2月13日(星期六)~之前係"悠蔬食"飲過"淮山蓉湯"
味道真係好好~而本身我地又鐘意食鮮淮山
營養及藥用價值好高~之後上網查下資料
見好多都教打蓉進食~而淮山具有補益脾/胃/肺
特別適合脾胃弱人士食用~亦有滋腎養精..益肺止咳
仲話可以降低血糖 ~手腳冰冷就用淮山煲烏雞+龍眼
有補中益氣+養血作用~但淮山唔可以同"甘遂"一同食用
帶鹼性藥物都唔得~大便燥結都唔得~淮山有收泄瀉作用呢
(點都好! 每樣食物..最緊要睇返自己體質及適量服用)
依日就整個"鮮淮山露"同老闆試下先
每碗份量我預4粒~Size約未去皮既馬碲
鮮百合..食材烹煮時間較為貼近~而且有潤肺功效
製成品出黎既味道~仲帶有好香杏仁味
最後..我用蜜糖調甜~質感黏稠滑滑..味道清淡甜甜地
我覺得當飯後甜品都好正~易煮又有補益功效
食譜(2碗份量) :
1. 鮮淮山(8大粒) 2. 鮮百合(細-2個) 3. 杏仁粉,紅薏仁粉(各1茶匙)
4. 清水(1.5碗) 5. 蜜糖(適量)
1. 鮮淮山去皮洗淨切大粒~鮮百合切頭尾洗淨
2. 所有食材連清水放攪拌器..攪拌成蓉
3. 倒入煲內..以慢火煮熱至濃稠~待暖放入蜜糖調甜即成
p.s.
1. 鮮淮山食幾多切幾多~用廚紙/報紙包裹未用的放雪櫃存放
2. 除鮮百合..亦可加入南瓜,栗米等快熟食材同煮
3. 可依個人喜好以冰糖/紅糖作調甜
happy monday ah yanomi ^^
回覆刪除你呢個鮮淮山露好 ok 喎,簡單易做,又有益,等我又試下先 ^^
hello阿肥..早晨呀!
刪除依幾日好好陽光~你都出去曬下太陽..吸收維他命d啦 :)
依個真係簡易快~又補益! 要試啊!
二手笠 仍然係我 寫埋呢個留言
回覆刪除妳可能要聽日先見到我喇 有 report 要做 起碼一日囉
妳唔好嘈住我呀下 我要"用心做report"呢~~~~~~
鮮淮山正呀 但小奧話好滯
我試過蒜蓉豆豉蒸淮山蒸排骨 好味喎
可以唔駛食飯 因為食淮山都好夠飽 哈哈~~
係咁 88妳條xx尾!!!!
六笠六..早呀! 係時候覆留言啦
刪除鮮淮山邊滯呀~小奧唔LIKE食就真啦! 哈哈
我都覺得好食呀~通常火鍋/煮糖水囉