沙巴自駕遊。Sabah(Fish Head Noodle甜甜魚頭米粉 & Lido Square麗都廣場)

2018年10月23日 - 10月29日 (沙巴自駕遊7天之旅)

10月23日(星期二..Day 1)~今次沙巴之旅

除左超like食店會翻兜外~其他會安排..試未食過既食店

落機後..揸車去Wisma Merdeka換錢~順便泊係商場停車場

食埋lunch..就直接返Apartment~等大家可以快d休息下

Lunch近近地係(6/F)Food Court~3年前望過下都幾熱鬧

今年再去感覺好冷清~Lunch@Fish Head Noodles(甜甜魚頭米粉)

老闆慣手勢~去邊樹食野都倒定"醬料"

3個都感冒+喉嚨太乾..少少野刺激就會咳

所以依碟辣醬汁~我同媽咪都無食到

點左"七星斑苦瓜湯(跟撈麵) & 魚滑魚腐生奶湯(跟米粉)"

老闆娘教路~先試苦瓜湯..後試生奶湯~因為生奶湯比較濃

"生奶湯"入口creamy..奶味唔會over~配米粉好好味

影完依張相..費事阻佢地開餐~叫佢地食先..我自娛邊影邊食

估唔到佢地快速食晒d魚腐..我無得食(哈哈)~湯米粉整體好味

不過當地魚滑做法..唔同香港咁軟彈~每間都係實實口感

"七星斑"香港未食過..所以試下~老闆食第一舊話有d腥

可能部位問題~我同媽咪食到某一舊..又食到有腥味

肉質無預期既嫩滑~新鮮度都比預期遜

苦瓜湯底帶酸+無苦味..好開胃~湯底好飲..唔口渴

撈麵QQ又彈牙..有嚼勁好味

另叫飲品.."檸檬桔仔酸梅冰, 蜂蜜檸檬金桔茶(熱 x2)"

整體食物..魚質+新鮮度比預期遜~2款湯底+撈麵好味
(總消費:Rm48.5 : 約$92)

(Day 1 & Day 5)..晚餐@Lido Square(麗都廣場)

今次翻兜Lido..因為地道食物多選擇+氣氛好平民化

最念念不忘既"燒魚檔"~(Day 1)海鮮最齊最多

但頭幾日要食清淡~諗住(Day 5)好返再去食..點知無螄蚶(飲恨=.=)

依檔燉湯..值得推介~足料夠火喉..燉到出晒味

場內仲有好多..唔同款式既食物選擇

老闆點個"四大天王飯"

炒得幾惹味..唔會太濃鹹感~蔬菜保持嫩身爽脆

媽咪諗住清清地..揀左個"薑蔥魚片飯"

老老實實..我話睇見都唔想食~賣相真係唔吸引

同埋..d魚睇上去唔新鮮~果然..媽咪話個飯好難食

食完依個魚~媽咪除左未清既感冒..仲腸胃炎

而當地米飯都比較粗鞋+乾~無泰國米飯咁軟滑有飯香

我要"檳城炒粿條"

鑊氣欠少少..但炒得夠乾身+唔會太鹹感~辣醬完全無食到

"燒魔鬼魚"

叫檔主用醬油整..如果馬來醬會仲正(所以Day 5再食過)

水準無變..依舊燒得香脆肉嫩

但醬油始終無"馬來醬"咁惹味(Day 1晚餐總消費:Rm64..約$121.6)

(Day 5)..晚餐@Lido Square(麗都廣場)

老闆想媽咪試下"地道碌碌車"~加上灼食唔熱氣..好岩佢食

有專人代炸代灼~(Day 5)個個精精神神~終於咩都食得(哈哈)

碌碌真係賺錢無人知..點左11串咋(Rm25..約$47.5)

媽咪+老闆要"燉西洋菜排骨湯(x2)"..另配飯(+Rm1)

燉湯味好出..西洋菜比香港幼嫩+菜味濃

老闆話燉湯既排骨好好味

一心諗住去燒魚檔食螄蚶~點知無來貨

所以食燒魚囉.."燒泥鯭"~另點"沙梨汁& 柑桔汁"

今次用"馬來醬"..惹味好多~配辣醬其實仲正

不過喉嚨仲係好敏感..少少都即咳~如果唔係仲滋味
(Day 5總晚餐消費:Rm81..約$153.9)

(待續)