6月11日(星期一..Day 7)~依朝8點幾起身lu
連續咁多日既旅程都瞓得超好~食完早餐..準備出發是日行程
依日會出車同阿喂去搵Spa house~出發前其實已經鎖定左幾間
所以依早會先去睇下環境+價錢先(依張係酒店房間既露台景觀)
通常下午我地會返酒店泳池~游返個幾鐘消暑
我地間房..係最右邊1樓位置(全棟共4層)
泳池直出沙灘位置
前一日租既電單車(連續租3日共1000B~唔留passport..另比deposit 5000B)
係泰國好多租電單車舖都唔駛國際牌~之前一直強調無牌駕駛
係因為我地有日遇到2個外國人~各自係同一個point影完相
同步準備揸車離開~點知見佢地攪左好耐都開唔到車
阿喂同佢地講..要take起個腳架先開到車(依個係基本開車動作囉)
加上連日實在見得太多太多..佢地d傷痕~唔到你唔心寒
(事實上部份官網亦有指出當地無牌+醉駕意外率好高~其實今次亦比3年前去蘇梅見既多
所以一再強調..所見既事實真相~主要好希望讓準備去蘇梅既朋友們~加緊提高警覺)
出發搵完spa house~另一行程係去超市shopping
見岩就會買定d先~費事等最後一日先趕住買
中午經過view point~見有雪糕食..就停低休息一下
今次係蘇梅..阿喂話我中晒椰子毒
本身我就超like椰子~嚴格黎講..比榴槤更愛
我地買左個鮮椰子雪糕杯(50B) ~另外可以加唔同既食材
鮮椰子雪糕唔會好甜~超香椰子味..正
但配料就全部都好甜(食完第2日再encore..YES!)
下午去遊車河+換錢(個rate以同日既找換店比較..以western union為最高)
3點幾見肚餓~我地遊到去Bophut碼頭區..對面食local麵
超爆熱..有得揀我都係飲"凍椰青"~阿喂飲coconut shake
阿喂又係食湯粉.."魚蛋湯粉"
我要Pad Thai
依幾日食得太多glass noodle..其實真係有d難消化
比前一日係nathon食既好味~蛋煎得香d
整體食物都ok~local食店黎講..算無乜烏蠅(總消費:210B)
下午回程返酒店游水+hea下..等無咁熱再出發呢^^
(待續)
沒有留言:
張貼留言