毛里裘斯自駕遊。Baystone Hotel Dinner(Day 4)

4月8日(星期二..Day 4)~是日行程"Dolphin Encounter"出海遊

2:30pm左右玩完上岸lu~原本回程順路安排去Goodlands行下

不過老闆話好攰喎~咁是但啦! 直接揸車返酒店梳洗+休息呢

由Day 1已經講話要去蔗田影相~雖然有日去過..不過嚇破膽

依日反正咁早回程..順路見到就連車入去~感覺無徒步咁驚

因為車入得..一定好闊~有巨型生物走出黎~都多d空間逃跑(哈哈)


毛里裘斯既蔗田面積非常廣~因為當地最盛產係蔗糖

除左旅遊業~蔗糖業都係當地經濟命脈之一



當地租既韓國車都幾經典~配置仲未係電動..窗要用手攪

所以果日遇到醉酒佬~架車又無Auto Lock..當刻都幾緊張



返到酒店..梳洗完即刻吹頭~午間小睡個幾鐘..再出去食晚餐



"燒魚串 & 蔬菜脆多士"

魚串伴上他他醬..都幾開胃



多士好thai feel..好香香草葉+番茄味~底層果塊係茄子



"八爪魚伴香葉番茄茸多士"



八爪魚好軟腍~伴上牛油果,番茄,洋蔥,香葉帶酸味醬料..好正



多士餡料清清地..但配搭好惹味~依個都可以自己整下



"Green Salad"

基本沙律菜伴滷蛋~以柑桔+橙調成做醬汁

甘甘甜甜..味道好唔錯



"蕉葉烤魚(伴芋頭,南瓜&薯粒)"



烤魚下層仲放入青橄欖,檸檬,鹹檸檬同烤~伴上酸甜醬料





依個伴菜ma ma..無乜味



"燴雞(伴印度飯)"

醬汁帶中式口味~雞肉都ok今次無咁鞋口





原本依晚放棄點甜品..因為連續3日都實在太甜

但見到整得太靚~所以都係忍唔住點一個獨享

"Apple Pie with Vanilla Ice-Cream"



依個係咁多日..甜度最岩我食既一個甜品

蘋果批酥皮層薄中帶脆..中間放上蘋果乾焗製

整體清香少甜~伴碟既cream+jam混合後..口感好香滑





飲品..我要個"Raspberry Lemonade"



老闆點個"Green Island"

食完晚飯..早d返房pack定少少行李~聽日行程繼續^^




(待續)