2018年10月23日 - 10月29日 (沙巴自駕遊7天之旅)
終於黎到遊記..最後一篇~又係我地出場既時候(哈哈)
今次旅程~最不幸係出發前..3個都感冒~媽咪仲月中開始病
佢次次感冒..手尾都好長~我就起左幾日..但都睇定醫生先
費事坐完飛機太乾..觸發嚴重左仲弊! 講真..我極少病架
除非唔小心保養..2-3年先會睇1次醫生(少少唔舒服實有..通常用瞓覺補充元氣囉)
所以今次過去~仲諗住瘋狂食辣野/濃味野/炸野..都唔得lu
今個旅程無咩景點..影好少相~加上媽咪唔舒服(我無曬mood)
好! 依家一齊睇下..我地在途上既點滴先呢
******
(Day 1)..老闆同媽咪睇咖啡@Sunny Supermarket
一去到超市~老闆就四圍8..睇定有咩手信買
最怕佢買手信..唔計總數~之前試過我買左獨享既
返到香港..先話唔夠叫我比佢~今次叫佢計清楚
總數要買幾多包~我獨享既唔會比佢架(哈哈)
(Day 2)視察船期+船票@Jesselton Point
天氣超曬..媽咪唔舒服又唔講~由碼頭回程返Suria Mall
媽咪返入商場果下..一冷一熱冷親~見佢面色唔好
問佢係咪唔舒服又話無~上到City Grocer行..見佢扶住個櫃
我再問佢..先真係講唔舒服~老闆即刻同佢搵地方坐
見佢行出去都ok..諗住坐下無事~無耐老闆whatsapp叫我快d
出到去嚇死! 媽咪個面青黑色+出晒冷汗又無晒氣力咁
即刻同佢返Apartment休息先囉
咁放定個電話係媽咪床邊..叫佢有咩事即刻打比我地
之後陪老闆去泳池游水~大家商量好..決定(Day 3)唔出島
驚媽咪舟車勞動~仲夾定話..泳池太正! 唔駛出島玩啦!
因為之前見媽咪唔舒服時個表情~好似覺得負累我地
我唔想佢知..為左佢唔出島~好在媽咪真係信咋(哈哈)
******
玩完返去見媽咪又好返d~跟住同佢出去食飯啦
唔知係咪飲左個酒蜆湯~夜晚幫佢吹完頭+食藥準備瞓
佢突然話發冷..全身熱到火燒~講野軟弱無力..又骨痛
我成晚無瞓..間唔使去睇下佢~諗定隨時送佢去對面私院
如果情況再嚴重..我會取消行程~即買機票同佢返香港
(Day 2)晚好難捱! 不停向宇宙發願..保守媽咪加快康復
朝早6點..再去摸下佢~感恩! 退晒燒! 一摸佢都醒左
問佢有無唔舒服? 佢話好左好多~問返我..係咪成晚無瞓?
之後聽到佢講..半夜心口痛~起身食左粒"脷底丸"
我話..依家無事! 再灘陣休息下先~跟住我急步返房(爆喊)
個心好酸..好唔開心聽到媽咪食脷底丸~樽丸未開封過架
今個旅行..竟然要食~之後li埋喊左好耐~又唔想比媽咪知
但一見到媽咪+諗起佢好唔舒服個樣~我又走返入房喊
咁都唔係辦法! 因為對眼腫晒~所以直接喊住同媽咪講
我無野! 昨晚太緊張~見佢依家無事..放鬆左成個人先識驚
阿媽又一貫作風話~阿媽無事..撐得住(攪到我全日諗起..就眼濕濕)
所以應承佢..下次搵其他靚島嶼~陪佢住返幾日呢
天台泳池對面見到Imago
雖然我同小奧+笠既信仰唔同~佢地信教..我信宇宙吸引力法則
但我覺得只要導人向善..就ok囉! 依幾日媽咪唔舒服
我無時無刻向宇宙發願~保守媽咪身體壯健..福壽安康
係媽咪最唔舒服果日~以我個人既能量..真係唔足夠
所以不分宗教..我叫小奧+笠幫手~為媽咪祈禱..幫手集能量!
超級多謝小奧+Baby笠~好感動+感激你地幫手呢 33
媽咪無買海產返香港..話唔岩買喎
經過/問過好多店舖都話..靜英英! 生意差左好多
同埋..d魚類無之前咁新鮮(老老實實..楊屋道真係最好的 :p)
有2日買外賣返Apt翻熱~反正叫外賣"例菜"
我話..不如買新鮮菜返去灼食~仲好啦!
我話..媽! 你真係嚴厲過揀老公! 佢跟住係咁笑
今次快手好多啦! 可能包包都靚..好易揀上手
但媽咪唔得..職員要佢再去見過關人員~自此之後
我同老闆既策略~無論去邊..媽咪一定要夾中間
一個做先行步隊..一個守尾門~唔會再有閃失
整整下..去任何地方都係咁既陣法(哈哈)
環境夠清雅+靜~服務+食物都好好!
老闆入油果陣話..咦? 睇唔到入左幾多油既?
我話..大佬呀! 除左副太陽眼鏡..先講啦!(佢係咁笑)
本來諗住自己上既..叫老闆陪媽咪(老闆又話唔放心)
其實我驚佢發癲! 又熱又斜又比蚊咬~最易發脾氣(哈哈)
到底我係佢心目中..係咪實在太強? 咩都一定得?
係! 我認..我係強! 但都要係咁易..問下我架(哈哈)
感恩! 媽咪古靈精怪=精神爽利
老闆話太子囡..幾靚女~叫我幫佢影相
我特登等佢咁岩企埋一齊~即幫佢快影幾張
(如果有個..會令我尖叫既"爆肌型oppa"係我面前~唔知老闆幫唔幫我影呢? 好期待..)(奸笑)
不過都叫佢試下碌碌(總之依幾日佢食唔晒既~我都會幫佢包底)
都好多泰國褲~見到又好想去泰國啦!
老闆都話未見過佢狀態咁差~果晚勁擔心(touch wood)
所以想像到情況幾咁差~好d之後..又無啦啦腸胃炎
好在我帶定好多藥過去~佢地仲成日話..幾日! 唔駛啦!
就係我試過..去土耳其食晒所有藥都未得~之後一定要帶多
我依家都由佢做~証明佢好精神有氣有力
有日準備出街..佢無啦啦瞓係床上~嚇到我呢
佢話無事! 見我仲搵緊料未出得去..所以灘陣
我話..依家見佢瞓係床~真係有恐懼症架(勁驚又唔舒服)
唔係跟團~行程隨時變動..無所謂架! 最緊要大家夠精神
先玩得開心+安心~仲有哦佢..有損傷/腫痛要即時處理
可大可少架! 唔好成日話等下先~等下分分鐘嚴重左ma
唔知佢覺得我好緊張/好煩~所以咩都好聽話(哈哈)
出年上半年..有機會去旅行的話~佢要罰停賽
等佢身體超級壯健~再一齊同行吧
你已經好叻、處理得好好啦~~帶住老人家出門唔容易呢！
回覆刪除一家人平安歸來就好^^
早晨呀! 今次真係好大壓力
刪除真係囉..同老人家去旅行唔易
最怕佢地有咩唔C服，自己唔C服都頂到ma
係好驚佢地死頂又唔講，有咩事仲衰
多謝你呀