用生膠底~所以比一般UGG耐穿+防滑

阿德萊德自駕遊。自煮餐飲篇(2)

3月13日 - 3月26日 (阿德萊德自駕遊14天之旅)

3月20日(星期二..Day 8)~入袋鼠島前..買定少少儲備

因為島內超市..資源始終無出面咁廣~起碼左右配搭下

都可以變出好幾餐出黎既~是日晚餐.."雞肉炒茄子"

我地通常買pack裝醃味雞..包括雞全翼(x5)+雞腿(x5)

原隻雞腿老闆唔食~所以起肉炒餸+煮湯..等佢食左都唔覺眼

阿德萊德自駕遊。自煮餐飲篇(1)

3月13日 - 3月26日 (阿德萊德自駕遊14天之旅)

今次整個"阿德萊德"之旅..大部份時間自己準備餐飲

出去食既餐數..應該5-6餐左右~始終見到外國餐既份量

未食..已經飽左5成~同埋..自己煮可以就份量外

又多d時間係apartment~食完hea陣可以即刻瞓(舒服好多)

自煮餐飲會分兩篇出~好! 睇下我地每餐食d咩先^^

********
3月14日(星期三..Day 2)~下午係Central Market食lunch

因為通宵機太攰~晚餐簡單煮個"番茄什菜湯烏冬"

係Asian Market買既烏冬..有陣怪味(好難食)

阿德萊德自駕遊。Glenelg(Brickworks Marketplace, Glenelg Beach, Harbor Town)

3月13日 - 3月26日 (阿德萊德自駕遊14天之旅)

3月24日(星期六..Day 12)~係Apartment放低行李之後

叫媽咪唔好出去lu~我同老闆出去行下+買飯比佢食

等佢好好瞓陣+休息一晚~聽日先再同佢..正常行程呢

第一站..Brickworks Marketplace(車程約22mins)