9月21日(星期日..Day 2)~上午行程去Spa House攞料
Lunch Time食完pizza~下午安排閒逛"Market Village"
今個旅程..依個商場都進出左唔少次~除左去Boots買用品
主要去Tesco買酒+生果~雖然d生果會比一般路邊小檔貴
但始終衛生方面會較為安心呢
商場有3小時免費泊車
除左Boots+Tesco..服飾/用品/其他商舖唔太吸引
除左超市..仲有外賣熟食counter
過往去泰國..多數都係Family Mart買酒~無係Tesco/Big C買過
真係唔知..原來有時間限制~頭幾次唔記得..次次去親都摸釘
最終都要去返便利店買酒
閒逛完Market Village~返villa休息+hea浸水
夜晚去"Kai Yang"食晚餐(位置係soi 88街頭~Grand Night Market前TMB門口大地)
因為係銀行門口擺檔~所以日頭唔會開..要5:30pm先開始營業
流動座位唔多~依晚去到都要等陣..好在極快有檯
形式同香港大排檔差不多~local食客為主..仲有啤酒小姐
服務員會比menu及點菜紙~自己填寫小菜後..交比佢就ok了
"Mango Salad"~正宗泰辣..好鬼辣但好醒胃
編排行程上..雖然我做主導~但其實好多都好就老闆架
正如我最愛食pizza+印度菜~行程只安排一餐滿足自己
其他都係食燒魚/BBQ/海鮮/湯麵~知道老闆最like食燒魚
依間"BBQ燒魚"好正~加上唔駛揸車..等佢可以飲酒呢
條魚燒得好靚~外皮焦脆..肉質好嫩帶鮮味
伴上泰汁..好辣好惹味好開胃
"BBQ螄蚶"
除左屋企自煮~未試過係泰國食到個殼洗得咁白既螄蚶
燒既時間剛好~大部份入面仲有水份..肉質好鮮
"BBQ魷魚"
魷魚肉質又係好嫩~地道泰菜..通常有碟伴菜跟上的
"烤鴨肉"
炒得乾身+肉味濃..香辣惹味~辣度都幾勁..越食越辣
整體食物好正有水準 (總消費:467b=$115)
食完飯..順便行下前面既Grand Night Market
形式同女人街一樣~無乜特別..純粹閒逛
Market內有一邊係食肆
遠遠聞到燒餅香..有鹹/甜味~買左一份甜味(4件/20b)
綠色餡料係斑蘭醬+椰絲~買左要即食..因為好快腍
味道都唔錯有蛋香~只係個人覺得個醬太甜
行完慢慢walk返酒店休息lu..Day 2行程完畢^^
(待續)
沒有留言:
張貼留言