6月13日(星期三..Day 9)~依早7點半起身^^
出去食完早餐..hea到差不多9點幾先出去walk下
聽日準備走啦~所以依日要再去買手信+用品返香港
上次去"阿公阿婆石"(<~click)~見店舖好多椰子用品+手信賣
上次因為時間關係~最尾一日無買到~所以今次舊地重遊
我講左一定要去買呢^^(係房hea緊~望出露台見有工人徒手爬上椰樹修剪..勁!)
酒店同"阿公阿婆石"好近~所以唔揸車過去
去到順便2口子玩下影相~影完先再買手信^^
d水超清..正
朝早已經好多遊客跟tour黎睇石
睇完石又買晒手信+用品~walk返酒店放底d野
hea到11點幾先出去Fisherman's Village食lunch
Fisherman's Village既牌坊靚左好多~不過無左舊有風味
泊好架車..我地順住行左一轉~先再去食飯
午餐揀去"Starfish And Coffee"
今個旅程..出奇地食左好多飯~我要"黃咖喱雞飯"
淡淡咖喱香~雞肉片不過不失
阿喂既"海鮮炒麵"
阿喂話一分錢一分貨..好食過掃街果次好多喎
整體食店環境唔錯~服務就一般..食物都ok(總消費:510B)
食完lunch順路回程四圍貢下~依間酒店上次都黎過
今次入去睇下CoCo Supermarket有無野賣(係無+貴既)
下午超爆曬~我話真係頂唔順..唔想再曬啦(再曬我會燥爆..哈)
所以即刻揸車返酒店~中途好攪笑..阿喂吹甩左頂帽喎
好在發現得早..要跑返轉頭係路中心執返~不過可惜呢..
最終頂帽都帶唔走~因為去機場果日..漏左係酒店車囉
阿喂好唏噓咁話.."唉~執得返都係寶唔住~要失去始終都要失去..真係整定"
我話囉.."唔好好睇住自己d野~下次唔見左個老婆點算?" (阿喂竟然用眼尾望下我..奸笑)
wow..返到酒店即刻要梳洗(超舒服)~hea住各有各自由活動
睇下電影..睇完我仲有時間瞓返陣添~係房避暑4個幾鐘(爽)
見差不多準備日落黃昏~叫阿喂出車去Nathon陪我影日落(GO!!)
都有好多local黎影日落呢
影完返Lamai Beach還車~之後就準備去食晚餐lu^^
(待續)
沒有留言:
張貼留言