9月23日(星期二..Day 4)~Santorini Park+Swiss Sheep Farm行程完畢
開始肚餓啦! 係時候去食午餐~是日午餐再去Northern Cha Am
食店位於"Puek Tian Beach"~海中心有d雕像呢
雕像好巨~退潮時應該行到出去(因為見有石梯)
沙灘位置有一整排食肆
食店無英文名
"BBQ蝦"
蝦好新鮮..肉質有彈性~個泰汁又係好正宗辣
"冬蔭功湯"
湯底香~酸辣度夠..越飲越辣+好醒胃~湯料都好足
"炒什菜"~簡簡單單..炒得好味
整體食物味道帶住家媽媽feel(總消費:600b=$148)
食完lunch..又係時候返villa休息+hea下先
等到黃昏再出動~下一站.."Pae Mai Market"
依個market唔係日日開放(只得星期二&五..4pm-9pm~網上資料暫無修改)
(位置 : soi 70往Khao Hin Lek Fai Rd接3218..分叉路口轉右~地圖為soi 68左手邊位置)
(位置 : 從cae villa後街小路~經過火車站再直上接3218亦可)
因為晏去..好難搵位泊車~人流非常暢銷..人多車多好熱鬧
當地人真係好like食壽司
local market..範圍好大~好多人收工去買餸/熟食等
仲有沙律/生果檔/燒魚檔等等
仲有"即開生蠔"~不過衛生問題..老闆唔建議買任何小吃
都係果句..當地人飲食習慣~唔=適合遊客腸胃..所以純粹參觀
"九皇齋節"..除左local market~好多地方都會有素食檔口
原本係Pae Mai Market旁果間餐廳食泰菜
不過老闆話想encore soi 88 night market
所以揸車返villa~再walk過去食晚餐
反正唔駛揸車..所以叫支大炮Singha(360b)
"燒魚"(170b)~附上一份蔬菜及米粉..兩個醬汁
肉質keep到好嫩~肉味淡鮮..伴醬汁食即時提味
原本想就咁加醬汁..試下咁食個米粉味道如何
不過老闆扣起個米粉~話用黎火鍋灼食(咁霸道都有架..我想試下ma! 哈)
唔駛問都知係老闆encore欽點啦(120b)
我好鐘意食泰國/印度既燒雞(30b)
夠入味..外層又炸到脆脆地~好香口好惹味
market入面既pancake檔..昅左好耐啦!
因為老闆唔食..上次好飽食唔落~今次飽都要整個
香蕉朱古力味薄餅(25b)~薄餅好薄身帶脆
香蕉配朱古力醬好味又唔太甜(總消費:705b=$174)
食完飯四圍望下八下~見前面果檯係酒莊職員同朋友酒聚
飲完支大炮singha..再過隔離露天做按摩~做完買少少啤酒
又walk返酒店休息~Day 4行程完畢^^
(待續)
沒有留言:
張貼留言