2018年10月23日 - 10月29日 (沙巴自駕遊7天之旅)
4月去完布吉..我無打算再出遊~可能媽咪身體問題(無乜mood)
不過老闆想去~泰國今年去左..我又無幹勁花時間做research
所以佢話近近地..再去沙巴~訂機票前..老闆再問媽咪去唔去?
媽咪話..好呀! 做research既心情..即刻唔同晒(哈哈)
訂票前..格晒所有價~都係Expedia最抵~除左積分
我仲有會員訂房優惠~而分開訂機票+酒店..仲化算
依家得亞航係直航~另揀..連寄倉行李機票(20kg/pp..不包餐飲)
今次無帶大機~因為有2日行程..拎唔到+要hand carry急凍海鮮
費事好似去澳洲咁~hand carry要複磅..過磅又麻煩
好! 講完! 闊別3年..重遊沙巴! 準備出發!
******
10月23日(星期二..Day 1)~我地乘坐亞航..直航來回 (HKG < > BKI)
去程航班(AK236) 起飛時間 09:55-12:55(航程3hrs)
14日前..online check in(來回程)~須print out boarding pass
經航空公司櫃檯print~有機會收費喎~去程轉3張boarding pass
回程就用返我之前print out既~寄完行李..我地去飲茶
所以冇另點飛機餐~機艙坐位為左(3)右(3)~去程可以3個一齊坐
準時09:55起飛..12:40 Landing
3年前係KKIA(T2)..依家轉去(T1)
同日既遊客唔多..行李又好快送抵~過埋檢..走得!
(L1)..Arrival Hall (L3)..Departure Hall
場內有便利店/租車公司/Exchange/電訊公司等
上次外遊都介紹過CSL既Clubsim(用戶可以用月費積分..換漫遊數據)
之前係免費派發..不過依家無lu~同埋..3月去南澳($28/日)
依家只係$15/日(超抵用)~今次都係用積分..免費換6日數據
始終外遊..有一個用"漫遊數據"比較穩陣+避免部份盲點收唔到
老闆就出張Local Sim~之前都係用Hotlink..唔錯
今次都用返佢~但上山有d位會收唔到呢(消費 : Rm20/7days..約$38)
出完Simcard..再去取租車~今次經Rentalcars.com預訂
因為預計有長車程+國產車既鋼水太弱雞..所以揀架好d既
Hertz - Honda City($2186/7days)
攪掂文件..取車前check車~取車/還車同一地點(L1 outside)
一切準備妥當..正式出發! 先去Wisma Merdeka換錢
上次都係依個商場換錢..匯率比較高~有幾間可以先格價
最終我地揀依間(HKD $100 : RM $52.6) (HK$1.9 : Rm1)
整個行程入左約40L油 (Rm86..約$163.4)
取消左部份行程..所以整個行車里數都少過預期
今次架租車..陪跑左487.6km
******
10月29日(星期一..Day 7)~沙巴之旅..7日行程完畢
下午返香港~準時13:45還車..(L1)取車點交還Hertz
之後上L3(Departure)~去D zone亞航(國際線)
去counter前..同樣先print行李barcode
之後排隊過磅+寄倉行李~回程hand carry職員無要求複磅
攪掂就係機場四圍行下..再過關出境
出境唔駛咁快去登機閘口過安檢~因為等上機果層無水飲+焗熱
同埋..出入要show boarding pass~所以留係過完關依層好d
無野岩行..有starbucks & Jesselton Cafe可以食野+飲野
另外..依層係有"(冷/熱)飲用水機"供應
回程乘坐亞航(AK239)~起飛時間 16:20-19:15(機程3hrs)
準時起飛+landing~回程編排分開坐~好在只係隔條走廊
同埋感恩..坐好前(咁岩後排就係Exit位..2行都唔比人坐~所以視覺較為鬆動)
不過機上好多大陸人..個個身上都有陣臭味
好似幾日無沖涼果隻呢~有d望個樣..真係未瞓醒咁
仲衰呢! 準備起飛..前面個大陸女人仲放屁(x2)(頂! 超臭到爆)
回程打算即點飛機餐(可以pre-book)~因為聽大馬好友講過
亞航既餐好味..所以要試下~有套餐/散點
我地散點要"椰漿飯"(x2),"咖哩角(+3in1咖啡)",橙汁&水
媽咪要"蘑菇雞湯","印度咖哩飯"(等20mins),水(Rm75..約$142.5)
"椰漿飯"好好味~"咖啡角"都唔錯..雖然唔係即炸咁鬆脆
但起碼超熱+鬆鬆帶微脆感~媽咪話佢個印度飯都好味
話咁快就過左3hrs~19:15 Landing..平安抵達香港!
(待續)
參考資料 :
1. KKIA - https://www.kotakinabaluairport.com/
2. Wisma Merdeka - http://wismamerdeka.com/home.php
3. Rentalcar.com - https://www.rentalcars.com/
沒有留言:
張貼留言