華欣自駕遊。影火車

9月23日(星期二..Day 4)~依早又係好早起左身

老闆話唔駛食早餐~咁我本身係香港都無特別食早餐習慣

因為起身胃口唔好..會等肚餓先食~但就習慣飲好多水先囉

朝早hea夠..反正唔食早餐~諗住去影火車軌~之後開始行程

朝氣勃勃同老闆出發..GO! 點知佢出師不利..發雞盲踩C氹

咦~~~! 睇見佢隻鞋..簡直令人作嘔~要即刻打道回Villa洗鞋

我就繼續留守係火車軌影相呢^^


火車軌旁有排小屋





無火車既時候..好多居民會係火車軌上行走/穿插



交通都一樣





每當準備有火車經過~會亮燈及發出"叮~叮"提示

同時..交通道路上會即時落閘~以預防車輛駛入

咁岩..影左陣又準備有火車經過(2日都超lucky..時間剛好撞到)



我搵定個安全位置踎低..等火車經過



車長遠遠已經響安(心情即刻好緊張)







車速超快..風速超強~踎低可以保持穩定~但當刻真係驚



返去同老闆講驚驚~佢話我簡直玩命

的確係有危險性~依個經歷只會試一次呢 :p



(待續)