清萊+清邁自駕遊。Imagine Breakfast

1月5日 - 1月12日 (清萊+清邁自駕遊8天之旅)

1月11日(星期一..Day 7)~昨晚好好瞓..環境好靜好舒服

朝早瞓到09:45自然醒~酒店包有早餐..由08:00 - 10:00

攪掂已經過左10:00~見到太子仔..問問仲有無早餐食呢 :p

佢好熱誠答"Sure"~講真..集團式酒店就一定唔會有咁既服務

家庭式會用心經營~同打份工既心態..真係完全唔同囉

即整早餐..需時等候~反正渡假心態..唔駛急慢慢來(坐定定等食)

早餐有果汁/咖啡/茶~無限供應! 回魂咖啡好香濃..好正

前一日見到太子仔收集香蕉葉~原來用黎包裹"糯米飯"

燒得好靚呢~新鮮熱辣辣..上檯時已經傳來陣陣香味

糯米飯粒粒通透黏口..好軟糯

餡料有綠豆蓉..甜甜地又香好好味

份早餐應該係太子仔爸爸整

完全feel到用心為客人..準備既精美早餐

好豐富多料..有腸仔,菠菜,大量芝士,番茄~食材非常新鮮

中間原來仲有隻半生熟蛋~焗製時間掌握得非常好

沙律菜(伴日式芝麻醬汁)~沙律菜非常新鮮脆嫩

最後..甜美生果~美好時光..去享受一個美味早餐

除左感動..就係窩心~食完心情都大好^^

食飽出車沿小路徑走走..欣賞風景

酒店夜景

兩日傍晚..都影到好靚既天色

有晚沖涼..有條四腳蛇係浴室出面昅野(哈哈)

(待續)