6月9日(星期六..Day 5)~前一晚同阿喂講定
叫佢唔好再嘈醒我~依朝雖然佢又係6點幾起左身
但自己靜靜地坐係偏廳sofa睇韓劇(哈)~我瞓到8點先醒呢
食完早餐..又出發環島遊~依日去既地方好多泥路
中途我都落車叫阿喂慢慢揸(斜坡d泥又乾~我都跣左幾次腳)
後尾有d路段~多碎石+太崎嶇~為免有意外發生
寧願叫阿喂搵個地方泊低架車~大家徙步去沙灘區
部份外國人會租坐依類車行泥路~亦係最安全之一
view point
用左唔少時間..徒步去到Tanote Bay依間resort
地段雖然好偏僻~但環境好好
如果喜歡純粹留係resort hea幾日~依d會係最佳選擇
=之前最想住果間Jamahkiri一樣~享受環境..與世隔絕
真係好有緣..Day 3我地去Nangyuan Island玩ma
有個導遊帶個外國女人~同我地前後腳去view point
竟然係道撞返個泰國導遊~原來佢係依間resort既職員
佢見到我地好興奮~仲叫我地係道玩浮潛..游出去睇鯊魚
我聽到睇鯊魚..面都青埋(哈)~佢話唔驚架..好細條bb果d喎
傾左陣..我地話返resort換泳衣再黎啦(不過最終去左另一個近d既沙灘)
徒步行返出去攞車~之後揸車出去準備食lunch
去程時見到依架電單車爆左軚~回程終於有車接佢出town
Lunch.."Yang Restaurant"
超爆熱..我要飲冰凍椰青(x2)
阿喂要"coconut shake"..超正(飲完shake..再飲左個椰青添)
阿喂既"海鮮湯麵"
依間既湯麵都整得好好食~材料清淡..湯底夠味唔濃濁
我又係食炒飯.."海鮮炒飯"
炒飯好香帶半乾身~味道唔會好鹹..好味(總消費:280B)
整體食物好食~但超勁多烏蠅..一個lunch起碼有30隻
不停嬲住我地d食物~張開口既時候..其實都驚會飛埋入口囉o_O
(待續)
沒有留言:
張貼留言