9月20日(星期六..Day 1)~係Northern Cha Am食完late lunch
差不多5點幾~之後直接揸車去酒店check in(將另出"酒店篇")
酒店方面~今次揀間活動空間夠大+有私家pool既"Cae Villa Hua Hin"
酒店只有十個房間~每間獨立房私隱度極高~價錢仲相當抵住
去到酒店門外~職員跑黎迎接~簡單做check in+welcome drink
就帶我地入房介紹設施~送別服務員..我地可以好好relax了
是日無行程~因為落機後..曼谷>華欣揸3個多鐘車程都會勞累
所以夜晚唔安排揸車~近近地係酒店後街night market食晚飯
依個露天night market主打本地人+少少外國人光顧為主
入夜後..整條街已經泊滿電單車
night market範圍好大~環境好乾淨光猛
仲有live band..所以好多local收工會黎聚下+聽歌
環境除左舒服~切實感受到氣氛..讓人非常自在(relax)
場內有好多唔同款式小檔~除左有當地人熱捧既"壽司店"
仲有韓式火鍋,炸雞,燒魚,湯粉麵,炒粉麵,pizza,pancake等
依個檔口好受歡迎~見好多local都會點黎食
點選食物..講低檯號~送上食物後先至比錢
晚餐先黎啤一啤(60b x2)~再派老闆揀佢喜歡既食物
下午果餐其實都未完全消化(哈)~所以晚餐食好少
老闆點個"炭爐火鍋"(120b)~有蔬菜籃(通菜,粉絲,椰菜, 金不換)
小碟..豬肉,豬肝,魷魚,蝦,玉子豆腐等
份量睇上去好少..食落其實都好快飽
瓦煲火鍋好精緻
悠悠閒閒等佢滾起..就開始食得啦
將整碟肉類倒入湯鍋~湯底清清..食材好出味
蔬菜都好新鮮脆嫩
附上兩個醬~泰汁既辣度又係超正宗..好惹味夠酸辣
老闆最like食泰國湯麵(35b)..好味!(總消費:275b=$68)
night market位置係soi 88~Cae Villa Hua Hin後街
除左night market~火車軌兩旁..橫街都有唔少local食店
過火車軌~"7仔"後面就係night market
night market內有個"幸福摩天輪"呢
食完飯買埋啤酒~walk返酒店浸水+hea休息
day 1行程完畢~goodnight^^
(待續)
沒有留言:
張貼留言