3月13日 - 3月26日 (阿德萊德自駕遊14天之旅)
3月24日 (星期六..Day 12)~7:00am要起身啦!
食埋早餐+pack好行李~離開Holiday House..出去入埋油
再去Penneshaw碼頭~經"Sealink Ferry"坐船返Cape Jervis
坐10:30am船..去到Cape Jervis(11:15am)~再揸車返Adelaide
尾站係Glenelg留3日2夜(車程約1h40m)~沿途停過幾個小鎮行下
之後直接去Glenelg~尾站揀住Glenelg..主要係行程範圍內
其二..位置又好近機場~最尾一日..可以唔駛咁急趕呢
13:30去到預訂既"Salt Send & Pepper Apartment"
揸車去屋既正門~架車泊係門口就可以了
同樣..自助check in~大門旁有個盒仔
依日上船..已經覺得媽咪怪怪地~係船話要瞓..上車又瞓
後尾問佢先知~話唔舒服..個人無晒力+隻手痛左好多日
媽咪忍痛能力太勁~我一直無發覺佢隻手由Day 1就開始痛
返到Apartment叫佢休息~下午我同老闆出去買野返黎食算呢
連續2日都不停幫媽咪搽heat gel+貼藥貼~媽咪手術後7年啦
第一次睇到佢身上幾個又深又長既傷口~個心即刻痛+酸到呢 :(
由客廳回望廚房..左邊係睡房及洗手間
媽咪揀住細房..無衣櫃
媽咪間房..隔離係洗手間
(待續)
老鼠笠早呀 哈哈哈哈 唔好鬧我呀下 唔係我走架~~~~
回覆刪除嘩..開頭果段 睇到我眼花花 又坐船又坐車又行下 哈~
我鍾意個飯廳呀 屋主應該係基督徒~~
間屋好乾淨喎 相對妳之前住果d apt 妳覺唔覺呀?!
洗手間好大呀 可能無咩柜 哈哈~
mi媽一定比妳地揀先啦 就算想住都唔會出聲話要囉~
妳性格似哂媽咪啦 係要好唔舒服先講出來 在此再祝mi媽身體健康~~~~
(同埋阿喂又唔細心 應該唔會發覺妳唔舒服 <--比佢知道實鬧死我)
mi媽唔想掃慶 但無諗過佢忍痛12日囉 之前仲煮粥比妳地食添~
好在妳幫佢搽heat gel咋 咁該舒緩好多呢~~~~
係咁..拜拜妳條老鼠尾 吱吱吱吱吱吱吱吱 哈哈哈哈~
老豬笠..哈哈哈哈! 唔好鬧我呀吓
刪除你呀你呀! 成日睇野呢..就眼花花~唔得咁架
哦~! 咁我又唔知佢地係咪教徒..但都真係幾多十字架囉
依間應該係最乾淨啦! D用品真係好新..好似完全未用過咁
可能行出去食野又方便ma..好多人都唔會煮囉
多謝你呀笠..近排同媽咪傾計~聽到佢好多地方唔舒服
唉..個心好酸+眼濕濕呀~我寧願過晒比我..都唔想媽咪受苦囉
所以我每晚都要為我身邊所愛既人發願~希望大家都身體健康
你都有份架..我最愛老豬笠架ma..哈哈! 所以你都要爭氣
好好照顧自己身體呀!
係啦..下星期媽咪又話去加拿大~聽到佢身體咁..好擔心呀我
喂喂喂~! 咁快又走..咪走住啦