2018年10月23日 - 10月29日 (沙巴自駕遊7天之旅)
10月28日(星期日..Day 6)~是日行程..Gaya Sunday Market
上次都有行..但其實無乜野岩睇~諗住同媽咪去感受下
除左澳洲..又遊覽下唔同國家既Sunday Market咁呢
加上要去手信店衝刺~依日一次性..順route攪掂埋佢
******
去沙巴..難免諗起"生肉麵"~上次我地去"家香生肉麵"
老闆一試難忘..話好好味! 早幾日仲問我..邊日去食生肉麵?
反正去Gaya Sunday Market~去開town..可以試下另一間
泊好架車係Suria Mall~行去食早餐@金沙園生肉麵
唔識中文就一定..英文都一般~唯有指圖片點食物
點左"釀豆腐 & 雞腳"~豆腐清淡帶滑..味道唔錯
雞腳煮到好似湯渣咁腍爛..味道亦普通
我要"咖啡仙草"..2款味道好夾好好飲
老闆既"檸檬綠茶"..唔係飲開既綠茶味~味道好怪
媽咪要"豬肉片肉丸湯河粉" & 老闆要"豬什湯米粉"
但黎晒3個都係干撈~問返馬來服務員生(當然雞同鴨講)
隨即有個識講中文既女人~急急腳走過黎..問我點左咩?
我話..係1個干撈, 2個係湯~佢問幾次! 我答幾次..干撈係岩
但另外2個..唔岩~佢不停focus係岩果個干撈..錯既就唔想提
我同佢拗到開始有火~佢一句車埋黎話..依道寫晒有中文架嘛!
即係話我唔睇中文..指圖就指錯晒~我正想駁佢..係有中文!
但你個服務員唔識中文/英文~我唔指圖..點落order呀?
老闆好唔耐煩即開口話..算啦! 我即刻問佢..咁有無淨河粉呀?
佢話..有! 我話..你依家同我落一個淨河粉
同埋..認定係個客點錯食物~唔好諗住會換過碗比你
同佢嘈完..我d火真係上到頭頂! 3碗干撈..我食"干撈麵"
老闆焗住食"干撈米粉"~仲有碗"干撈河粉"..老闆問我點?
我慶到..拎起碗干撈河~大力掟去檯邊..話依碗唔會食
講真..我平時唔會浪費食物~今次啖氣..真係吞唔落
話雖如此..我都會講公道話~食物方面..豬肉無"家香"整得咁嫩
豬肉片/肉丸/豬潤過熟帶鞋(最公道! 睇返"家香"就知..唔係心情影響而偏袒)
干撈色濃味平凡~整體食物失望..服務差
早知揸車去"家香生肉麵"食好過(早餐總消費:Rm46.7..約$88.7)
難得黎到大馬..又買返幾樽呢
會定個地標~如果失散左..就係依道等啦!
上次都係依間買手信~比其他既貨源多+平d
咖啡&拉茶..City Grocer有上架但貴d
行完..滿載而歸~12點幾可以早d返Apartment游水
依日大家好返晒! 夜晚滿足老闆去食"肉骨茶@亞庇市肉骨茶"
WHY? 無留意星期二休息? 原本去"阿發檳城粿條湯"食早餐
行程未食過"叻沙"~同埋..佢地既叻沙~整得好靚好想試
無奈! 要再諗下食咩? Day 1-Day 6安排食左好多餐粉麵
老老實實..我真係開始頂唔順~堅想食西式/馬來餐/印度餐
問老闆食唔食?(佢即刻好似妹妹咁屎面..哈)~不過馬來餐媽咪又唔岩食
咁算囉! 我話咁食粥好唔好? 佢地話..好! 早餐@黃(粥)記
粥品有(大/細)..開頭我地點3碗細粥
09:30去到話賣剩2碗~咁點"豬肉粥(x2)"
一上檯嚇一跳..2細碗好巨~足夠3個人食
豬肉嫩滑..粥底好杰身~要問佢拎杯熱水溝稀
粥底綿綿足料+夠味..但食完好快口渴
可能用油有分別..無香港炸得咁香~但脆身不油膩
所以老闆點個"豬什米粉"
服務好ok(早餐總消費:Rm23..約$43.7)~食完返Apartment收拾行李
11:30am出發~最後衝刺..食埋個"燒蜆+椰子布丁@Gerai Sri Cahaya"
再去"豐成"取急凍海鮮~就直接揸車去機場..13:45準時還車
感恩! 有驚無險..一切順利，平安回港
(待續)
佢個細碗真係一D都唔細！
回覆刪除最尾個幾張相好靚呀~~
份量真係好多
刪除感恩! 晏機可以睇到日落