毛里裘斯自駕遊。感想+感受

每次外遊~唔多唔少係當地都會有d得著+感受

其實=命中要你遇到要發生既事..始終都要發生

簡單到可能1,2句說話/事情~已經改變原本既我

正如老闆所講..今次玩完返黎~當地人都令佢有體會

當然啟發性向好..而唔係轉牛角尖~就係件好事呢


當地人既生活~真係好簡單純樸



星期六,日假期~好多家庭出外享受野餐郊遊樂

依個真係一個非常好既..人與人互動溝通方式



依日遇上一個大家庭~媽媽準備緊食物~仔女就圍埋傾計

我地過去打個招呼..閒談幾句~媽媽仲主動叫其中一個女

為我地送上一份即炸薯條~由於份量太多..所以無要到全份

禮貌上直接試食少少..然後再答謝~其實都好感動

至少我對陌生人一定無依份心~又可能生活係香港

太多騙人同情心既事件~變得防人之心不可無





基本上..當地人普遍都好nice~部份仲會好熱情

每次影相前我會禮貌地問句~佢地通常都好welcome







講開好人..不得不敬佩當地入油員~非常敬業樂業

真係用心去服務客人~除左入油..仲會留意車輛問題

入油員發現架車軚氣不足~入完油仲主動幫我地打氣



當然..每個國家都有好人/壞人~第一日交收租車既人

第一觀感都係老實辨事~而我地習慣取車前check車

會影底已有碰撞花痕~仲要求落單寫明(以防收車有不必要賠償)

還車當日..由另外兩個外表兇悍既男人黎酒店收車

check過車無問題~但話未比尾數~我地單據寫得好清楚

加上行規..係要比晒錢先可以取車~所以感覺少少想R錢

既然車無問題~拎埋張單解釋完就轉身走~無再理佢地囉



探訪巨龜當日..有一家人帶住2個小朋友一齊餵龜(留意隻烏龜望住我)



餵龜無問題..但我個人就好討厭依個行為~將心比己

你比人坐係背上都唔會好受~點解要咁對佢地

我亦唔覺得咁既行為有幾好玩囉(嬲)



之後..坐完仲企係龜背上~真係太過份



作為父母..都無好好教導要愛惜+尊重任何生命



人同動物應該建立感情+互信

雖然佢地都係當動物係一種生財工具

但睇得出飼養員係好錫+用心愛佢地囉





Port Louis可以睇到最生活既一面





當地流通貨幣..盧比Rs



毛里裘斯環境真係好好..好Green~空氣仲超清新

除左參與左最想去既活動外~其實仲有好多探索空間

包括好多靜態/刺激/文化/自然生態等景點活動



可惜無太多時間逗留~但整體今次毛里裘斯之行

係一個開心,好玩,難忘,感動之旅~會好好懷念每刻片段呢