吉隆坡(生活旅遊)。Tanjung Sepat(裕發咖啡貿易 & 特產店)

3月9日- 3月13日 (吉隆坡 5日4夜。生活旅遊)

3月12日(星期六..Day 4)~"Tanjung Sepat & Bagan Lalang(一日遊)"

除左海鮮肉骨茶..沙梨汁&紅火龍果汁..榴槤雪糕外

仲有其他活動~參觀"裕發咖啡貿易(Joo Fa Trading)"

吉隆坡(生活旅遊)。Tanjung Sepat(裕記海鮮肉骨茶)

3月9日- 3月13日 (吉隆坡5日4夜。生活旅遊)

3月12日(星期六..Day 4)~小寶day off..一行4人出發遊玩

之前老闆講過想食大馬"肉骨茶"~原本去"吧生"食既

不過"海鮮肉骨茶"..大家又未試過~感覺幾特別

反正上次係"吧生"食過~今次一齊試下"海鮮肉骨茶"呢

是日細表安排.."Tanjung Sepat & Bagan Lalang(一日遊)"

由於車程要over 2小時~所以出發時間要早一點

較定鬧鐘..07:15am起身~8點左右係Apt接我地出發

好攰! 昨晚大家都飲得太暢快~依早都未太回魂

好在小寶夠精神揸車..我地就閉目養神(真係辛苦晒)

* * * * * * * * * *

10:00am趕緊去到Tanjung Sepat~早餐@裕記海鮮肉骨茶

吉隆坡(生活旅遊)。Apartment自煮晚餐

3月9日- 3月13日 (吉隆坡5日4夜。生活旅遊)

3月11日(Happy Friday..Day 3)~中午係Thai Tuk Tuk食完lunch

去"Publika - B.I.G."上d貨~再去Aeon(位置:甲洞)買咖啡手信

原本想睇下Aeon有無餸買到~但貨源真係無B.I.G咁多咁新鮮

所以又再返B.I.G買餸~買完..細表先送我地返Apt休息下

佢接小寶收工..再買點外賣~直接上黎Apt..準備食晚餐

新鮮熱辣辣~食左外賣先.."鹹蛋魷魚"

吉隆坡(生活旅遊)。Thai Tuk Tuk

3月9日 - 3月13日 (吉隆坡5日4夜。生活旅遊)

3月11日(Happy Friday..Day 3)~假期係屋企

都係8點左右起身~所以去旅行(無時差)都係差不多

起身梳洗完..泡茶飲先~因為朝早習慣要飲好多水

之後再食野~飲到10點幾..食埋昨日買既"紅火龍果"

就可以出發食lunch~原本可以早半個鐘會合細表既

老闆又論論盡盡~跌左片紅火龍果..落條褲道

仲..哎呀! 問我點算? 我話..即刻除出黎洗啦! 

吉隆坡(生活旅遊)。Apartment火鍋晚餐

3月9日 - 3月13日 (吉隆坡5日4夜。生活旅遊)

出發前..老闆除左欽點要食"肉骨茶 & 蝦麵"外

仲話搵2日係Apt自煮晚餐~同大馬好友當home聚

外地自煮..我絕對鐘意~旅遊玩法又唔同+有新鮮感

但估唔到~老闆愛火鍋程度..會愛到係吉隆坡進行

我同大馬好友打個突..45度食火鍋? (老闆話..有冷氣)

* * * * * * * * * *

3月10日(星期四..Day 2)~飲完咖啡..返酒店轉房先

再同大馬好友係"Publika - B.I.G."買火鍋料再返Apt

因為食火鍋..都要麻煩大馬好友拎唔少廚具過黎用

女士們洗洗切切..滾埋個火鍋湯底~原來已經8點

男士們都餓啦! 食左2個外賣飯先~翻蒸"雞飯"(Rm6)

有味飯帶淡香~點雞醬好開胃惹味..雞件都ok唔錯

當然翻蒸..始終無堂食咁好味既 :)

吉隆坡(生活旅遊) 。Aku Cafe & Gallery

3月9日 - 3月13日 (吉隆坡5日4夜。生活旅遊)

3月10日(星期四..Day 2)~上年細表黎香港..買左咖啡比我試

獨立包裝..掛杯式咖啡好方便~味道同機器泡既一樣咁香濃

所以打算買d做手信~同鐘意飲咖啡既志同道合分享 :)

Coffee Time@Aku Cafe & Gallery(亞穀咖啡文化廊)(位置:茨廠街)

吉隆坡(生活旅遊)。巴剎 & B.I.G Supermarket

3月9日 - 3月13日 (吉隆坡5日4夜。生活旅遊)

今次"吉隆坡之旅"..超簡單輕鬆! 訂完Package等出發

其他事項..我話唔諗啦! 簡單同細表講大約想食乜乜乜

就交晒比佢安排(真係辛苦晒^^)~佢有問..要唔要去景點?

我地話..唔駛! "吉隆坡"要去既景點~之前都去過ma

講真! 吉隆坡係生活性質城市~所以要用生活方式遊走

同埋..今次主要係友聚~我地又唔想花太多時間係車程

即係咁! 假設用2.5hrs去一個地方~我寧願用30 mins車程

餘下2 hrs..會珍惜時間坐埋傾計~不過"吉隆坡"地方太大

閒閒地去一間有水準食店..都要超過30 mins(所以香港細有細好呢)

* * * * * * * * * *

3月10日(星期四..Day 2)~細表上年黎香港..同佢去楊屋道街市

佢超like個形式..話好多選擇又新鮮~簡直係花多眼亂(哈哈)

我本身都鐘意去其他國家街市/超市~不過細表一直強調

佢地既巴剎..同香港分別好大~可能想比定個心理準備我

其實我覺得應該同泰國差不多(喜歡煮野食的..通常鐘意體驗當地街市吧)

食完印度早餐~就去巴剎(位置:Old Town@PJ)

吉隆坡(生活旅遊) 。Bawah Pokok Indian Rice

3月9日 - 3月13日 (吉隆坡5日4夜。生活旅遊)

"生活旅遊" - 我既定義係..將香港生活~套用係其他國家上

唔追趕景點又冇行程~每日自然醒..hea夠攪掂! 就出去食野

有時間去下cafe..行下街市/超市~買餸返Apartment煮晚餐

簡單黎講! 雖然係旅遊..但就同香港好生活化既方式一樣

同大馬好友相聚時~絕大部份係分享自己國家/城市生活事

例如:社會制度,社會福利,民生事項,新聞,工作,飲飲食食等

今次都似一個"交流之旅"~整個旅程感覺都獲益良多

* * * * * * * * * *

3月10日(星期四..Day 2)~昨晚因為個冷氣機太嘈

完全瞓唔到~凌晨3點..起身關左冷氣~靜晒先瞓到

8點幾起身..梳洗攪掂! 即刻落reception要求轉房

兩張單人床房..即時有~double bed就要等下午

咁等啦! 叫佢幫我hold住間房~晏d返黎先搬行李過去

攪掂call細表~依五日..辛苦佢陪我地又車出車入呢(thx)

昨日既午餐+晚餐..明顯為老闆而設~今日輪到我啦卦

早幾年見細表食過Puri..一直記係心~期待已久..終於試到

加上我本身好鐘意食印度菜~老闆一般..不過都要陪食囉

早餐@Bawah Pokok Indian Rice(大樹下的印度飯)(近雪華堂..Jalan Akar)

吉隆坡(生活旅遊) 。返尋味魚頭米 & BBQ Thai

3月9日 - 3月13日 (吉隆坡5日4夜。生活旅遊)

接近出發前~大馬好友每日親身感受熱度..報告當地天氣

wow!! 45度+乾爽~真係好難想像有幾熱~直至..到達當地

大馬好友依然不停問住我地熱唔熱? 驚唔慣咁熱既天氣

其實熱之中乾爽~比起香港又濕又焗熱..真係好得多啦!

起碼身體唔會長期濕笠笠又熱~乾爽熱..完全接受到囉

由上機 > 全日活動完畢~我都著住薄長袖衫..完全唔覺熱

老闆怕熱都話好ok~只係有一日..真係熱到會出汗呢 :)

而乾燥天氣比預期嚴重~已經飲好多水..我個咀仔唔止結焦

仲乾燥到出鼻血(大馬好友都話..好少會乾燥到連佢個咀仔都結焦架)

* * * * * * * * * *

3月9日(星期三..Day 1)~中午到達KLIA..會合大馬好友後

隨即駕車出發食Lunch~因為佢地知我地食量..好似雀仔肚

所以第一餐..同我地輕食~盡量等我地留肚..晚餐可以食多d

午餐@返尋味魚頭米(Restoran Fan Cam Mei)(位置:Menjalara)

吉隆坡(生活旅遊)。Damas Suites & Residences

3月9日 - 3月13日 (吉隆坡5日4夜。生活旅遊)

今次旅遊..來得都好突然~事緣有日係Line谷

老闆同大馬好友吹吹下水~就促成今次"吉隆坡之旅"

其實1月去完泰北~無諗到老闆有假期..3月可以再出發

雖然..內心有默默祈望上天~可以無間斷..每年3月安排外遊

1月完成泰北之旅..都有發願~希望上天安排3月來個"隨意遊"

任何地方都可以~但無同老闆講過..估唔到真係實現左(感恩)

* * * * * * * * * *

旅程太貼..唔會花時間research新地方(理想係..hea遊"陽光與海灘"既)

但見老闆同大馬好友隨意講..搵機票先~細表已經即刻搵酒店

想像到好熱切期待我地過去~的確..已經闊別5年無去"吉隆坡"

正正又係唔駛做research既地方(上天原來要安排我地去探"大馬好友"啊)

而今次旅遊..同以往玩法唔同~會以"生活旅遊"方式一齊相處呢

* * * * * * * * * *

3月9日(星期三..Day 1)~出發前3星期..用Expedia訂package

真係超級幸運! 可以買到最後2張(另+$250/位)既馬航機票

因為之後模擬當新訂購~馬航機票已經要另+$1500/位(感恩)

我地乘坐馬航(MH79)~HKG > KUL  08:45 - 12:40(機程3h50m)

顯示牌話提早15分鐘起飛~唔夠時間食早餐..就直接等上機

OH! 最終delay 30 mins先起飛~唔知座位唔舒適/心急見好友

連老闆都話..去程既時間真係好漫長(冏)