阿德萊德自駕遊。自煮餐飲篇(2)

3月13日 - 3月26日 (阿德萊德自駕遊14天之旅)

3月20日(星期二..Day 8)~入袋鼠島前..買定少少儲備

因為島內超市..資源始終無出面咁廣~起碼左右配搭下

都可以變出好幾餐出黎既~是日晚餐.."雞肉炒茄子"

我地通常買pack裝醃味雞..包括雞全翼(x5)+雞腿(x5)

原隻雞腿老闆唔食~所以起肉炒餸+煮湯..等佢食左都唔覺眼

"雞肉紅菜頭什菜湯"~又係用雞腿起肉煮湯..超濃郁

老實講..係老闆like飲湯媽咪先日日煲

去旅行煮野食..我主張整快+慳時間果d囉

依晚我都食少少飯..因為個茄子好惹味

3月21日(星期三..Day 9)~依日去"Flinders Chase"(一日遊)

交通來回都3個幾鐘~無lunch..但會帶定d食物中途充飢

所以早餐叫媽咪同老闆食飽d~早餐.."三文魚番茄炒飯"

早餐我食"麵包+牛油果"~我唔鐘意食牛油果

不過媽咪鐘意食..買左3個(食唔切開始爛啦)~老闆一定唔食

唯有捱義氣..每日幫佢食半個囉

之前係Local Market買左蜂巢~每日同媽咪食一少塊當潤喉

老闆又係唔食既~咁買定d青檸..間中沖青檸水飲囉

第一日懶..淨食牛油果肉(>_<)~後尾將佢整蓉+青檸+蜜糖(好d囉)

老闆最like食既"焗豬扒(伴沙律菜)"

仲有半件煙三文魚..焗埋比媽咪做晚餐

Pizza唔駛講啦! 係我鐘意食既(哈哈)

每日煲既"什菜湯"~通常都係咁既份量

"紫茄子雞腿肉什菜湯"

有媽咪幫手..我多好多時間食零食+飲下酒^^

3月22日(星期四..Day 10)~依早媽咪為我地準備

早餐"煎腸仔(伴芝麻包)"~見咁大個包..我知老闆一定唔食

佢要切到細細件先食架~果然..佢無食又借口話

拎出去中途充飢~最終當然拎返Holiday House囉

我話明唔會理佢點處置~要掉就自己掉(因為我成日話..掉食物會拆墮)

最終佢鞋口鞋面..食晒~我同媽咪講佢既飲食習慣

太大件既佢唔食架~你見我咩都切細細粒就知囉(哈哈)

回程去"Ferguson Australia"..買隻"(當季)熟龍蝦"

先起肉起膏..龍蝦殼就焗香用黎先餚湯

再係"Kangaroo Island Fresh Seafood"(=Kingscote油站果間食店)~買熟蝦

晚餐..仲有1個意大利包~所以切半個+"醋油"做小吃

冷盤.."龍蝦肉 & 蝦肉"

龍蝦肉好新鮮+鮮甜~肉質有彈性結實

"龍蝦紫椰菜什菜湯"

之前起左d膏..後下略煮~個湯好有龍蝦鮮味

3月23日(Happy Friday..Day 11)~我份早餐.."煎腸仔(伴意大利包)"

老闆同媽咪既早餐.."三文魚腸仔蛋炒飯"

最尾一日係"袋鼠島"..行程下午就完晒

早d返Holiday House露台嘆啤酒

下午茶時間.."焗雞全翼"比老闆送酒

晚餐..前一日係Fresh Seafood買定包"青口"

反正下午食左雞全翼~晚餐可以輕食青口+沙律菜

媽咪就食朝早預留既一個炒飯做晚餐

3月24日(星期六..Day 12)~依日離開"袋鼠島"去Glenelg

下午去到Apartment~見媽咪唔舒服叫佢瞓下+休息

我同老闆係Brickwork Marketplace行完+食埋壽司

回程順便係一間印尼食店~買個飯比媽咪食

見d春卷好正..又買少少一齊食呢

"印尼豬肉炒飯"

3月25日(星期日..Day 13)~聽日早機回港..最尾一餐

原本諗住是但買外賣食算既~老闆又話想食海鮮

我話要煎要炒..我唔整架! 佢話..咁簡單灼食囉

晚餐.."灼海蝦 & 灼扇貝"..簡單點日本芥末醬油

每餐都要多菜.."灼西生菜(x2)"

老闆話要食菇.."灼蘑菇"~12日自煮餐飲~功德完滿!

(待續)