4月7日(星期一..Day 3)~離開"La Vanille Réserve des Mascareignes"
下一站..Bois Cheri(Fee:Rs.100/pp)~除左飲酒..我地都鐘意飲茶架
泊好架車..無參觀茶廠生產過程~直接徒步去茶園餐廳位置
距離停車場要行1.7km~沿路好綠林feel..空氣超清新涼快
間中都見1,2部taxi載客人入去茶園餐廳
之前無問可唔可揸車入去~因為入口旁係parking
行左一半路..見到對面就係餐廳lu
之前係對面影過黎~話咁快..就行到去餐廳
風景好靚..好Green好舒服又大風
餐廳範圍都幾大~有室內外座..我地揀室外吹吹風
餐檯早有準備..唔同味道既茶包~任試任飲
當地最為出名既有Vanilla Tea
岩心水可以係小店購買~另外..Super U都有得賣呢
是日最後一站.."Ganga Talao"(位置係茶園再入)
依個係火山湖~位於大約1800英尺以上海平面
湖既面積好大~亦係毛里裘斯最神聖既印度教地方
仲有個33米高既濕婆神像
環境好正好寧靜..好舒服~高處遠望..連綿不絕景觀
黃昏時間..回程返酒店~返到Grand Bay..遇上個醉酒佬攔車
佢企正係車頭..當刻都幾驚~意識上即刻叫老闆lock車門
再用手按住門柄~佢可能以為我開門~所以走去我果邊
老闆即刻響按叫佢走開~見佢無貼住架車..即刻開車走(驚)
返到酒店休息一陣..又準備去食晚餐^^
老闆點返昨日杯飲品~我點個"Minty Green Island"
"吞拿魚他他 & 炸吞拿魚角"
兩款都好開胃惹味~炸角好香脆..伴以茄茸醬(正)
"香葉伴炸蝦(咖喱醬汁)"
炸蝦勁香脆..伴上唔辣帶咖喱香既醬料~好味
"Green Salad"..基本沙律菜伴上合桃~好開胃好fresh
"牛肉炒飯(伴蒜汁)"
老闆話好正好好味~蒜汁好香..炒飯近似中式味道好香口
"烤魚伴薯粒蛋餅(咖喱醬汁)"
烤魚上層係一塊炸脆米片~超脆好香口
魚肉味道清淡~伴咖喱醬汁較為惹味
蛋餅入面用薯粒及蔬菜做餡~薯味好突出..味道唔錯
甜品.."rum酒蛋糕"
酒味好濃..蛋糕好濕潤又係勁甜
朱古力餅有濃朱古力味~加上果仁又夠脆口..好正
"Ice Cream Puffs"
相對雪糕類無咁甜~易入口好多
依晚有在場歌手~為我地唱左首"Stand By Me"
聽佢唱完歌..我地都返房梳洗+早點休息lu
因為聽日行程要好早起身呢^^
(待續)
沒有留言:
張貼留言