6月12日(星期二..Day 8)~下午去超市shopping完
沿途經過view point~食埋杯"鮮椰子雪糕"..我地就回程lu
返酒店放底d野~順便hea到黃昏時段..無咁熱先再出發
旁晚活動範圍會係Lamai區..我地先去"Lamai Market"
之前每次經過都見好熱鬧~所以叫阿喂入去貢下
依個market同Bophut Market大同小異(都係街市+熟食檔)
街市既魚臭味同樣濃烈~熟食檔中..仲有特色炸昆蟲(好恐怖)
熟食食物一早整定晒~在於阿喂出發前..連off左5日病假
加上外遊..飲食衛生更加要特別注重~所以唔打算買黎食呢
粗略行完熟食檔就走lu
我地再去Lamai Town行街+食晚飯~Lamai比Chaweng無咁旺
但人都唔少..商舖+食店都多~行到中段..有個露天熟食區
見好似幾有風味喎~所以決定係道食晚餐
食物種類有..炒粉麵,小炒,串燒,炸物,pizza,飲品等等
點好食物之後~尾段有個堂食區
搵好位..等陣食物會送上~再比錢就可以了
依晚識左個德國老伯~同佢傾計d話題都係圍繞德國
可能佢一個人去旅行長住~好少有人同佢傾計卦
傾到佢飲完支啤酒就走先lu~我地食完先走呢
依道d食物..只可以話"好睇唔好食"
d蝦霉的~魷魚唔夠熟有潺
個骨既味道算好少少
"海鮮炒粉"色靚但無味~炒菜都普通(總消費:360B)
食完起身走果陣~行左幾步..感覺左右腳同時踩到d野喎
同一秒..就聽到慘叫聲+見到隻黑色大唐狗企起身(嚇到我即刻尖叫)
我唔驚狗..但從未試過踩到狗架ma~佢一起身就行去我道
不過爸爸教落要鎮定唔好郁~比佢索左幾下味..就走開左啦(呼~!)
真係腳軟架~阿喂仲笑話"泰國d傻狗唔識咬人"(似乎佢想我比狗咬囉=.=")
露天酒吧街..部份bar有鋼管舞表演
之後四圍再閒逛一陣~就揸車返酒店lu
(待續)
沒有留言:
張貼留言