6月13日(星期三..Day 9)~係Nathon影完日落
就揸車返Lamai Beach還車先~還完再去食晚餐
最後一晚係蘇梅~老闆話要食好d喎(係呀..十年都唔會再去架啦! 哈)
加上無車呢..我話近近地去返"Sabeinglae Restaurant"
反正坐得又舒服~食物又好味~同埋最緊要有海鮮食ma
所以還完車..walk返20mins去餐廳~依晚終於可以暢飲啤酒lu^^
"生蠔(x2)"
依款生蠔..比3年前係Chaweng大排檔既好味好多
雖然細隻~但起碼食到有蠔鮮味
泰式食法..又別有一番味道
老闆至愛..encore要食"烚獅蛤"
超誇張..影完相~碟獅蛤得返幾粒(因為d餸接住上檯~我要影左先)
所以叫多碟"BBQ獅蛤"..再食過囉
2款都好味~有鮮味而且配泰汁好醒胃
"蒜茸胡椒大蝦(x2)"
蝦好巨..肉質新鮮爽彈~走油夠脆身+蒜料入味又香口..正
"咖喱炒蟹"
活蟹肉質好鮮嫩~點一隻既份量都好巨
醬汁味道唔會好重~但有充足咖喱香(蟹鉗超巨)
"蒜茸包"..食過Koh Tao果款蒜茸包之後
依款明顯失色~加上本身都唔夠蒜香
整體食物滿意~味道+服務同樣好好(總消費:1780B)
食完飯就行返酒店~梳洗+hea住收拾一部份行李
之後睇埋National Geographic教狗節目..就瞓lu^^
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
6月14日(星期四..Day 10)~依日要離開蘇梅lu
7點幾起身..梳洗完~收拾好行李..再出去食早餐
hea到8:45am就check out~9點有專車送我地去機場
阿喂頂帽..就係漏左係依架專車入面囉
星期四回程得一班早機~我地由蘇梅 > 香港(PG805..11:30am)
今次係旅行第一次件行李過磅(過左5KG..不過無理喎)~攪掂過埋關就等上機
仲有好多時間可以係機場hea~依班機回程都full晒
3個鐘多少少..15:45我地就返到香港lu
"泰南十天(三島遊)之旅"..亦正式完滿結束
(完)
沒有留言:
張貼留言